សម័្ពន្ធព័ត៌មានកូនខ្មែរ: សេដ្ឋកិច្ច-សង្គម

Showing posts with label សេដ្ឋកិច្ច-សង្គម. Show all posts

អតីតអ្នកនយោបាយវ័យចំណាស់ លោក ម៉ម សូណង់ដូ បានប្រកាសវិលត្រឡប់ចូលប្រឡូកក្នុងឆាកនយោបាយកម្ពុជាសារជាថ្មីវិញ បន្ទាប់ពីផ្អាកដឹកនាំគណបក្សនយោបាយចំនួន ៣អាណត្តិ។ យ៉ាងណាក៏ដោយ អ្នកវិភាគ លើកឡើងថា គោលនយោបាយរបស់លោកម៉ម សូណង់ដូ គឺមិនមានអ្វីថ្មីនោះទេ។

គណបក្សសំបុកឃ្មុំសង្គមប្រជាធិបតេយ្យដែលជាគណបក្សចាស់របស់លោកម៉ម សូណង់ដូ នឹងវិលចូលឆាកនយោបាយកម្ពុជាសារជាថ្មី បន្ទាប់ពីផ្អាកដំណើរការចំនួន ៣អាណត្តិ គិតចាប់តាំងពីឆ្នាំ១៩៩៨ ។ លោកម៉ម សូណង់ដូ ប្រធានវិទ្យុសំបុកឃ្មុំ និងជាប្រធានសមាគម អ្នកប្រជាធិបតេយ្យ បានលើកឡើងថា ការចូលរួមនយោបាយសារជាថ្មីក្នុងរូបភាពជាបក្សនយោបាយនេះ គឺដោយសារការអស់សង្ឃឹមនឹងគណបក្សប្រឆាំងរបស់លោកសម រង្ស៊ី និងលោកកឹម សុខា។ លោកសម រង្ស៊ី និងលោកកឹម សុខា ដែលបានបង្ហាញជំហរទោទន់ដាក់គណបក្សប្រជាជនកម្ពុជា របស់លោកនាយករដ្ឋមន្ត្រីហ៊ុន សែន នាពេលចុងក្រោយនេះ។

លោកម៉ម សូណង់ដូ ដែលមានអាយុ ៧៣ឆ្នាំទៅហើយនោះ បានបញ្ជាក់ថា គណបក្សរបស់លោកនឹងទទួលបានអាសនៈ នៅក្នុងសភា ត្បិតគោលនយោបាយថ្មី ២ចំណុចរបស់លោក។ ទី១ គឺការបង្កើនកម្រិតជីវភាពរបស់ប្រជាពលរដ្ឋ និងទី២ ការបង្កើនកិត្តិយសមន្ត្រីកងកម្លាំងប៉ូលីស និងទាហាន។ ជាគោលនយោបាយដែលផ្តល់សេវាសាធារណៈ ដល់ប្រជាពលរដ្ឋ និងគិតគូរពីសុខមាលភាពដែលរដ្ឋាភិបាលដោះស្រាយមិនទាន់ចេញ ហើយគណបក្សប្រឆាំងបានព្រងើយកន្តើយ។ នេះបើតាមលោក ម៉ម សូណង់ដូ ដដែល។

យ៉ាងណាក៏ដោយ លោកបណ្ឌិតសុខទូច អ្នកវិភាគស្ថានការណ៍នយោបាយ នៅកម្ពុជា បានមានប្រសាសន៍ថា គោលនយោបាយនៃបក្សសំបុកឃ្មុំ នេះគឺគ្មានអ្វីថ្មីប្លែកនោះទេ។ លោកបន្ថែមថា ការវិលចូលក្នុងឆាកនយោបាយនេះ គឺដោយសារលោកម៉ម សូណង់ដូរ បានមើលឃើញឱកាសដែលសកម្មជនគណបក្សសង្គ្រោះជាតិមួយចំនួន មិនសប្បាយចិត្តជាមួយនឹងនយោបាយរបស់គណប្រឆាំងក្រោយការចូលសភាក្នុងអាណត្តិទី៥នេះ។

លោកម៉ម សូណង់ដូ ធ្លាប់បានបង្កើតគណបក្សនយោបាយឈ្មោះថា សំបុកឃ្មុំសង្គមប្រជាធិបតេយ្យនេះម្តងរួចមកហើយ កាលពីខែមីនា ឆ្នាំ១៩៩៨ ប៉ុន្តែប៉ុន្មានខែក្រោយមកលោក ក៏បានរំលាយគណបក្សនេះចោលទៅវិញ បន្ទាប់ពីមិនទទួលបានអាសនៈអ្វីមួយសោះកាលពីអាណត្តិទី២នោះ។ លោកម៉ម សូណង់ដូ ធ្លាប់ជាប់ពន្ធនាគារនៅកម្ពុជារយៈពេលបីដង ក្នុងសំណង់រឿងកុប្បកម្មប្រឆាំងថៃនៅកម្ពុជា សំណុំរឿងសន្ធិសញ្ញាព្រំដែនបំពេញបន្ថែម កាលពីឆ្នាំ២០០៥ និងចុងក្រោយ គឺសំណុំរឿងតំបន់អប្បគម ប្រមា នៅខេត្តក្រចេះ។

បើទោះបីជាគណបក្សសំបុកឃ្មុំរបស់លោក ម៉ម សូណង់ដូ នឹងត្រូវប្រកួតប្រជែងនឹងគណបក្សប្រជាជនកម្ពុជា និងសង្គ្រោះជាតិ រួមទាំងគណបក្សរាជានិយមហ្វ៊ុនស៊ិនប៉ិចក៏ដោយ ក៏ប៉ុន្តែប្រធានដែលមានអាយុ៧៣ឆ្នាំរូបនេះ នៅតែមានសុទ្ធិដ្ឋិនិយម ចំពោះការទទួលបានអាសនៈ។ ហើយគណបក្សសំបុកឃ្មុំរបស់លោកម៉ម សូណង់ដូនេះ នឹងចូលរួមការបោះឆ្នោត ឃុំសង្កាត់ ២០១៧ និង បោះឆ្នោតសកល២០១៨ផងដែរ ដោយគណបក្ស នឹងធ្វើសមាជនៅខែកញ្ញា ឬខែតុលាឆ្នាំ២០១៥៕

ប្រភពព៍ត៌មាន៖ វិទ្យុបារាំងអន្តរជាតិ

លោកម៉ម សូណង់ដូ វិលចូលនយោបាយជាថ្មី ក្រោមស្លាកគណបក្សចាស់

បញ្ចូលព័ត៌មានដោយ៖Unknown No comments

ប្រភពព៍ត៌មាន៖ វិទ្យុបារាំងអន្តរជាតិ

បន្ទាប់ពីជួបរឿងអយុត្តិធម៌ដោយរងការចោទប្រកាន់ពីសំណាក់លោកព្រះរាជ្ញា អ៊ុកសាវុធ កន្លងមកនេះ។ លោកខឹម វាសនា ប្រធានគណបក្សសម្ព័ដើម្បីប្រជាធិបតេយ្យ បានរងនូវភាពអយុត្តិធម៌មួយទៀត តែលើកនេះគឺពីសំណាក់តុលាការខេត្តសៀមរាបវិញម្តង។ ភាពអយុត្តិធម៌ បានធ្វើឲ្យលោក ពោលឡើងថា"អយុត្តិធម៌គ្រប់កន្លែង" ដែលលោកបានផុសនៅលើទំព័រ ហ្វេសបុក របស់លោក នៅថ្ងៃទី១៣ មេសា ២០១៥។ រឿងរ៉ាវមួយនេះគឺព្រោះតែលោក ផ្កាយបីបានប្តឹងទៅតុលាការ ដើម្បីយកទឹកមកកំសាន្តលេង។ ខាងក្រោមនេះជា ការរៀបរាប់របស់លោក៖

<<គ្រប់ទីកន្លែងពេញប្រៀបដោយអំពើអយុត្តិធម៌។ ចំការម្រេចយើងនៅខេត្តសៀមរាប ដាច់ទឹកសំរាប់ស្រោច ម្រេច ព្រោះផ្កាយបីបានប្តឹងទៅតុលាការអោយកាត់ទឹកយើង ដោយនិយាយថាយើងយកទឹកខាងលើប្រភពទឹកគេ។ តុលាការគ្មានសួរកយុត្តិធម៌អ្វីបន្តិចសំរេចកាត់ទឹកយើងដោយយើងមិនទាំងដឹងថាមានអ្នកណាប្តឹងយើងផង ស្រាប់តែយកដីការក្សារការពារចេញដោយតុលាការខេត្តសៀមរាមមកកាត់ទឹកយើងតែម្តង រួចប្រាប់យើងថាបើមិនសុខចិត្តទេអោយប្តឹងតបវិញទៅ។ ផ្កាយបីនោះមានទឹកហូរហៀមិនដឹងជាយកទៅធ្វើអ្វីអស់ ហើយដំណាំគ្រាន់តែដាំលេងក្នុងចំការគ្រាន់កំសាន្តភ្នែក ចំណែកយើង ម្រេចដប់ហិកតា រាប់ម៉ឺនជ្រលង់ តុលាការមិនខ្វល់ពីផលវិបាករបស់យើង គេបញ្ជូនយើងអោយប្តឹង តើប្តឹងឈ្នះគេឬ? បើឈ្នះតើម្រេចយើងមិនងាប់បាត់ហើយឬ? អយុត្តិធម៌គ្រប់កន្លែង តើរស់យ៉ាងម៉េចទៅ?? នេះហើយមាតុភូមិកំណើតរបស់ខ្ញុំ។ បើយើងមិនបោសសំអាតទេ តើអ្នកណានឹងធ្វើអយកូនចៅយើង? ខំចំណាយលុយរាប់ម៉ឺនដុល្លា សំរាប់រៀបចំអោយស្រួល តែអ្នកមានអំណាចប្រើអំណាចបំផ្លាញ តែមួយវិនាទី ការខំឆ្នៃប្រឌិតទាំងយប់ទាំងថ្ងៃ ត្រូវរលាយខ្សុលភ្លាម។ តើយើងទ្រាំរស់កើតទេ ជនរងគ្រោះទាំងឡាយអើយ? ទីបំផុត ត្រូវតទឹកបូបស្រោចម្រេចដដែល។ សង្គមតិរិច្ឆាននេះ ពិតជាបង្ករការក្តៅក្រហាយក្នុងជីវិតមិនស្រាកស្រាន្តទេ៕>

សូមពលរដ្ឋខ្មែរមេត្តាចូលរួមទស្សនាខ្សែវីដេអូរទាំងស្រុងដូចខាងក្រោម៖

លោកខឺម វាសនា ជួបភាពអយុត្តិធម៌ម្តងទៀត ព្រោះផ្កាយបីបានប្តឹងទៅតុលាការ

បញ្ចូលព័ត៌មានដោយ៖Unknown No comments

អ្នកនាំពាក្យស្ថានទូតវៀតណាម ប្រចាំកម្ពុជា ថ្លែងថា នឹងមិនធ្វើការសុំទោសតាមការទាមទាររបស់អង្គការសមាគមខ្មែរកម្ពុជាក្រោមឡើយ ហើយថា ការលើកឡើងរបស់អង្គការសមាគមខ្មែរកម្ពុជាក្រោម កាលពីពេលកន្លងមក ដែលថា បារាំង បានកាត់ទឹកដីកម្ពុជាក្រោម ទៅឲ្យស្ដេចយួននោះ គឺជាការប្រឌិតមួលបង្កាច់ និងជាការចោទប្រកាន់ដោយមិនមានមូលដ្ឋានច្បាប់។

ចំណែកខាងខ្មែរក្រោមវិញ ជំរុញឲ្យវៀតណាម បង្ហាញឯកសារភស្តុតាងជុំវិញការបដិសេធនេះ។ ជាមួយគ្នានេះ សមាគមគំរាមថា នឹងធ្វើបាតុកម្ម ប្រសិនបើមិនមានការសុំទោសជាសាធារណៈនោះទេ។

អ្នកនាំពាក្យស្ថានទូតវៀតណាម ប្រចាំកម្ពុជា លោក ត្រឹង វ៉ាំង ថុង នៅថ្ងៃទី២៥ ខែមិថុនា បង្ហាញជំហរថា លោកមិនអាចទទួលយកការចោទប្រកាន់របស់អង្គការសមាគមខ្មែរក្រោម ដែលគ្មានមូលដ្ឋានច្បាប់ និងភស្តុតាងប្រវត្តិសាស្ត្រច្បាស់លាស់នោះទេ។

មន្ត្រីវៀតណាម ដែលនិយាយភាសាខ្មែរបានល្អគួរសមរូបនេះ ថ្លែងបន្តថា ការលើកឡើងរបស់ខ្មែរក្រោម ដែលថា បារាំង បានកាត់ទឹកដីកម្ពុជាក្រោម ដែលមន្ត្រីនាំពាក្យរូបនេះហៅថា ទឹកដីវៀតណាមខាងត្បូង ឬទឹកដីណាមបូ (Nam Bo) ទៅឲ្យស្ដេចយួន នៅឆ្នាំ១៩៤៩ នោះ ថាជាការមួលបង្កាច់ និងបោកប្រាស់ប្រជាពលរដ្ឋមួយចំនួនប៉ុណ្ណោះ។

លោក ត្រឹង វ៉ាំង ថុង ថែមទាំងចំអកថា ទោះជាយ៉ាងណា គ្មាននរណាគេជឿទៅលើការមួលបង្កាច់ ឬការបោកប្រាស់នេះឡើយ៖ «បង ប្អូនខ្មែរណាមបូ មួយចំនួនហ្នឹង បងប្អូនខ្មែរនៅភាគខាងត្បូងមួយចំនួនហ្នឹង គាត់លើកឡើងថា ទឹកដីហ្នឹងអីនាថ្ងៃណាបារាំង កាត់ដីហ្នឹង ប្រគល់ឲ្យវៀតណាម អាហ្នឹងគឺជាការប្រឌិតពាក្យការមួលបង្កាច់ ការចោទប្រកាន់ដោយគ្មានមូលដ្ឋានច្បាប់អីទេ ដូចគ្មានភស្តុតាងតឹកតាងជាប្រវត្តិសាស្ត្រទេ មុនឆ្នាំ១៨៥៨ ហ្នឹង ទឹកដីហ្នឹង គឺវៀតណាម គ្រប់គ្រងរបស់វៀតណាម ហើយ»។

មែនទែនទៅ លោក ត្រឹង វ៉ាំង ថុង ព្យាយាមមិនប្រើពាក្យទឹកដីកម្ពុជាក្រោម ឬក៏ខ្មែរក្រោមនោះឡើយ តែលោកហៅទឹកដីនោះថា ជាទឹកដីវៀតណាមខាងត្បូង ឬទឹកដីណាមបូ និងចាត់ទុកប្រជាពលរដ្ឋខ្មែរនៅទីនោះ ថាខ្មែរនៅវៀតណាមខាងត្បូង ឬខ្មែរណាមបូ ទៅវិញ។

ឆ្លើយតបនឹងការលើកឡើងរបស់ លោក ត្រឹង វ៉ាំង ថុង ប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា ថ្លែងថា ក្នុងនាមជាអ្នកនាំពាក្យស្ថានទូតដែលជាតំណាងឲ្យរដ្ឋាភិបាលវៀតណាម លោក ត្រឹង វ៉ាំង ថុង ត្រូវតែទទួលខុសត្រូវចំពោះការថ្លែងរបស់ខ្លួនកាលពីពេលកន្លងមក ហើយថា ប្រសិនបើអ្នកនាំពាក្យរូបនេះមិនបង្ហាញឯកសារដែលបញ្ជាក់ថា ទឹកដីកម្ពុជាក្រោម ជាទឹកដីរបស់វៀតណាម ជាយូរមកហើយទេនោះ លោកត្រូវតែសុំទោសប្រជាពលរដ្ឋខ្មែរជាសាធារណៈ។ លោក ថាច់ សេដ្ឋា ថា ការថ្លែងរបស់ លោក វ៉ាំង ថុង នេះ គឺជាការប្រមាថមើលងាយចំពោះប្រជាពលរដ្ឋខ្មែរខ្លាំងណាស់។

លោក ថាច់ សេដ្ឋា៖ «វាជាចេតនាបំភ្លៃប្រវត្តិសាស្ត្រតែម្តងរបស់ ប្រទេសជិតខាង អាហ្នឹងដែលយើងឃើញថា មិនមែនមិនដឹងទេ ក្នុងឋានៈជាអ្នកនាំពាក្យហើយ ហើយខ្មែរក្រោមនៅច្រើនណាស់ ហើយវត្តអារាម ភស្តុតាង ឈ្មោះភូមិ ស្រុក ខេត្ត នៅទាំងអស់ចាងោៗនៅមុខ ហើយគាត់ហ៊ានបំភ្លៃបំផ្លើសយ៉ាងនេះ ហើយដូចជាច្បាប់ដែលកាត់ទឹកដីហ្នឹងនៅមាន យើងបានលើកយកមកសរសេរ មកផ្សព្វផ្សាយ ឃើញជាក់ស្តែងហើយ ច្បាប់លេខ៤៩-៧៣៣ ហ្នឹង ដែលបារាំង កាត់ទឹកដី នៅគាត់ថាមិនមានការកាត់ឲ្យអី អាហ្នឹងជាការបំផ្លើសខ្លាំងមែនទែន»។

វេទិកាសាធារណៈដែលអង្គការសមាគមខ្មែរកម្ពុជាក្រោម រៀបចំនៅថ្ងៃទី៦ កក្កដា នោះ នឹងធ្វើឡើងនៅទីស្នាក់ការសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ ស្ថិតនៅភូមិគោកឃ្លាំង សង្កាត់ភ្នំពេញថ្មី ក្នុងខណ្ឌសែនសុខ។

បើតាម លោក ថាច់ សេដ្ឋា អង្គការសមាគមខ្មែរកម្ពុជាក្រោម នឹងធ្វើបាតុកម្មទាមទារឲ្យប្រទេសវៀតណាម ទទួលស្គាល់ប្រវត្តិសាស្ត្រពិតប្រាកដរបស់កម្ពុជា ប្រសិនបើវៀតណាម មិនបង្ហាញឯកសារប្រវត្តិសាស្ត្រ និងមិនធ្វើការសុំទោសប្រជាពលរដ្ឋខ្មែរជាសាធារណៈ បន្ទាប់ពីវេទិកាសាធារណៈនេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពឯកសារ៖ វិទ្យអាស៊ីសេរី

មន្ត្រីទូតវៀតណាមអះអាងថាមិនសុំទោសតាមការទាមទាររបស់សមាគមខ្មែរក្រោម

បញ្ចូលព័ត៌មានដោយ៖Unknown No comments

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពឯកសារ៖ វិទ្យអាស៊ីសេរី

លោក សេរី កុសល ដែលជាតំណាងរាស្ត្រ និងជាអភិបាលរងទីមួយ ខេត្តបាត់ដំបង កាលពីក្រោយការបោះឆ្នោតជាតិ ឆ្នាំ១៩៩៣ បានអះអាងថា លោកធ្លាប់ជាអ្នកដែលហ៊ានចេញមុខតតាំងជាមួយនឹងលោកនាយករដ្ឋមន្ត្រី ហ៊ុន សែន ដើម្បីការពារលោក សម រង្ស៊ី ហើយដើម្បីការពារលោក សម រង្ស៊ី អង្គរក្សរបស់លោកបានស្លាប់នៅក្នុងព្រឹត្តិការណ៍គប់គ្រាប់បែកនៅខាងមុខ រដ្ឋសភា កាលពីថ្ងៃ ទី៣០ ខែមីនា ឆ្នាំ១៩៩៧។

លោក សេរី កុសល ក៏បានអះអាងផងដែរថា លោកគឺជាមនុស្សដែលគណបក្សប្រជាជនស្អប់ខ្លាំងជាងគេនៅក្នុងគណបក្ស ហ៊្វុនស៊ិនប៉ិច ដែលឈ្នះឆ្នោត នៅក្នុងការបោះឆ្នោតជាតិ ឆ្នាំ១៩៩៣ ដែលរៀបចំដោយ អ៊ុនតាក់។ ក៏ប៉ុន្តែដោយសារគណបក្សប្រជាជនមិនទទួលស្គាល់លទ្ធផលនៃការបោះឆ្នោត បានធ្វើឲ្យកើតមានជម្លោះនយោបាយទើបធ្វើឲ្យមានរដ្ឋាភិបាលចម្រុះ ជាមួយនឹងគណបក្សប្រជាជន ដោយមានសហនាយករដ្ឋមន្រ្តីដែលពេលនោះព្រះអង្គម្ចាស់ នរោត្តម រណឫទ្ធិ ជានាយករដ្ឋមន្រ្តីទីមួយ និងលោក ហ៊ុន សែន ជានាយករដ្ឋមន្ត្រីទីពីរ។

លោក កុសល បញ្ជាក់ថា៖ «ខ្ញុំឈរជាបេក្ខភាពតំណាងរាស្រ្តលេខមួយ ក្រោយមកត្រូវបានតែងតាំងជាអភិបាលរងទីមួយ ខេត្តបាត់ដំបង ដោយសារតែចែកអំណាចគ្នានៅពេលនោះ ខ្ញុំធ្វើការងារច្រើនណាស់ជាមួយ ហ៊្វុនស៊ិនប៉ិច។ នៅក្នុង ខេត្តបាត់ដំបង ជាឱកាសមួយដែលខ្ញុំបានពង្រឹងកងទ័ព»។ លោក សេរី កុសល គឺជាអ្នកដែលហ៊ានចេញមុខការពារលោក សម រង្ស៊ី ដែលកាលនោះលោក រង្ស៊ី គឺជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។

«លោក សម រង្សី បានទទួលការការពារយ៉ាងហ្មត់ចត់ពីខ្ញុំ បើគ្មានការកាពារយ៉ាងតឹងតែងពីខ្ញុំទេ ម៉្លេះលោ សម រង្សី គ្មានមុខមកដល់ពេលនេះទេ ដូច្នេះគាត់ត្រូវដឹងគុណ ហើយមិនត្រូវភ្លេចសេរីកុសលនោះទេ»។

លោកគូសបញ្ជាក់ថា៖ «សេរី កុសល ម្នាក់នេះ បានចេញមុខឈ្លោះជាមួយសម្ដេច ហ៊ុន សែន និងគណបក្សប្រជាជន ក្នុងការការពារលោក សម រង្សី ក្នុងពេលធ្វើបាតុកម្ម ដែលពេលនោះលោក រង្ស៊ី នៅជាមួយ ហ៊្វុនស៊ិនប៉ិច នៅឡើយ»។

លោកបានបញ្ជាក់ថា លោកតែងតែបញ្ជូនកម្លាំងពិសេសរបស់លោក ពី ៤០ ទៅ ៦០ នាក់ ដើម្បីការពារលោក សម រង្ស៊ី នៅពេលលោក រង្ស៊ី ដឹកនាំធ្វើបាតុកម្ម។ «សេរី កុសល ជាអ្នកជ្រោមជ្រែងឲ្យ រង្ស៊ី មានភាពក្លាហាន បើគ្មាន សេរី កុសល ទេ រង្ស៊ី មិនអាចទៅរួចទេ មកដល់ពេលនេះ ហើយរឿងនេះប្រហែលជាគ្មានពីណាដឹងទេ ដើម្បីការពារ រង្ស៊ី អង្គរក្សរបស់ខ្ញុំ បានស្លាប់ក្នុងការបោកគ្រាប់បែកនៅក្នុងហ្វូងបាតុកម្ម កាលពីអំឡុង ឆ្នាំ១៩៩៧»។

លោកបានថ្លែងទៀតថា នៅក្នុងឆាកនយោបាយ លោកតែងតែមានឆន្ទៈមួយក្នុងការការពាររបបរាជានិយមខ្លាំងណាស់ ជាពិសេសស្ថាប័នព្រះមហាក្សត្រ។ នៅក្នុង ហ៊្វុនស៊ិនប៉ិច លោកគិតពីប្រយោជន៍បក្សជាធំ ដោយមិនគិតពីប្រយោជន៍ផ្ទាល់ខ្លួនឡើយ។ លោកថ្លែងទៀតថា៖ «ខ្ញុំគឺជាមនុស្សទីពីរ ឬទីបី នៅក្នុងបក្ស ដែលក្នុងចំណោមនោះ មានតួនាទីជារដ្ឋមន្រ្តី និងឧបនាយករដ្ឋមន្រ្តី នៅក្នុងរដ្ឋាភិបាលចម្រុះ ជាមួយគណបក្សប្រជាជន។ ខ្ញុំគឺជាមនុស្សតែម្នាក់គត់នៅក្នុងបក្ស ដែលមិនដែលសុំអំណាចទាល់តែសោះពីបក្ស»។ «ខ្ញុំជាមនុស្សម្នាក់ ដែលស្មោះត្រង់បំផុតជាមួយសម្ដេចឪ សម្ដេចតា ដែលព្រះអង្គបានផ្ដែផ្ដាំឲ្យខ្ញុំ ជួយមើលសម្ដេចក្រុមព្រះ ទោះបីលោកមានចំណេះដឹងខ្ពស់ ក៏ប៉ុន្តែបទពិសោធនយោបាយនៅតិចតួច»។ លោក សេរី កុសល បានបញ្ជាក់ទៀតថា លោករៀនមិនបានខ្ពស់មែន តែលោកបានចូលប្រឡូកផ្ទាល់ក្នុងសង្រ្គាមនិងនយោបាយ នៅក្នុងប្រទេស «ដូច្នេះហើយ ខ្ញុំត្រូវតែការពារសម្តេចក្រុមព្រះ ខ្ញុំថែរក្សាគំនិតមួយថា ពីណាប៉ះសម្ដេចក្រុមព្រះអត់បានដាច់ខាត សូម្បីតែសមាជិកបក្សខ្លួនឯង»។

ដើម្បីការពារព្រះអង្គម្ចាស់ នរោត្តម រណឫទ្ធិ លោក សេរី កុសល ហ៊ានធ្វើអ្វីគ្រប់យ៉ាង រហូតដល់ហ៊ានប្រកាសផ្ដាច់ ខេត្តពោធិ៍សាត់ បាត់ដំបង បន្ទាយមានជ័យ នៅពេលដែលមានស្ថានភាពនយោបាយតឹងតែង រវាងព្រះអង្គម្ចាស់ រណឫទ្ធិ និងលោក ហ៊ុន សែន។

លោកបញ្ជាក់ថា៖ «ខ្ញុំហ៊ានប្រឆាំងជាមួយសម្ដេច ហ៊ុន សែន ដើម្បីការពាររាជានិយម និងលទ្ធិប្រជាធិបតេយ្យ។ ពីណាហ៊ានជាងខ្ញុំនៅក្នុង ហ៊្វុនស៊ិនប៉ិច ខ្ញុំមានកម្លាំងប្រដាប់អាវុធ ហើយខ្ញុំការពារមេ (សម្ដេចក្រុមព្រះ) ជាប្រធានបក្សចំណុចនេះហើយ ដែលធ្វើឲ្យខ្ញុំ មានកំហុស ជាមួយគណបក្សប្រជាជនកម្ពុជា និងសម្ដេច ហ៊ុន សែន ដែលអ្នកទាំងនោះ នៅតែស្អប់ខ្ញុំបំផុត ហើយគេតែងតែជំទាស់រាល់ការស្នើសុំតំណែងឲ្យខ្ញុំ នៅក្នុងរដ្ឋាភិបាលចម្រុះ»។

ប៉ុន្តែនៅទីបំផុត លោក សេរី កុសល បានបង្ខំចិត្តចាកចេញពីគណបក្ស ហ៊្វុនស៊ិនប៉ិច នៅក្នុងអំឡុង ឆ្នាំ២០០៩ ហើយបានទៅចូលរួមជាមួយគណបក្សប្រជាជន។ ការចាកចេញពីគណបក្ស ហ៊្វុនស៊ិនប៉ិច គឺបន្ទាប់ពីលោក បានធ្វើការថ្លឹងថ្លែងយ៉ាងច្បាស់លាស់ ហើយទម្រាំតែធ្វើឲ្យលោកដាច់អាល័យនោះ គឺជាអ្វីដែលលោក សេរី កុសល បានពន្យល់ថា គឺដោយសារតែមន្ត្រីនៅក្នុងបក្សបានកែប្រែឆន្ទៈ ឧត្តមគតិ នយោបាយដើមរបស់ខ្លួនអស់ ដែលខុសពីបំណងរបស់លោក មានការបាក់បែកផ្ទៃក្នុងធ្ងន់ធ្ងរ ដណ្តើមអំណាចផ្ទៃក្នុង ហើយមន្ត្រីបក្ស គិតតែពីលោភលន់ដើម្បីតែផលប្រយោជន៍ផ្ទាល់ខ្លួន «ខ្ញុំផ្សះផ្សាមិនបាន ខ្ញុំដើរចេញ»។

លោកបញ្ជាក់ថា៖ «ព្រោះតែការបែកបាក់នៅក្នុង ហ៊្វុនស៊ិនប៉ិច ព្រោះតែការដណ្ដើមអំណាចផ្ទៃក្នុងបក្ស និងការលោភលន់គ្មានទីបញ្ចប់ ដែលភ្លេចសម្បថជាមួយគ្នា កាលពីចាប់ផ្ដើមចលនាតស៊ូ ដែលនាំឲ្យបក្សទាំងមូលបែកចេញជាប្រាំក្រុម ដោយមិនអាចបង្រួបបង្រួមបាន។ តើខ្ញុំនៅជាមួយ ហ៊្វុនស៊ិនប៉ិច ដើម្បីអ្វីទៀត? ព្រោះអ្នកនៅ ហ៊្វុនស៊ិនប៉ិច បច្ចុប្បន្នធ្វើអ្វីៗគឺដើម្បីតែផលប្រយោជន៍ផ្ទាល់ខ្លួនប៉ុណ្ណោះ»។

ការបង្កើតរដ្ឋាភិបាលចម្រុះរវាងគណបក្ស ហ៊្វុនស៊ិនប៉ិច និងគណបក្សប្រជាជនកាលពី ឆ្នាំ១៩៩៣ ដែលដឹកនាំដោយសហនាយករដ្ឋមន្ត្រី ដែលពុំធ្លាប់មាននៅលើពិភពលោកនោះ មិនបានស្ថិតស្ថេរយូរអង្វែងឡើយ។ បន្ទាប់ពីមានជម្លោះជាបន្តបន្ទាប់រាប់ចាប់តាំងពីការដកលោក សម រង្ស៊ី ចេញពីតំណែងរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ក្នុងអំឡុង ឆ្នាំ១៩៩៤ ដែលក៏បានធ្វើឲ្យព្រះអង្គម្ចាស់ នរោត្តម សិរីវុឌ្ឍ ដែលជាមិត្តជិតស្និទ្ធលោក សម រង្ស៊ី ក៏បានលាលែងពីរដ្ឋមន្ត្រីក្រសួង ការបរទេស ផងនោះ នៅទីបំផុត ជម្លោះប្រដាប់អាវុធដ៏បង្ហូរឈាមមួយ បានផ្ទុះឡើងនៅកណ្តាលរាជធានីភ្នំពេញ នៅក្នុង ខែកក្កដា ឆ្នាំ១៩៩៧ ដែលតាមប្រភពនានា បានអះអាងថា មានមន្ត្រី ហ៊្វុនស៊ិនប៉ិច ជាង ១០០ នាក់ត្រូវបានគេសម្លាប់។ លោក សេរី កុសល បានថ្លែងថា ជម្លោះប្រដាប់អាវុធក្នុង ឆ្នាំ១៩៩៧ កើតចេញពីល្បែងនយោបាយបំបែកបំបាក់ផ្ទៃក្នុង គណបក្សប្រជាជន ដែលពេលនោះ ហ៊្វុនស៊ិនប៉ិច ព្យាយាមបំបែកលោក ហ៊ុន សែន និងលោក ជា ស៊ីម ដោយសារលោក សម រង្ស៊ី ប្រមូលព័ត៌មានបានថា គណបក្សប្រជាជន កំពុងបែកជាពីរដោយសារជម្លោះផ្ទៃក្នុង។

លោកបន្តថា៖ «ការទទួលបានព័ត៌មានខុសនេះហើយដែលធ្វើឲ្យយើងប្រឡូកក្នុងល្បែង នយោបាយដ៏គ្រោះថ្នាក់ ដែលនៅពេលនោះសម្ដេចក្រុមព្រះ ធ្វើការជាមួយសម្ដេច ជា ស៊ីម ដែលជាប្រធានបក្ស មិនធ្វើការជាមួយសម្ដេច ហ៊ុន សែន ដែលជាអនុប្រធានបក្សទេ»។

ការព្យាយាមបំបែកលោក ហ៊ុន សែន ពីលោក ជា ស៊ីម គឺជានយោបាយខុសរបស់ ហ៊្វុនស៊ិនប៉ិច។ គណបក្សប្រជាជនបើទោះបីជាមានបញ្ហានៅក្នុងបក្ស ប៉ុន្តែគេមានភាពរឹងមាំ ជាមួយសត្រូវខាងក្រៅ។ «អ៊ីចឹងហើយ យើងដើរខុស ហើយអ្នកដែលនាំឲ្យសម្ដេចក្រុមព្រះខុសនោះ ក៏ជា សម រង្ស៊ី ដែរ»។លោក កុសល បន្តថា ហ៊្វុនស៊ិនប៉ិច បានចុះខ្សោយ រង្គោះរង្គើ តាំងពីពេលដែលព្រះអង្គម្ចាស់ នរោត្តម សិរីវុឌ្ឍ ដែលជាអគ្គលេខាធិការគណបក្ស បានលាចេញពីរដ្ឋមន្រ្តីក្រសួងការបរទេស ដោយសារព្រះអង្គជាមិត្តភក្តិស្លាប់រស់ របស់លោក សម រង្ស៊ី។ «រឿងការលាលែងរបស់ឯកឧត្ដម សម រង្ស៊ី ចេញពីបក្ស គឺមិនមែនទេ ក៏ប៉ុន្តែ គឺជាការបណ្ដេញចេញនៅពេលនោះ ដោយសារគាត់ប្រើនយោបាយផ្ទាល់ខ្លួនដើម្បីផ្ដួលសម្ដេច ហ៊ុន សែន ទន្ទឹមនឹងនោះ ក៏ផ្ដួល ហ៊្វុនស៊ិនប៉ិច ដែរដោយសាររឿងផ្ទាល់ខ្លួនរបស់គាត់ជាមួយស្ដេច។ រឿងនេះសម្ដេចក្រុមព្រះជាអ្នករងគ្រោះតែសម្ដេចក្រុមព្រះអត់ ជម្រើស»។ លោក សេរី កុសល មានការខ្លោចចិត្ត ចំពោះអ្វីដែលបានកើតឡើងទៅលើគណបក្ស ហ៊្វុនស៊ិនប៉ិច។ «បើសម្ដេចក្រុមព្រះស្ដាប់ខ្ញុំប្រហែល ហ៊្វុនស៊ិនប៉ិច មិនរលាយទេ»។

លោក កុសល ក៏បានពន្យល់ប្រាប់អំពីមូលហេតុ ដែលលោកបានទៅចូលរួមជាមួយលោក ហ៊ុន សែន ដែលជាអតីតគូសត្រូវរបស់លោកផងដែរ ដោយបញ្ជាក់ថា វាជារឿងដែលលោកមិននឹកស្មានដល់។

«ខ្ញុំស្មានមិនដល់អ្នកខ្លះថា ហ៊ុន សែន ជាមនុស្សកាចសាហាវណាស់ តែធាតុពិតនៅពេលដែលខ្ញុំនៅជិតទើបមានការសោកស្ដាយ ចំពោះអ្វីដែលបានកើតឡើង កាលពីអតីតកាល អ្វីដែលគាត់ឲ្យគឺដោយសារតែគាត់មើលឃើញថា ខ្ញុំជាមនុស្សខុសគេ គាត់ឲ្យតម្លៃនៃការតស៊ូរបស់ខ្ញុំ ដែលគាត់មើលឃើញ។ សម្ដេច ហ៊ុន សែន ជាមនុស្សម្នាក់ពិបាករក ហើយជាមនុស្សមិនងាយជឿមនុស្សផ្ដេសផ្ដាសទេ ហើយជាមនុស្សម្នាក់ហ៊ានប្រកាសការពាររាជានិយម ដែលធ្វើឲ្យខ្ញុំពេញចិត្ត ហើយបានប្រកាសជាសាធារណថា ត្រកូល ហ៊ុន បីជំនាន់ ជាអ្នកការពាររាជានិយម»។

លោក កុសល បានអះអាងបន្តថា លោក ហ៊ុន សែន ស្រឡាញ់លោក ដោយសារតែលោក«ស្មោះជាមួយមេ កាលដែលនៅជាមួយសម្ដេចក្រុមព្រះ។ ខ្ញុំមើលឃើញថា អ្វីដែលសម្ដេច ហ៊ុន សែន មានខុសពីការគិតរបស់ខ្ញុំ កាលពីនៅខាងក្រៅ នៅពេលដែលខ្ញុំនៅជាមួយទើបដឹងថា គាត់ជាមនុស្សដែលនិយាយយ៉ាងម៉េចធ្វើអ៊ីចឹង គាត់មានគុណធម៌ណាស់ ទោះបីពេលខ្លះ សម្ដីអាក្រក់…តែត្រង់ដែលខ្ញុំអាចនៅជាមួយគាត់បានខុសពីការគិត របស់ខ្ញុំ កាលពីមុនថា គាត់ស្អប់ខ្ញុំខ្លាំងណាស់ តែផ្ទុយទៅវិញគាត់ឲ្យតម្លៃខ្ញុំខ្លាំងណាស់»៕

ប្រភពព័ត៌មាន៖ ខេមបូឌាផេក

សេរីកុសល ទម្លាយរឿងជម្លោះនយោបាយក្រោយ ឆ្នាំ១៩៩៣

បញ្ចូលព័ត៌មានដោយ៖Unknown No comments

ប្រភពព័ត៌មាន៖ ខេមបូឌាផេក

នៅរសៀលថ្ងៃសុក្រទី២ ឧសភានេះ ក្នុងសន្និសីទសារព័ត៌មាននៅការិយាល័យអង្គការសហប្រជាជាតិលោកស្រីហ្វ្លាវា ផាន់សៀរី ឧត្តមស្នងការរងសិទ្ធិមនុស្សរបស់អង្គការសហប្រជាជាតិ បានជំរុញឱ្យរដ្ឋាភិបាលកម្ពុជាដកបម្រាមបិទទីលានប្រជាធិបតេយ្យចេញ។ ការជម្រុញបែបនេះ គឺខណៈពេលដែលទីលានប្រជាធិបតេយ្យត្រូវបានរដ្ឋាភិបាលប្រកាសបិទ ក្រោមហេតុផលស៊ើបអង្កេតតាំងពីដើមខែមករា។

សេចក្តីរាយការណ៍របស់ ស៊ុន មេសា

(02:05)

“ខ្ញុំជំរុញឱ្យរដ្ឋាភិបាលកម្ពុជាដកបម្រាមបិទទីលានប្រជាធិបតេយ្យ ចេញជាបន្ទាន់” នេះជាប្រសាសន៍របស់លោកស្រីហ្វ្លាវា ផាន់សៀរី ដែលបានបានថ្លែងនៅក្នុងសន្និសីទសារព័ត៌មានបញ្ចប់ទស្សនៈកិច្ចរស់ លោកស្រីនៅកម្ពុជា។

លោកស្រីបានបញ្ជាក់ថាការបើកទីលានប្រជាធិបតេយ្យឡើងវិញ គឺដើម្បីធានាឱ្យប្រជាពលរដ្ឋទាំងអស់អាចអនុវត្តសិទ្ធិសេរីភាព បញ្ចេញមតិ និងការជួបជុំ។ សូមបញ្ជាក់ថារដ្ឋាភិបាលបានបិទទីលានប្រជាធិបតេយ្យ តាំងពីដើមខែមករាមកក្រោយការផ្ទុះអំពើហិង្សាដែលបានបណ្តាលឱ្យមាន មនុស្សស្លាប់ របួស និងជាប់ឃុំ កាលពីដើមខែមករា។

ទាក់ទងនឹងអំពើហិង្សានេះ លោកស្រី ឧត្តមស្នងការរងបានសម្តែងការសោកស្តាយជាខ្លាំងចំពោះអំពើហិង្សានេះ ហើយលោក ស្រី ក៏មិនភ្លេចឡើយការអំពាវនាវឱ្យរដ្ឋាភិបាលទីក្រុងភ្នំពេញ ចាត់វិធានការចាប់ជនដៃដល់ដាក់ទោសតាមច្បាប់ជាធរមាន។ ចំណែកឯអំពើហិង្សាទៅលើបុរសម្នាក់ក្នុងថ្ងៃទិវាពលកម្មអន្តរជាតិ១ឧសភា លោកស្រីហ្វ្លាវា ក៏បានលើកឡើងថា វាជាការសោកស្តាយ ហើយថាសេរីភាពនៃការបញ្ចេញមតិនៅកម្ពុជាបានធ្លាក់មួយកម្រិតខណៈដែល កម្ពុជាបានគោរពសិទ្ធមញ្ចេញមតិ និងសិទ្ធការជួបជុំត្រូបានធានានៅកម្ពុជា។

ដោយសារតែមានអំពើហិង្សានៅកម្ពុជាផ្ទូនរយៈពេលចុងក្រោយនេះ លោកស្រី ហ្វ្លាវា ក៏បានក្រើនរម្លឹកដល់រដ្ឋាភិបាលកម្ពុជាពីកាតព្វកិច្ចរបស់រដ្ឋ ក្នុងការគោរតាមកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ ក្នុងការបញ្ចេញមតិ និងការជួបជុំដោយសន្តិវិធីផងដែរ។

សូមរម្លឹកថា លោកស្រីហ្វ្លាវា ផាន់សៀរី បានបំពេញទស្សនៈកិច្ចផ្លូវរដ្ឋរយៈពេល៥ថ្ងៃនៅកម្ពុជា ក្នុងនោះលោកស្រីបានជួបជាមួយប្រធានគណៈកម្មការសិទ្ធិមនុស្សកម្ពុជា លោក ឱម យិនទៀង រដ្ឋមន្ត្រីក្រសួងការបរទេសកម្ពុជា លោក ហោ ណាំហុង និងមន្ត្រីអង្គការសង្គមស៊ីវិល។

ក្នុងសន្និសីទសារព័ត៌មានប្រមាណ៣០នាទី លោកស្រី ហ្វ្លាវា ផាន់សៀរី ក៏បានលើកឡើងបន្ថែមពីបញ្ហានីតិរដ្ឋ កំណែទម្រង់ច្បាប់ប្រព័ន្ធតុលាកានៅកម្ពុជា កំណែទម្រង់ប្រព័ន្ធពន្ធនាគារ បញ្ហាដីធ្លី និងបញ្ហាការសុំសិទ្ធិជ្រកកោនផងដែរ។ ក្រៅពីបញ្ហាការបើកទីលានប្រជាធិបតេយ្យឡើងវិញ លោកស្រីឧត្តមស្នងការរង ហ្វ្លាវា ផាន់សៀរី បានជំរុញឱ្យរដ្ឋាភិបាលកម្ពុជាបន្តកំណែទម្រង់របស់ខ្លួន ហើយថាកម្ពុជាអាចធ្វើបាន៕

ប្រភពព័ត៌មាន៖ វិទ្យុបារាំងអន្តរជាតិ

មន្ត្រីសិទ្ធិមនុស្សជាន់ខ្ពស់ជំរុញឱ្យរដ្ឋាភិបាលបើកទីលានប្រជាធិបតេយ្យ

បញ្ចូលព័ត៌មានដោយ៖Unknown No comments

សេចក្តីរាយការណ៍របស់ ស៊ុន មេសា

(02:05)

ប្រភពព័ត៌មាន៖ វិទ្យុបារាំងអន្តរជាតិ

អ្នកវិភាគជំនាញវិទ្យាសាស្ត្រនយោបាយលោក សុខ ទូច បានអត្ថាធិប្បាយរិះគន់លោក សម រង្ស៊ី ប្រធានគណបក្សសង្គ្រោះជាតិ ដែលបានបង្ហើបផែនការផ្ដល់សញ្ជាតិឲ្យជនជាតិវៀតណាមទាំងឡាយណាដែលកើតនៅកម្ពុជា។ លោក សុខ ទូច បានព្រមានថាផែនការនោះ នឹងនាំឲ្យប្រទេសកម្ពុជា មានតំណាងរាស្ត្រជាជនជាតិវៀតណាម។ តួលេខកូនចៅវៀតណាមមានកំណើតនៅកម្ពុជា ត្រូវបានអ្នកវិភាគរូបនេះវាយតម្លៃថាអាចនឹងផ្ដល់សំឡេងគាំទ្រឲ្យអ្នកតំណាងរាស្ត្របានលើសពី១អាសនៈ។

ផែនការ ផ្ដល់សញ្ជាតិឲ្យជនជាតិវៀតណាមដែលមានដើមកំណើតកើតនៅកម្ពុជារបស់លោក សម រង្ស៊ី ត្រូវបានលោកសុខ ទូច អ្នកវិភាគជំនាញវិទ្យាសាស្ត្រនយោបាយ រិះគន់ថានឹងបង្កហានីភ័យដល់ប្រទេសកម្ពុជានាថ្ងៃអនាគត។ ថ្លែងប្រាប់គេហទំព័ថ្មីៗលោក សុខ ទូច បានហៅផែនការនោះ ថាជាការផ្ដល់ឱកាសឲ្យជនជាតិវៀតណាមដែលកំពុងមានចំនួនច្រើន នាបច្ចុប្បន្ន អាចជ្រើសរើសតំណាងរាស្ត្របានយ៉ាងងាយ ខណៈចំនួនកូនចៅវៀតណាមដែលនឹងទទួលបានសញ្ជាតិនោះ អាចបោះឆ្នោតផ្ដល់សំឡេងឲ្យអ្នកតំណាងរាស្ត្របានលើសពី១អាសនៈនៅក្នុង សភា។

ថ្លែងក្នុង សន្និសីទកាលពីសប្ដាហ៍មុន លោកសម រង្ស៊ី ដែលមានលោកកឹម សុខា អង្គុយក្បែរផងនោះ បាននិយាយការពារផែនការផ្ដល់សញ្ជាតិរបស់លោក ថាជាការគោររពតាមគោលការណ៍រដ្ឋធម្មនុញ្ញ និងក្នុងនាមមេដឹកនាំគណបក្សដែលប្រកាន់លទ្ធិប្រជាធិបតេយ្យ។ បើតាមលោកសម រង្ស៊ី ផែនការនេះ អាចនឹងមានការប្រែប្រួល ប្រសិនការផ្ដល់សញ្ជាតិនោះនាំឲ្យប៉ះពាល់ដល់សន្តិសុខជាតិ។

យ៉ាងណាក៏ដោយ លោក សុខ ទូច បានស្ដីបន្ទោសថា៖ «គាត់កំពុងធ្វើនយោបាយប្រជាភិថុត! មុនការបោះឆ្នោត គាត់មិននិយាយអំពីផែនការនេះទេ ព្រោះគាត់ដឹងថាខ្មែរទូទៅមិនចង់ឲ្យវៀតណាមមានវត្តមានរស់នៅ កម្ពុជាទេ។ ប៉ុន្តែក្រោយការបោះឆ្នោតទើបគាត់បង្ហើបឡើង។ ខ្ញុំគាំទ្រការគោរពរដ្ឋធម្មនុញ្ញ ប៉ុន្តែគណបក្សសង្គ្រោះជាតិក៏ដឹងដែរ ថាកម្ពុជាមានវៀតណាមរស់នៅប៉ុន្មាននាក់។ បើចុះសញ្ជាតិឲ្យពួកគាត់២សែននាក់ តើវៀតណាមអាចរើសតំណាងរាស្ត្របានប៉ុន្មានកៅអី?»។

លោក សុខ ទូច បានអំពាវនាវឲ្យលោក សម រង្ស៊ី រៀនសូត្រអំពីបទពិសោធន៍នយោបាយដែលគណបក្សសម រង្ស៊ី ស្នើឲ្យវិសោធនកម្មសំឡេង២ភាគ៣ ឲ្យមកជា៥០ភាគរយបូក១ ។ អ្នកវិភាគរូបនេះពន្យល់ថា៖ «មេរៀនស្នើវិសោធនកម្មសំឡេងអនុម័តសភា គួរតែជាបទពិសោធន៍សម្រាប់ផែនការផ្ដល់សញ្ជាតិនេះ។ បើផ្ដល់សញ្ជាតិឲ្យគេហើយ គឺមិនអាចទៅដក់សញ្ជាតិមកវិញស្រេចតែនឹងចិត្តបានឡើយ»។

ឆ្លើយនឹង សំណួរថាតើមានហេតុផលអ្វីខ្លះដែលនាំឲ្យលោក សម រង្ស៊ី បង្ហើបផែនការផ្ដល់សញ្ជាតិឲ្យវៀតណាម ក្រៅពៅការគោរពរដ្ឋធម្មនុញ្ញនោះ? លោកសុខ ទូច បានអត្ថាធិប្បាយថា៖ «គាត់ជឿថាវៀតណាមដែលនៅកម្ពុជាសព្វថ្ងៃ ភាគច្រើនជាវៀតណាមសេរី ដែលអាចនឹងគាំទ្រ ឬបោះឆ្នោតឲ្យគណបក្សរបស់គាត់នាថ្ងៃខាងមុខ»៕

ប្រភពព័ត៌មាន៖ ថ្មីៗ

លោកសុខ ទូច៖ «ផែនការលោកសម រង្ស៊ី នឹងនាំកម្ពុជាមានតំណាងរាស្ត្រជាវៀតណាម»

បញ្ចូលព័ត៌មានដោយ៖Unknown No comments

ប្រភពព័ត៌មាន៖ ថ្មីៗ

ដំណើរការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ នៅថ្ងៃទី១៨ ខែឧសភា ខាងមុខកំពុងប្រឈមនឹងភាពចម្រូងចម្រាសយ៉ាងខ្លាំង ព្រោះអង្គការក្រៅរដ្ឋាភិបាលមួយចំនួនបានបង្ហាញជំហរមិនគាំទ្រការបោះឆ្នោតជ្រើសរើសក្រុមប្រឹក្សាថ្នាក់ក្រោមជាតិនេះទេ។ គណៈកម្មាធិការដើម្បីការបោះឆ្នោតដោយសេរីនិងយុត្តិធម៌នៅកម្ពុជា (ខុមហ្វ្រែល) ប្រកាសជំហរមិនគាំទ្រនិងមិនចូលរួមការបោះឆ្នោតជ្រើសរើសក្រុមប្រឹក្សាថ្នាក់ក្រោមជាតិនៅថ្ងៃទី១៨ ខែឧសភា ឆ្នាំ២០១៤ទេ ព្រោះការបោះឆ្នោតនោះមិនមានតម្លាភាពនិងជារឿងឥតន័យ។ ជាមួយគ្នានេះក្រុមអ្នកសង្កេតការណ៍មួយចំនួនបាននិយាយថាការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ តាមរបៀបអសកលដែលចាត់ចែងដោយគណៈកម្មាធិការជាតិរៀបចំការបោះឆ្នោត (គ.ជ.ប) ដែលមានអុឹម សួស្តី ជាប្រធាន និង ទេព នីថា ជាអគ្គលេខាធិការ មិនបានឆ្លុះបញ្ចាំងឆន្ទៈប្រជាពលរដ្ឋនៅក្នុងការផ្លាស់ប្តូរថ្នាក់ដឹកនាំមូលដ្ឋានទេ។

តាមរបាយការណ៍សិក្សាវាយតម្លៃលើការបោះឆ្នោតក្រុមប្រឹក្សាថ្នាក់ក្រោម ជាតិរបស់អង្គការខុមហ្វ្រែល ចុុះថ្ងៃទី១៤ ខែមីនា ឆ្នាំ២០១៤ បានឱ្យដឹងថា ប្រព័ន្ធបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី២នេះ មិនអាចឆ្លុះបញ្ចាំងភាពត្រឹមត្រូវនៅក្នុងការចូលរួមប្រកួតប្រជែងបានឡើយ ។ ជាក់ស្តែងការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ដែលនឹងប្រព្រឹត្តទៅនៅថ្ងៃទី១៨ ខែឧសភា ខាងមុខនេះមានតែគណបក្សនយោបាយ៥ប៉ុណ្ណោះ ដែលបានចូលរួមប្រកួតប្រជែងនៅក្នុងការបោះឆ្នោត បើទោះបីមាន ៦គណបក្សនយោបាយដែលមានអាសនៈនៅក្នុងក្រុមប្រឹក្សាឃុំ សង្កាត់យ៉ាងណាក៏ដោយ។

គណបក្សទាំង៥ ដែលចូលរួមប្រកួតប្រជែងនៅក្នុងការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ រួមមានគណបក្សប្រ ជាជនកម្ពុជា គណបក្សសង្គ្រោះ ជាតិ គណបក្សហ្វុ៊នស៊ិនបុិច គណបក្សសាធារណរដ្ឋប្រជាធិបតេយ្យ និងបក្សសម្ព័ន្ធដើម្បីប្រជាធិបតេយ្យ។ របាយការណ៍របស់អង្គការខុមហ្វ្រែលបានលើកឡើងថាលទ្ធផលបោះឆ្នោតនេះ ក៏អាចប្រែប្រួលដោយសារភាពមិនប្រក្រតីដូចជាការប៉ុនប៉ងទិញសន្លឹកឆ្នោត ការផ្តល់សម្ភារៈថវិកាឬគំរាមដកតួនាទី ឬផ្តល់តួនាទីការតម្រូវឱ្យអង្គបោះឆ្នោតធ្វើសម្បទានសច្ចាប្រណិធានស ន្យាបោះឆ្នោតជូនគណបក្សរបស់ខ្លួនក្នុងអំឡុងពេលបោះឆ្នោតក្រុមប្រឹក្សា រាជធានី ខេត្ត ក្រុង ស្រុក ខណ្ឌ។ បញ្ហាបែបនេះជាទង្វើខុសច្បាប់បោះឆ្នោតកម្ពុជានិងខុសគោលការណ៍សកលនៃ ការគោរពឆន្ទៈដោយសេរីរបស់អ្នកបោះឆ្នោតឬអង្គបោះឆ្នោត។

ចំណុចគួរឱ្យកត់សម្គាល់នោះគឺអង្គការខុមហ្វ្រែលបានផ្តល់ជាអនុសាសន៍ថា គួរតែធ្វើវិសោធ នកម្មលើប្រព័ន្ធបោះឆ្នោតអសកលជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ ដោយដាក់បញ្ចូលជាមួយការបោះឆ្នោតជ្រើសរើសក្រុមប្រឹក្សាឃុំ សង្កាត់ ក្នុងថ្ងៃបោះឆ្នោតតែមួយ ឬប្រព័ន្ធបោះឆ្នោតនេះគួរតែបើកចំហបង្កើនការចូលរួមនិងមានតម្លាភាព ឱ្យបានច្រើន។ មានន័យថាអ្នកមានសិទ្ធិបោះឆ្នោតរួមមានតំណាងកម្មករ តំណាងកសិករឬតំណាងគ្រូពេទ្យដែលមានវិជ្ជាជីវៈ ដើម្បីចូលរួមជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ដែលពួកគេមានទំនុកចិត្តក្នុងការត្រួតពិនិត្យប្រព័ន្ធរដ្ឋបាលនៅ ថ្នាក់មូលដ្ឋានឱ្យបានប្រសើរ។ ការផ្តល់សិទ្ធិសម្រាប់តែក្រុមប្រឹក្សាឃុំ សង្កាត់ បោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ គ្មានន័យគ្រប់គ្រាន់ដែលអាចឆ្លុះបញ្ចាំងឆន្ទៈប្រជាពលរដ្ឋនៅក្នុង មូលដ្ឋានបានឡើយ។

ក្រុមអ្នកសង្កេតការណ៍ឯករាជ្យមួយចំនួនបានលើកឡើងថាការបោះឆ្នោតជ្រើសរើស ក្រុមប្រឹក្សារាជធានី ខេត្ត ក្រុង ស្រុក ខណ្ឌ នាពេលឆាប់ៗខាងមុខនេះពុំមានតម្លៃគ្រប់គ្រាន់ទេនៅក្នុងការកែទម្រង់ របៀបរបបថ្នាក់ដឹកនាំមូលដ្ឋាន។ ដោយហេតុថាបើពិនិត្យទៅលើឆន្ទៈប្រជាពលរដ្ឋនាពេលនេះ គឺខុសគ្នាពីពេលបោះឆ្នោតជ្រើសរើសក្រុមប្រឹក្សាឃុំ សង្កាត់ ដែលកន្លងផុតទៅ ដូច្នេះវាមិនបានឆ្លុះបញ្ចាំងពីឆន្ទៈប្រជាពលរដ្ឋក្នុងការផ្លាស់ប្តូរ ថ្នាក់ដឹកនាំមូលដ្ឋាននោះឡើយ។ ជាងនេះទៅទៀតគណៈកម្មាធិការជាតិរៀបចំការបោះឆ្នោត ដែលមានបុគ្គល អុឹម សួស្តី ជាប្រធាន និងទេព នីថា ជាអគ្គលេខាធិការកំពុងរកល្បិចកលសព្វបែបយ៉ាងដើម្បីជួយដល់គណបក្ស ប្រជាជនតាមទម្លាប់អាក្រក់របស់ខ្លួនជាមិនខាន ព្រោះនរណាក៏ដឹងដែរថា អុឹម សួស្តី និងទេព នីថា ជាមនុស្សរបស់បក្សប្រជាជន។

រុមមន្ត្រីអង្គការក្រៅរដ្ឋាភិ បាលបានវាយតម្លៃថាការបញ្ចូលដំណើរការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ ជាមួយការបោះឆ្នោតជ្រើសរើសក្រុមប្រឹក្សាឃុំ សង្កាត់ ដោយប្រើសន្លឹកឆ្នោតផ្សេងគ្នា ទើបជារឿងត្រឹមត្រូវដើម្បីកុំឱ្យខាតពេលវេលា ច្រើនដង។ ប៉ុន្តែទោះជាយ៉ាងណាការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ នៅថ្ងៃទី១៨ ខែឧសភាខាងមុខអាចធ្វើឱ្យគណបក្សប្រជាជនបាត់បង់អំណាចថ្នាក់មូលដ្ឋាន កាន់តែច្រើន ហើយបើគិតដល់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិក្រោយ គឺគណបក្សប្រជាជនចៀសមិនផុតពីទទួលបរាជ័យនោះទេ ដោយហេតុថាមួយរយៈពេលកន្លងទៅនេះពលរដ្ឋភាគច្រើនលែងគាំទ្របក្សប្រជាជន ទៀតហើយ៕

ប្រភពព័ត៌មាន៖ Khmerfeed

ការបោះឆ្នោតក្រុមប្រឹក្សារាជធានី ខេត្ត-ក្រុង ស្រុក-ខណ្ឌកំពុងតែមានភាពចម្រូងចម្រាស់

បញ្ចូលព័ត៌មានដោយ៖Unknown No comments

ប្រភពព័ត៌មាន៖ Khmerfeed

មកទល់ពេលនេះ ការលើកឡើងពាក់ព័ន្ធនឹងទំនាក់ទំនងក្រៅឆាករវាងតារាកំប្លែងលោក ចែម ច័ន្ទតារា ហៅពែកមី និងអ្នកនាង សុកាន់ដា ហៅខ្ញុង កាន់តែខ្ទរខ្ទារនៅក្នុងពិភពសិល្បៈ។ ប៉ុន្តែអ្វីដែលសំខាន់ ពួកគេទាំងពីរ បែរជាឈប់ប្រតិកម្ម ហើយលែងបិទខ្ទប់ដូចមុន។ លោកពែកមី និយាយថា នោះជារឿងសាំហើយ ដែលក្រុមមហាជនបានចោទថា លោក និងអ្នកនាងខ្ញុង គឺគូស្នេហានឹងគ្នា ដោយបានទាំងលើកឡើងថា លោកបានលែងប្រពន្ធ និងកំពុងរួមរស់យ៉ាងស្ងប់សុខ ជាមួយនាងខ្ញុង។ លោកបញ្ជាក់ថា លោកជាមនុស្សប្រុស ពិតជាជៀសមិនផុតពីរឿងមានស្រីញីក្រៅផ្ទះ ប៉ុន្តែបើទោះជាខិលខូចយ៉ាងណាក៏ដោយ ក៏មិនលែងប្រពន្ធនោះដែរ ដោយសារតែលោកដ្បិតថាសិក្សាបានតិច ក៏ចេះគិតដូចឪេពុកភាគច្រើន។

លោកពែកមី បញ្ជាក់ដោយឈប់ខ្វល់នឹងព័ត៌មានបោកបក់ថា «សម្រាប់ខ្ញុំ និងខ្ញុង សាំហើយ ឥឡូវចង់អ្នកណាគេថាអីថាទៅ ក៏ខ្ញុំ និងខ្ញុងនៅតែប៉ុណ្ណឹង ព្រោះក្រុមគ្រួសារខ្ញុំ ប្រពន្ធខ្ញុំ ដឹងឮទាំងអស់ហ្នឹង ថាពួកយើងយ៉ាងមិច»។ លោកមិនបាន បញ្ជាក់ថា នោះជាការទទួលស្គាល់ ឬគ្រាន់តែចាក់បណ្ដោយនោះទេ ប៉ុន្តែអ្វីដែលគេកត់សម្គាល់គឺលោកឈប់ប្រកែកញាញដូចមុន។ ដូចគ្នានឹងការបញ្ជាក់នោះដែរ អ្នកមេម៉ាយកូនមួយ អ្នកនាងខ្ញុងក៏ប្រាប់ដូចគ្នាដែរថា ឈប់ខ្វល់ចំពោះការលើកឡើងទាំងនោះ។ អ្នកនាងបញ្ជាក់ថា នៅខ្វល់តែរឿងរកលុយ និងធ្វើយ៉ាងណាឲ្យបានសប្បាយចិត្តប៉ុណ្ណោះ ចំណែករឿងព័ត៌មានគេថាបែបណា ទោះជាឮក៏ឈប់ធ្វើឮដែរ។ អ្នកនាងបានបញ្ជាក់កាលពីថ្ងៃសម្ពោធផ្ទះថ្មីនៅបុរីពិភពថ្មី ជិតផ្ទះពែកមីម្ដុំឫស្សីកែវ កាលពីថ្ងៃទី២១ មេសា ថា «ស្រួលតើបានគេយល់ច្រលំថាស្រឡាញ់ពែកមី ព្រោះ កាន់តែល្បី ហើយឥឡូវឈប់គេចទៀតហើយ»។ ត្រង់អ្នកជឿ ឬមិនជឿ វាហាក់លែងសំខាន់ចំពោះអ្នកនាងដូចមុនទៀតហើយ ដោយអ្នកនាងបញ្ជាក់ដោយបែបចាក់បណ្ដោយថា រវាងអ្នកនាង និងលោកពែកមី ទោះអ្នកណានិយាយអី ក៏នៅធម្មតា។ អ្នកនាងបានទាំងសរសើរថា ភរិយារបស់លោកពែកមី គឺជានារីចិត្តទូលាយ ដែលមិនប្រកាន់ចំពោះការការលើកឡើងដែលមានទាំងប៉ុន្មាន នាគ្រាមុននោះផង។

បន្ថែមពីលើជំហរឈប់ ប្រកែក និងប្រតិម្មដូចមុន គេឃើញតារាកំប្លែងទាំងពីរ ហាក់បង្កើនទំនាក់ទំនងគ្នាខុសពីមុន ដោយទើបតែបានដាក់ទុនចូលគ្នាបើកហាងសម្អាងការ ពែកមីប៊ូតា ដាច់ចេញពីសុខគាប៊ូតាសម្អាងការ នាពេលថ្មីៗទៀតផង។ លោកពែកមី បញ្ជាក់ថា រវាងលោក និងខ្ញុង មិនត្រឹមតែជាដៃគូកំប្លែងនៅCTN ប៉ុណ្ណោះទេ ប៉ុន្តែក៏មានភាគីហ៊ុនសហការគ្នា ប្រៀបដូចជាគ្រួសារតែមួយផងដែរ ដោយនោះមិនទាន់គិតរឿងជំនួញជួលវង់អកកែស ដែលពួកគេធ្លាប់សហការគ្នានោះផង។ កាលពីមុនលោកឆោត គឺគ្រាន់តែគេនិយាយរឿងទាំងហ្នឹង ចេះតែខ្មាស់មិនហ៊ានចង់មើល

មុខខ្ញុងនៅក្រៅឆាក ប៉ុន្តែពេលនេះលោកអះអាងថា គឺទោះប្រឹងគេចក៏នៅតែប៉ុណ្ណឹង និងមិនប្រឹងគេចក៏នៅតែប៉ុណ្ណឹង អញ្ចឹងមានតែចាក់បណ្ដោយតែម្ដងទៅ។

នេះជាការប្រឈមមុខមួយដែលតារាកំប្លែងទាំងពីរ សម្រេចចិត្តទទួលយក បើទោះជាមានការវិភាគផ្សេងៗ ពាក់ព័ន្ធទៅនឹងទំនាក់ទំនងចុងក្រោយរបស់ពួកគេ នៅក្រៅឆាកសម្ដែង។ ពែកមី បញ្ជាក់ថា សម្រាប់ខ្ញុង និងលោក បើនិយាយពីឃើញមុខគ្នា គឺច្រើនជាងកូន និងប្រពន្ធឆ្ងាយណាស់ ទើបវាល្មមហើយ ដែលនាំឲ្យមានការយល់ឃើញបែបនោះ។ ទោះយ៉ាងណា លោកហាក់មិនព្រមបញ្ជាក់ទាល់តែសោះ ក្នុងទំនាក់ទំនងនោះ ថាមានការពិត ឬបែបណា?
សូមបញ្ជាក់ថាលោកពែកមី បានរៀបការជាមួយអ្នកនាងជា សុធីម ហៅ ច្រិប វ័យ២៥ឆ្នាំ កាលពីឆ្នាំ២០០៨ ដោយក្នុងពេលនេះ ពួកគេបង្កើតបានកូន២នាក់ហើយ និងកំពុងសុខសាន្តជាមួយគ្នា បើទោះជាមានព័ត៌មានចចាមអារ៉ាមរាប់មិនអស់៕

ប្រភពព័ត៌មាន៖ vodhotnews.com

ពែកមី និងខ្ញុង ឈប់ខ្ទប់ព័ត៌មានរឿងទំនាក់ទំនងស្នេហា

បញ្ចូលព័ត៌មានដោយ៖Unknown No comments

ប្រភពព័ត៌មាន៖ vodhotnews.com

ក្រសួងមហាផ្ទៃរបស់ប្រទេសកម្ពុជា បានលើកឡើងថា លោក សួន សេរីរដ្ឋា មានឱកាស តិចតួច ណាស់ក្នុងការចុះឈ្មោះចលនាអំណាចពលរដ្ឋខ្មែររបស់លោក ឲ្យទៅជាគណបក្សនយោបាយមួយ នៅក្នុងប្រទេសកម្ពុជា។ ឱកាសតិចតួច ដោយសារលោក សួន សេរីរដ្ឋា បានបង្កើតកម្លាំង ប្រដាប់ អាវុធខុសច្បាប់ និងកំពុងប្រឈមមុខនឹងការចាប់ខ្លួនពីកម្លាំងសមត្ថកិច្ច។ លោកសួន សេរីរដ្ឋា ដែលបានប្រកាសកាលពីពេលថ្មីៗនេះ ថាលោកគ្រោងនឹងចុះឈ្មោះអង្គការរបស់លោក ឲ្យទៅជាគណបក្សនយោបាយ នៅខែក្រោយនេះ។

នយោបាយ - «ចលនាអំណាចពលរដ្ឋខ្មែររបស់លោក សួន សេរីរដ្ឋា ទំនងជាមិនអាចចុះឈ្មោះ ទៅជាគណបក្សនយោបាយ នៅក្នុងប្រទេសកម្ពុជាបានទេ» នេះបើតាមសម្តីរបស់លោក ខៀវ សុភ័គ អ្នកនាំពាក្យក្រសួងមហាផ្ទៃ។ លោកខៀវ សុភ័គ បានបញ្ជាក់ថា លោក សួន សេរីរដ្ឋា នៅជំពាក់ច្បាប់ត្រង់ដែលលោក នៅមិនទាន់ទទូលបានការចាប់ខ្លួន ពីដីការរបស់ តុលាការ កម្ពុជានៅឡើយ។ អ្វីដែលត្រូវអនុវត្តន៍មុនបំផុត នៃការចុះឈ្មោះបង្កើតគណបក្សនយោបាយនោះ គឺការចាប់ខ្លួនលោក សួន សេរីរដ្ឋា ។

លោក ខៀវ សុភ័គ បន្តយ៉ាងដូច្នេះថា «លោក សួន សេរីរដ្ឋា បានប្រព្រឹត្ត នូវសកម្មភាពមួយ ដែលខុសនឹងច្បាប់របស់រដ្ឋ ពោលគឺបង្កើតកម្លាំងប្រដាប់អាវុធខុសច្បាប់ ក្នុងបំណងផ្តូលរលំ រដ្ឋាភិបាល ហើយបច្ចុប្បន្ននេះ សមត្ថកិច្ច បានទទូលដីការចាប់ខ្លួន ដែលចេញដោយចៅក្រម នៃសាលាដំបូងរាជធានីភ្នំពេញទៀតផង»។

ការឆ្លើយតបយ៉ាងដូច្នេះ គឺធ្វើឡើងបន្ទាប់ពីការសែតក្នុងស្រុក ឌឺខេមបូឌា ដេលី បានចេញផ្សាយ ដោយដាក់ ចំណងជើងថា អង្គការភេវរកម្មមួយ ព្យាយាមចុះឈ្មោះជាគណបក្សនយោបាយ។ នៅក្នុង អត្ថបទការសែតនោះ បានសរសេរថា លោកសួន សេរីរដ្ឋា ដែលនិរទេសខ្លួនឯង មានបំណង ចង់ចុះឈ្មោះក្រុមប្រឆាំងរបស់គាត់ ជាគណបក្សនយោបាយនៅកម្ពុជា។ ថ្លែងតាម ទួរស័ព្ទ ពីទីក្រុងដាឡាស ក្នុងរដ្ឋតិចសាស លោក សួន សេរីរដ្ឋា បានបញ្ជាក់ថា នឹងដាក់ ឯកសារ ចាំបាច់ រួមទាំងបញ្ជីឈ្មោះស្ថាបនិក និងអ្នកគាំទ្រ ៥,០០០នាក់ ទៅក្រសួងមហាផ្ទៃ នៅពាក់ កណ្តាល ខែឧសភា ខាងមុខនេះ ។

លោក សួន សេរីរដ្ឋា បានបញ្ជាក់ថា លោកបានត្រៀមឯកសាររួចរាល់ហើយ ដើម្បីចុះឈ្មោះ ជាគណបក្ស នយោបាយ ជាមួយក្រសួងមហាផ្ទៃ បើទោះបីជារដ្ឋាភិបាលចោទក្រុម និងអ្នកគាំទ្រ របស់លោកថា ជាចលនាភេវរកម្មក៏ដោយ។ លោកក៏ចង់បញ្ជាក់ឲ្យច្បាស់ជាមួយរដ្ឋាភិបាលដែរថា បក្ខពួករបស់លោក មិនមែនជាចលនាភេវរកម្មទេ ជាមួយគ្នានោះ លោកក៏ចង់អោយសកម្មជន របស់លោក នៅកម្ពុជា អាចធ្វើការដោយសេរីផងដែរ ។

ឆ្លៀតពេលនេះ ប្រធានចលនាអំណាចពលរដ្ឋខ្មែរ ក៏បានផ្លែផ្កាអោយរដ្ឋាភិបាលផងដែរថា លោក មិនចាប់អារម្មណ៍ក្នុងការដាក់បេក្ខជន សម្រាប់មុខតំណែងសាធារណៈនៅពេលណាមួយ ឆាប់ៗ នេះទេ ព្រោះលោកគិតថា ការបោះឆ្នោតដោយសេរី និងយុត្តិធម៌ អាចកើតមានឡើង នៅពេលណា ដែលលោកនាយករដ្ឋមន្ត្រីហ៊ុន សែន ត្រូវបានបណ្តេញចេញពីអំណាច។

គួរបញ្ជាក់ថា លោក សួន សេរីរដ្ឋា និងលោកនាយករដ្ឋមន្ត្រី ហ៊ុន សែន ធ្លាប់បានប្រើប្រាស់ សង្គ្រាម ពាក្យសម្តី ឌឺដងដាក់គ្នា មិនបង្អង់ឡើយនាពេលកន្លងមក។ លោក សួន សេរីរដ្ឋា ត្រូវបានមជ្ឈដ្ឋាន ទូទៅស្គាល់ថា ជាអ្នករិះគន់លើមេដឹកនាំកម្ពុជាបច្ចុប្បន្នយ៉ាងចាស់ដៃ និងធ្លាប់បានហៅលោក ហ៊ុន សែន ថា ជាមនុស្សកំសាក។

កាលពីថ្ងៃទី២២ ខែកក្កដា ឆ្នាំ២០១១ កន្លងទៅ នៅក្នុងសន្និសិតសារព័ត៌មានមួយ លោកនាយក រដ្ឋមន្ត្រីហ៊ុន សែន បានព្រមានតាមចាប់ខ្លួនសួន សេរីរដ្ឋា បន្ទាប់ពីចលនារបស់ លោក សួន សេរីរដ្ឋា ត្រូវបានរដ្ឋាភិបាល បានចាត់ទុកថាជាអង្គការភេវរកម្មមួយ ដែលមានបំណង ផ្តួលរលំរដ្ឋាភិបាល។ ប្រព័ន្ធតុលាការរបស់ប្រទេសកម្ពុជាបានចោទ ប្រកាន់ប្រធានចលនាអំណាចពលរដ្ឋខ្មែររូបនេះ ពីបទក្បត់ជាតិ និងកំពុងតាមចាប់ខ្លួន មកទល់សព្វថ្ងៃ៕

ប្រភពព័ត៌មាន៖ មនោរម្យ

ក្រសួងមហាផ្ទៃថា គម្រោងបង្កើតគណបក្ស សួន សេរីរដ្ឋា ទំនងគ្មានផ្លូវ

បញ្ចូលព័ត៌មានដោយ៖Unknown No comments

ប្រភពព័ត៌មាន៖ មនោរម្យ

សមាជិកគណបក្សសង្គ្រោះជាតិ និងប្រជាពលរដ្ឋប្រមាណ ១ពាន់នាក់ នាំគ្នាធ្វើពិធីបុណ្យរាប់បាត្របង្សុកូល ដើម្បីឧទ្ទិសកុសលដល់វិញ្ញាណក្ខន្ធជនរងគ្រោះក្នុងរបបខ្មែរក្រហម នៅថ្ងៃទី១៧ មេសា នៅមជ្ឈមណ្ឌលប្រល័យពូជសាសន៍ជើងឯក រាជធានីភ្នំពេញ ឆ្នាំ២០១៤។ អ្នកចូលរួមអំពាវនាវឱ្យសាលាក្ដីខ្មែរក្រហម ពន្លឿនការជំនុំជម្រះក្ដីអតីតមេដឹកនាំខ្មែរក្រហមដែលនៅរស់។ នៅមជ្ឈមណ្ឌលប្រល័យពូជសាសន៍ជើងឯក នៅព្រឹកថ្ងៃទី១៧ មេសា គឺក្នុងគោលបំណងរំឭកដល់វិញ្ញាណក្ខន្ធសមាជិកគ្រួសារ ដែលបានស្លាប់នៅក្នុងរបបខ្មែរក្រហម។

អ្នកចូលរួមក្នុងពិធីនេះ បានបង្ហាញពីភាពក្ដុកក្ដួល នៅពេលដែលពួកគាត់ឃើញគំនរឆ្អឹង និងលលាដ៍ក្បាលជនរងគ្រោះ ដែលដាក់គរនៅឯស្តូបជើងឯកនោះ។

សាច់ញាតិជនរងគ្រោះក្នុងរបបខ្មែរក្រហមមួយរូប គឺលោកស្រី រស់ បុប្ផា ថ្លែងថា សមាជិកគ្រួសាររបស់លោកស្រីជាច្រើននាក់បានស្លាប់ ដោយសារតែរបបខ្មែរក្រហមនោះ៖ «នាងខ្ញុំសមាជិកដែលស្លាប់ទៅ ១២នាក់។ ១២នាក់ហ្នឹង គឺទាំងឪពុកទាំងម្ដាយ ទាំងបងប្អូនរបស់នាងខ្ញុំ។ ខ្ញុំនៅតែម្នាក់ឯង»។

ថ្ងៃទី១៧ ខែមេសា ឆ្នាំ១៩៧៥ គឺជាថ្ងៃដែលខ្មែរក្រហមឡើងគ្រប់គ្រងអំណាចប្រទេសកម្ពុជា ហើយបណ្ដាលឲ្យពលរដ្ឋកម្ពុជាជិត ២លាននាក់បាត់បង់ជីវិត ដោយសារតែការអត់អាហារហូបចុក ខ្វះថ្នាំព្យាបាលជំងឺ ធ្វើការហួសកម្លាំង ការធ្វើទារុណកម្ម និងសម្លាប់នៅតាមវាលពិឃាដជាច្រើនកន្លែងទូទាំងប្រទេស ដូចជានៅវាលពិឃាដជើងឯកនេះជាដើម។

បច្ចុប្បន្ននេះ មេដឹកនាំជាន់ខ្ពស់ខ្មែរក្រហមដែលនៅរស់ចំនួន ២រូប គឺជនជាប់ចោទ នួន ជា និង ខៀវ សំផន កំពុងស្ថិតក្រោមការជំនុំជម្រះរបស់សាលាក្ដីខ្មែរក្រហម ក្នុងសំណុំរឿងលេខ ០០២ ទាក់ទងនឹងឧក្រិដ្ឋកម្ម ដែលបានកើតឡើងក្នុងពេលពួកគាត់គ្រប់គ្រង់អំណាច នៅចន្លោះពីថ្ងៃទី១៧ ខែមេសា ១៩៧៥ ដល់ថ្ងៃទី៧ ខែមករា ឆ្នាំ១៩៧៩ នោះ។

មន្ត្រីគណបក្សសង្គ្រោះជាតិ គឺលោក ម៉ៅ មុន្នីវណ្ណ ថ្លែងថា ឆ្លងតាមការឈឺចាប់របស់ជនរងគ្រោះ ជាបុព្វហេតុដែលគណបក្សសង្គ្រោះជាតិ ប្រារព្ធធ្វើពិធីបង្សុកូលនៅថ្ងៃទី ១៧ មេសា។

លោកជំរុញឱ្យសាលាក្ដីខ្មែរក្រហមពន្លឿនការជំនុំជម្រះអ្នកទទួលខុសត្រូវក្នុងឧក្រិដ្ឋសម្លាប់ពលរដ្ឋខ្មែរនោះ។

សាលាក្ដីខ្មែរក្រហម បានបញ្ចប់សេចក្ដីសន្និដ្ឋានលើសំណុំរឿងឧក្រិដ្ឋកម្មខ្មែរក្រហមលេខ ០០២ វគ្គ ១ កាលពីចុងឆ្នាំ២០១៣។ សាលាក្ដីរំពឹងថា សាលក្រមនឹងអាចចេញនៅពាក់កណ្ដាលឆ្នាំ២០១៤ នេះ។ ទន្ទឹមគ្នា ខាងភាគីជាតិ ក៏កំពុងខ្វះថវិកាសម្រាប់បើកប្រាក់ខែបុគ្គលិកចាប់ពីខែមេសានេះ ទៅដល់ចុងឆ្នាំដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖វិទ្យអាស៊ីសេរី

សមាជិកបក្សសង្គ្រោះជាតិជិត១ពាន់នាក់បង្សុកូលជូនអ្នកស្លាប់ជំនាន់ ប៉ុល ពត

បញ្ចូលព័ត៌មានដោយ៖Unknown No comments

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖វិទ្យអាស៊ីសេរី

នាំថ្មីនឹងចូលមកដល់នៅថ្ងៃច័ន្ទ ទី១៤ ខែមេសា គ្រិស្ដសករាជ ២០១៤ វេលាម៉ោង ៨ និង ៧នាទីព្រឹក។ ទេវតាឆ្នាំថ្មីនេះ មានព្រះនាមគោរគៈទេវី ជាបុត្រីទី២ នៃកបិលមហាព្រហ្ម។ ទេពធីតាគោរគៈទេវី ទ្រង់សោយប្រេងជាអាហារ និងទ្រង់អម្ពរពណ៌លឿង។ បុណ្យចូលឆ្នាំជាពិធីបុណ្យសំខាន់ចម្បងមួយរបស់ប្រជាជាតិខ្មែរ។ បុណ្យចូលឆ្នាំនេះ ជាពិធីបុណ្យសម្រាប់ទទួលទេវតាថ្មីផង និងសម្រាប់រំឭកគុណសាច់សាលោហិតដែលនៅរស់ផង ឯបុណ្យធំមួយទៀត គឺបុណ្យភ្ជុំបិណ្ឌ គឺជាពិធីបុណ្យសម្រាប់ឧទ្ទិសដល់ញាតិសន្តានដែលបានលាចាកលោកទៅ ហើយ។ ចូលឆ្នាំខ្មែរជាពិធីបុណ្យដ៏ធំមួយដែលប្រជាពលរដ្ឋខ្មែរប្រារព្ធ ធ្វើឡើងជាទៀតទាត់ជារៀងរាល់ឆ្នាំ។ ពិធីបុណ្យធំមួយទៀតដែលប្រជាពលរដ្ឋខ្មែរតែងនាំគ្នាប្រារព្ធធ្វើ មិនដែលខកខានជារៀងរាល់ឆ្នាំដែរនោះ គឺពិធីបុណ្យភ្ជុំបិណ្ឌ។ ក៏ប៉ុន្តែ ពិធីបុណ្យទាំងពីរនេះ មានគោលបំណង និងអត្ថន័យផ្សេងៗពីគ្នា។

ជាទូទៅ បុណ្យភ្ជុំបិណ្ឌត្រូវគេប្រារព្ធធ្វើនៅខែងងឹត គឺពីថ្ងៃទី១ រោច ដល់ថ្ងៃទី១៥ រោច ខែភទ្របទ។ គេធ្វើពិធីបុណ្យភ្ជុំបិណ្ឌ ដើម្បីឧទ្ទិសបញ្ជូនមគ្គផលកុសលបុណ្យដល់ឪពុកម្ដាយ បងប្អូនញាតិមិត្ត ជីដូនជីតា បុព្វការីជន ដែលបានចែកឋានទៅហើយ។ ឯបុណ្យចូលឆ្នាំវិញ គេប្រារព្ធឡើងដើម្បីទទួលទេវតាឆ្នាំថ្មីផង និងដើម្បីរំឭកគុណដល់មាតាបិតាបងប្អូនញាតិមិត្ត ឬជីដូនជីតា ដែលកំពុងរស់នៅមានជីវិតផង ជាពិសេសនៅថ្ងៃវ័នបត ដែលជាថ្ងៃទីពីរនៃឆ្នាំថ្មី កូនចៅនិយមជូនសម្លៀកបំពាក់ប្រាក់កាសដល់អ្នកមានគុណ មានឪពុកម្ដាយជីដូនជីតា ជាដើម។ ចំណែកថ្ងៃទីបីជាថ្ងៃឡើងស័កវិញ អ្នកខ្លះនិយមនិមន្តព្រះសង្ឃស្រង់ទឹក និងស្រង់ព្រះពុទ្ធរូប គឺជាការលាងសម្អាតព្រះពុទ្ធរូប ក៏ប៉ុន្តែអ្នកខ្លះ គេឆ្លៀតយកឱកាសនោះ ដើម្បីស្រង់ទឹកជូនឪពុកម្តាយ ជីដូនជីតា ដើម្បីបង្ហាញនូវកិច្ចតបស្នងសងគុណរបស់គេដល់អ្នកមានគុណ។

ម៉្យាងទៀត អ្នកខ្លះមានជំនឿថា ពិធីបុណ្យចូលឆ្នាំថ្មី ជាឱកាសមួយដែលអនុញ្ញាតអោយគេជម្រះអំពើសៅហ្មងទាំងឡាយដែលកើតមាន ឡើងមួយឆ្នាំចាស់កន្លងទៅ។ ដូច្នេះហើយ បានជាគេនាំគ្នាធ្វើបុណ្យ គេស្លៀកពាក់ខោអាវថ្មី គេដើរលេងអោយសប្បាយអស់កង្វល់ រួចទើបចាប់ផ្ដើមកសាងជីវភាពថ្មីក្នុងឆ្នាំថ្មី អោយបានជួបប្រទះសុភមង្គលគ្រប់ប្រការ និងអាយុយឺនយូរតទៅមុខទៀត។

រៀងរាល់ឆ្នាំ ក្រុមអ្នកស្រាវជ្រាវវិជ្ជាហោរាសាស្ត្រ និងប្រពៃណីទំនៀមទម្លាប់ខ្មែរនៃក្រសួងធម្មការ និងសាសនា ដោយផ្អែកលើក្បួនហោរាសាស្ត្របុរាណ ក៏បានធ្វើការទស្សន៍ទាយទំនាយប្រចាំឆ្នាំនីមួយៗដែរ។

បើតាមការទស្សន៍ទាយរបស់ក្រុមនេះ ឆ្នាំថ្មីឆ្នាំមមី ឆស័ក ពុទ្ធសករាជ ២៥៥៨ នេះ មានទំនាយប្រចាំឆ្នាំដូចតទៅ៖

កេណ្ឌព្រះភិរុណសាស្ត្រ គឺការទាយទុកអំពីកម្រិតទឹកភ្លៀង ថាឆ្នាំនេះដើមឆ្នាំមានភ្លៀងល្អ កណ្ដាលឆ្នាំក៏មានភ្លៀងល្អ តែចុងឆ្នាំមានភ្លៀងតិច។
កេណ្ឌធារាទិគុណ គឺការទាយទុកចំពោះអាកាសធាតុ ឆ្នាំនេះទំនាយថា មានធាតុអាកាសត្រជាក់។ ទំនាយទឹកទន្លេ ថាឆ្នាំនេះទឹកធំណាស់ ទឹកទន្លេមានច្រើនលើសអស់ឆ្នាំទាំងពួង។
កេណ្ឌធញ្ញាហារ គឺការទាយទុកចំពោះដំណាំ និងភោគផល ឆ្នាំនេះទំនាយថា មានកេណ្ឌពីរ មានឈ្មោះថាវិបត្ត ស្រូវសំណាបស្រែចម្ការ និងកើតកិមិជាតិ (ដង្កូវ ក្រា ដង្កូវនាង មេអំបៅ សត្វល្អិតបំផ្លាញផលានុផល។ ផលដំណាំបានតែពាក់កណ្ដាលខូចខាតអស់។ ស្រុកទេសនឹងកើតកលិយុគ និរាសប្រាសចាកចោលគ្នាច្រើនលើកច្រើនសា។
ទំនាយការធ្វើស្រែ ទំនាយថាស្រែដីទំនាបបានផលល្អ ចំណែកស្រែដីទួលមានផលល្មមសមគួរ។

រីឯទំនាយតាមថ្ងៃសង្ក្រាន្តទាំងបីថ្ងៃវិញ មានដូចតទៅ៖

ថ្ងៃចូលឆ្នាំទីមួយ ប៉ះចំថ្ងៃច័ន្ទ ទំនាយថា ជំទាវខុនណាង នឹងចាញ់ មានន័យថា អន់ខូចបុណ្យស័ក្តិអន់រាសី មន្ត្រី ជំទាវ ធ្វើអាក្រក់ធ្វើបាបគេ នឹងមានការតស៊ូរើបម្រះ។
ទំនាយថ្ងៃវ័នបត គឺថ្ងៃទីពីរដែលប៉ះចំថ្ងៃអង្គារ វិញ ថាឆ្នាំនេះស្លាម្លូ ត្រីសាច់មានតម្លៃខ្ពស់ អាមាត្យមន្ត្រីនឹងខូចស័ក្ដិ ឬត្រូវក្តៅក្រហាយចិត្ត ជាច្រើន។
ទំនាយថ្ងៃឡើងស័ក គឺថ្ងៃចុងក្រោយ ត្រូវនឹងថ្ងៃពុធ ទំនាយថា ឆ្នាំនេះរាជបណ្ឌិតបុរោហិត អាចារ្យ នឹងមានសេចក្តីសុខសម្រាន្តជាអនេក ប៉ុន្តែនឹងមានដង្កូវក្រា ស៊ីស្រូវបំផ្លាញដំណាំ។

បាទ! នេះ គឺជាទំនាយប្រចាំឆ្នាំនេះដែលគន់គូរដោយក្រុមប្រជុំទំនៀមទម្លាប់ ខ្មែរ។ ទោះជាមានការទស្សន៍ទាយយ៉ាងណាក៏ដោយចុះ ខ្ញុំបាទសូមប្រសិទ្ធពរជ័យជូនលោកអ្នកនាងកញ្ញាអ្នកស្តាប់ទាំងអស់ នៅគ្រប់ទិសទី ព្រមទាំងក្រុមគ្រួសារ អោយទទួលបាននូវសុខភាពល្អ និងសេចក្តីសុខក្សេមក្សាន្តក្នុងឆ្នាំថ្មីនេះ និងឆ្នាំខាងមុខៗទៀត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វិទ្យុអាស៊ីសេរី

សង្ក្រាន្ត និងទំនាយឆ្នាំថ្មីឆ្នាំមមី

បញ្ចូលព័ត៌មានដោយ៖Unknown No comments

កេណ្ឌព្រះភិរុណសាស្ត្រ គឺការទាយទុកអំពីកម្រិតទឹកភ្លៀង ថាឆ្នាំនេះដើមឆ្នាំមានភ្លៀងល្អ កណ្ដាលឆ្នាំក៏មានភ្លៀងល្អ តែចុងឆ្នាំមានភ្លៀងតិច។
កេណ្ឌធារាទិគុណ គឺការទាយទុកចំពោះអាកាសធាតុ ឆ្នាំនេះទំនាយថា មានធាតុអាកាសត្រជាក់។ ទំនាយទឹកទន្លេ ថាឆ្នាំនេះទឹកធំណាស់ ទឹកទន្លេមានច្រើនលើសអស់ឆ្នាំទាំងពួង។
កេណ្ឌធញ្ញាហារ គឺការទាយទុកចំពោះដំណាំ និងភោគផល ឆ្នាំនេះទំនាយថា មានកេណ្ឌពីរ មានឈ្មោះថាវិបត្ត ស្រូវសំណាបស្រែចម្ការ និងកើតកិមិជាតិ (ដង្កូវ ក្រា ដង្កូវនាង មេអំបៅ សត្វល្អិតបំផ្លាញផលានុផល។ ផលដំណាំបានតែពាក់កណ្ដាលខូចខាតអស់។ ស្រុកទេសនឹងកើតកលិយុគ និរាសប្រាសចាកចោលគ្នាច្រើនលើកច្រើនសា។
ទំនាយការធ្វើស្រែ ទំនាយថាស្រែដីទំនាបបានផលល្អ ចំណែកស្រែដីទួលមានផលល្មមសមគួរ។

រីឯទំនាយតាមថ្ងៃសង្ក្រាន្តទាំងបីថ្ងៃវិញ មានដូចតទៅ៖

ថ្ងៃចូលឆ្នាំទីមួយ ប៉ះចំថ្ងៃច័ន្ទ ទំនាយថា ជំទាវខុនណាង នឹងចាញ់ មានន័យថា អន់ខូចបុណ្យស័ក្តិអន់រាសី មន្ត្រី ជំទាវ ធ្វើអាក្រក់ធ្វើបាបគេ នឹងមានការតស៊ូរើបម្រះ។
ទំនាយថ្ងៃវ័នបត គឺថ្ងៃទីពីរដែលប៉ះចំថ្ងៃអង្គារ វិញ ថាឆ្នាំនេះស្លាម្លូ ត្រីសាច់មានតម្លៃខ្ពស់ អាមាត្យមន្ត្រីនឹងខូចស័ក្ដិ ឬត្រូវក្តៅក្រហាយចិត្ត ជាច្រើន។
ទំនាយថ្ងៃឡើងស័ក គឺថ្ងៃចុងក្រោយ ត្រូវនឹងថ្ងៃពុធ ទំនាយថា ឆ្នាំនេះរាជបណ្ឌិតបុរោហិត អាចារ្យ នឹងមានសេចក្តីសុខសម្រាន្តជាអនេក ប៉ុន្តែនឹងមានដង្កូវក្រា ស៊ីស្រូវបំផ្លាញដំណាំ។

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វិទ្យុអាស៊ីសេរី

នៅក្នុងឱកាសចូលឆ្នាំថ្មីប្រពៃណីជាតិឆ្នាំ២០១៤ នេះ សមាគមចុងភៅកម្ពុជា បានផលិតនំអន្សមយក្សមួយទម្ងន់ ២តោន ដើម្បីដាក់តាំង ព្រមទាំងដាក់លក់ឲ្យភ្ញៀវទេសចរដែលទៅលេងនៅរមណីយដ្ឋានប្រាសាទអង្គរវត្ត ខេត្តសៀមរាប ពេលបុណ្យចូលឆ្នាំ។

នំអន្សមយក្សទម្ងន់ ២តោន ត្រូវបានរថយន្តស្ទូចពីរគ្រឿង ស្ទូចដាក់លើឡាននៅថ្ងៃទី១៣ មេសា ដឹក យកទៅដាក់តាំងនៅមុខប្រាសាទអង្គរវត្ត ដើម្បីឲ្យភ្ញៀវទេសចរទស្សនា ពេលបុណ្យចូលឆ្នាំនេះ។នំអន្សមយក្សនេះផលិតដោយសមាគមចុងភៅកម្ពុជា ដែលមិនធ្លាប់មានពីមុនមក។

លោក ឡុង បូរ៉ា ប្រាប់អ្នកកាសែត នៅថ្ងៃទី១៣ មេសា ថា ទម្រាំសមាគមលោកផលិតបាននំអន្សមយក្សមួយនេះឡើង គឺត្រូវចំណាយពេល និងចំណាយប្រាក់អស់ជាង ៧.៥០០ដុល្លារ ដែលឧបត្ថម្ភដោយម្ចាស់សណ្ឋាគារ ម្នាស់ភោជនីយដ្ឋាន និងក្រុមហ៊ុននានា។

គំនិតផលិតអន្សមយក្ស ផ្ដួចផ្ដើមដោយសមាគមចុងភៅកម្ពុជា ដែលមានទម្ងន់ ២.០០០គីឡូក្រាម ក្នុងនោះមានគ្រឿងផ្សំ ដូចជាអង្ករដំណើបចំនួន ៦០០គីឡូ សាច់ជ្រូក ៣០០គីឡូ សណ្ដែកបាយអស់ ២០០គីឡូ ខ្ទិះដូង ៣០០គីឡូ ស្ករ ៥គីឡូ អំបិល ១០គីឡូ ម្រេច ៥គីឡូ ខ្ទឹមស ៥គីឡូ និងស្លឹកខ្ទឹម ១៦គីឡូក្រាម។ ចំណែកប្រដាប់ប្រដាសម្រាប់វេចខ្ចប់វិញ គេត្រូវកាត់ស្លឹកចេក ៤០០គីឡូដើម្បីខ្ចប់ និងកាប់ដើមចេក ២០ដើម ដើម្បីធ្វើចំណងវេចនំអន្សមយក្សនេះ។

លោក ឡុង បូរ៉ា ដែលជាចុងភៅនៅសណ្ឋាគារមួយនៅខេត្តសៀមរាប រៀបរាប់ថា ពេលផ្ដួចផ្ដើមគំនិតផលិតនំនេះឡើង អ្នកស្រុកភាគច្រើនមិនជឿថា សមាគមលោកអាចចម្អិននំអន្សមយក្សនេះឆ្អិនបានទេ ព្រោះថាកន្លងមក សូម្បីតែនំអន្សមតូចៗធម្មតាយ៉ាងម៉េច ក៏គង់មានអ្នកខ្លះចម្អិនឆៅ៖ «ប្រជាជន ភាគច្រើនគាត់គិតថា អន្សមហ្នឹងមិនអាចចំហុយឆ្អិនទេ ព្រោះវាទំហំធំពេក ប្រវែងដល់ ៥ម៉ែត្រ ប៉ុន្តែមុននឹងខ្ញុំធ្វើនំអន្សមយក្សធំនេះកើតឡើង ពួកខ្ញុំបានព្យាយាមធ្វើអន្សមខ្នាតធំដូចជាប្រវែងមួយម៉ែត្រ ពួកខ្ញុំធ្លាប់ធ្វើច្រើនដងដែរ ហើយមូលហេតុដែលពួកយើងហ៊ានធ្វើអន្សមយក្សនេះកើតឡើង គឺដោយសារយើងប្ដូររូបមន្តបន្តិច។ ធម្មតាខ្មែរយើងចំហុយអន្សមនេះគឺអ្វីៗក៏ឆៅដែរ ដូចជាអង្ករដំណើបក៏ឆៅ សាច់ជ្រូកក៏ឆៅ សណ្ដែកក៏ឆៅ អ៊ីចឹងទៅ។ ប៉ុន្តែពួកយើងដូររបៀបធ្វើបន្តិច គឺគ្រឿងផ្សំអីអស់ហ្នឹងត្រូវបានយើងចំហុយឆ្អិនអស់ហើយ ហើយគ្រាន់តែយើងមកផ្គុំឲ្យទៅជារាងអន្សម ហើយគ្រាន់តែយើងចំហុយវាបន្ថែមដើម្បីឲ្យវាល្មួតឲ្យទៅជាសាច់តែ មួយ»។

លោកឲ្យដឹងថា ដើម្បីចម្អិននំអន្សមយកនេះបាន គេត្រូវបញ្ជាទិញចង្ក្រានចំហុយពិសេសមួយ មានបណ្ដោយប្រវែង ៧ម៉ែត្រ មុខកាត់ ១ម៉ែត្រ ៤តឹក ជម្រៅ ៧តឹក ហើយចំណាយពេលចម្អិនចំនួន ២២ម៉ោង។

នំអន្សមយក្សនេះនឹងដាក់តាំងពិព័រណ៍នៅមុខប្រសាទអង្គរវត្ត ខេត្តសៀមរាប ក្នុងព្រឹត្តិការណ៍អង្គរសង្ក្រាន្ត ឆ្នាំ២០១៤ ដែលផ្ដួចផ្ដើមប្រារព្ធធ្វើឡើងដោយសហភាពសហព័ន្ធយុវជនកម្ពុជា។

នកនាំពាក្យសហភាពសហព័ន្ធយុវជនកម្ពុជា លោក សោម រតនា បញ្ជាក់ថា ការតាំងពិព័រណ៍ នំអន្សមយក្សនេះ គឺដើម្បីទាក់ទាញទេសចរជាតិនិងអន្តរជាតិផង និងជាការកែច្នៃកម្មវិធីប្លែកជាប្រពៃណីដើម្បីឲ្យអ្នកទេសចរទស្សនា កម្សាន្តផង ក្រៅពីទៅលេងប្រាសាទអង្គរវត្ត។

លោក សោម រតនា៖ «យើងធ្វើនេះក្នុងគោលបំណងបង្កើតបរិយាកាសសប្បាយ រីករាយទាំងអស់គ្នាក្នុងលក្ខណៈជាមហាគ្រួសារខ្មែរ សូមអញ្ជើញគាត់មកចូលរួម ហើយអ្វីដែលគាត់ធ្លាប់បានទស្សនាលើកមុនគាត់ធ្លាប់អញ្ជើញទៅទស្សនា ប្រាង្គប្រាសាទថ្មរបស់យើង គាត់ទៅទស្សនាកន្លែងផ្សេងៗនៅខេត្តសៀមរាប។ ឥឡូវនេះយើងមានទស្សនីយភាពភាពច្រើនផ្សេងៗទៀត មានល្បែងរបាំប្រជាប្រិយ យើងមានការទាញព្រ័ត្រ បង្កើតឯកត្តកម្មជាតិ យើងមានកម្មវិធីច្រើនផ្សេងៗទៀត អ៊ីចឹងសូមអញ្ជើញបងប្អូនចូលរួមទាំងអស់គ្នា»។

ទាក់ទងរឿងតាំងពិព័រណ៍នំអន្សមយក្ស លោក ឡុង បូរ៉ា បន្ថែមថា នំអន្សមយក្សនេះក្រោយពីតាំងរួចហើយ នឹងត្រូវកាត់លក់ក្នុងមួយចានតម្លៃ ៥.០០០រៀល ជូនអ្នកទៅទស្សនា ឬអ្នកទេសចរដែលទៅលេងប្រាសាទអង្គរវត្ត នៅថ្ងៃចូលដំបូងនេះ ហើយប្រាក់ដែលបានមកពីការលក់នំអន្សមយក្សនេះ នឹងយកទៅឧបត្ថម្ភដល់មណ្ឌលកុមារកំព្រា ឬឧបត្ថម្ភមន្ទីរពេទ្យ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វិទ្យុអាស៊ីសេរី

នំអន្សមយក្សត្រូវគេដាក់តាំងនៅខាងមុខអង្គរវត្ត

បញ្ចូលព័ត៌មានដោយ៖Unknown 1 comment

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វិទ្យុអាស៊ីសេរី

អ្នកវិភាគនយោបាយឯករាជ្យលោក បណ្ឌិត កែម ឡី បានស្តីបន្ទោសចំៗឲ្យលោក សម រង្ស៊ី ថា ជាមនុស្សដែលមិនសូវចេះស្តាប់យោបល់របស់អ្នកដទៃ ពោលគឺយកតែគំនិតខ្លួនឯង។ លោកថា ប្រសិនបើថ្ងៃណាមួយលោក សម រង្ស៊ី មានឱកាសបានក្លាយជាមេដឹកនាំប្រទេសមែននោះរបៀបដឹកនាំរបស់លោក សម រង្ស៊ី នឹងផ្តាច់ការជាងលោក ហ៊ុន សែន ទៅទៀត។ ខាងក្រោមនេះជាបទសម្ភាសន៍រវាងលោក ជា ធីរិទ្ធ អ្នកយកព័ត៌មានឲ្យគេហទំព័រថ្មីៗ ជាមួយលោក កែម ឡី អ្នកវិភាគនយោបាយឯករាជ្យ។

លោក ជា ធីរិទ្ធ៖ លោក កែម ឡី យើងឃើញថា ស្ថានការណ៍នយោបាយហាក់ធូរស្រាលបន្តិច ដោយសារលោក សម រង្ស៊ី បានទូរសព្ទទៅ លោក ហ៊ុន សែន ជជែកគ្នា និងបានយល់ចិត្តគ្នាច្រើនផងដែរ។ ជាបឋមក្នុងនាមលោកជាអ្នកតាមដានរឿងនយោបាយ លោកយល់យ៉ាងណាដែរ ចំពោះជំហររបស់លោក សម រង្ស៊ី ពេលនេះ?

លោក កែម ឡី៖ ជារួមវាជាការល្អហើយ ចំពោះជំហរទន់ភ្លន់របស់លោក សម រង្ស៊ី ក៏ដូចជាអ្នកនយោបាយដែលចេះនិយាយគ្នា តែខ្ញុំមើលទៅជំហររបស់លោក សម រង្ស៊ី ដែលទន់យល់ស្របតាមលោក ហ៊ុន សែន ភាគច្រើនគឺមិនបានគិតពីផលប្រយោជន៍រួម ឬផលប្រយោជន៍សម្រាប់ប្រទេសជាតិទៅពេលអនាគតទេ។ មិនតែប៉ុណ្ណោះ ខ្ញុំមើលទៅនៅក្នុងការពិភាក្សាគ្នានោះ គឺដើម្បីតែផលប្រយោជន៍អ្នកនយោបាយទៅវិញទេ មិនមែនដើម្បីផលប្រយោជន៍ប្រជាពលរដ្ឋ ឬតាមអ្វីដែលពលរដ្ឋចង់បាននោះឡើយ។

លោក ជាធីរិទ្ធ៖ ការយល់ចិត្តគ្នារវាងលោក ហ៊ុន សែន និងលោក សម រង្ស៊ី បានធ្វើឡើងក្នុងពេលដែលលោក កឹម សុខា មិនមានវត្តមាននៅក្នុងប្រទេស។ លោក កែម ឡី លោកក៏បានដឹងពីការបដិសេធរបស់លោក កឹម សុខា មិនសូវយល់ស្របតាមជំហររបស់ លោក សម រង្ស៊ី ផងដែរ។ តើលោកវាយតម្លៃចំពោះឥរិយាបថនយោបាយរបស់លោក សម រង្ស៊ី បែបណាដែរ?

លោក កែម ឡី៖ ជារួមលោក សម រង្ស៊ី ជាមនុស្សដែលមិនសូវចេញស្តាប់យោបល់គេ ជាមនុស្សអត្តនោម័ត រឹងរួស ចចេះ គិតថាគំនិតខ្លួនឯងត្រូវរហូត របៀបធ្វើការគ្មានប្រជាធិបតេយ្យ អាកប្បកិរិយានយោបាយ ទង្វើនយោបាយ ល្អមើលតែពេលនិយាយប្រាប់គេ ប្រាប់ប្រជាពលរដ្ឋ តែការអនុវត្តជាក់ស្តែងគ្មាន។ ហើយខ្ញុំហ៊ាននិយាយថា ប្រសិនបើលោក សម រង្ស៊ី មិនព្រមកែប្រែប្រព័ន្ធដឹកនាំទេនោះ «បើបានក្លាយជាមេដឹកនាំ សម រង្ស៊ី ផ្តាច់ការជាង ហ៊ុន សែន ទៀត»។

លោក ជា ធីរិទ្ធ៖ ទៅពេលខាងមុខ លោក មើលឃើញទំនាក់ទំនងលោក កឹម សុខា និងលោក សម រង្ស៊ី យ៉ាងណាដែរ? ហើយថាតើលោកអត្ថាធិប្បាយបែបណា ចំពោះលោក កឹម សុខា ដែលគេមើលឃើញថា គឺជាឧសគ្គដែលអាចឲ្យការយល់ចិត្តគ្នារវាងលោក ហ៊ុន សែន និងលោក សម រង្ស៊ី បរាជ័យនោះ?

លោក កែម ឡី៖ យើងមានការព្រួយបារម្ភចំពោះ ទង្វើលោក សម រង្ស៊ី ខ្ញុំគិតថា លោក សម រង្ស៊ី គួរតែផ្លាស់ប្តូរឥរិបថធ្វើការ។ ចំពោះលោក កឹម សុខា ខ្ញុំគិតថាលោក កឹម សុខា មិនមែនជាមនុស្សរឹងទទឹងទេ តែ កឹម សុខា ជាមនុស្ស ដែលគិតផលប្រយោជន៍ជាតិ ផលប្រយោជន៍ពលរដ្ឋ ជាងប្រយោជន៍ខ្លួន និងបក្សពួកក្រុមគ្រួសារខ្លួន។ ជាងនេះ ខ្ញុំយល់ថា លោក កឹម សុខា ជាមនុស្ស ដែលមានវប្បធម៌ប្រជាធិបតេយ្យច្រើន តាមរយៈឥរិយាបថនយោបាយ និងទង្វើរបស់គាត់៕

ប្រភពព័ត៌មាន៖ សារព័ត៌មានថ្មីៗ

លោក កែម ឡី៖ សម រង្ស៊ី បើបានកាន់អំណាចផ្តាច់ការជាង ហ៊ុន សែន ទៀត

បញ្ចូលព័ត៌មានដោយ៖Unknown No comments

ប្រភពព័ត៌មាន៖ សារព័ត៌មានថ្មីៗ

មេដឹកនាំគណបក្សប្រជាជនកម្ពុជា គឺលោកនាយករដ្ឋមន្ត្រីហ៊ុន សែន និងប្រមុខបក្សប្រឆាំង លោក សម រង្ស៊ី បានជួបចរចាគ្នាផ្ទាល់មាត់ហើយ នៅថ្ងៃពុធទី៩មេសា ដើម្បីដោះស្រាយវិបត្តិនយោបាយនៅកម្ពុជា ដែលកំពុងអូសបន្លាយក្រោយការបោះឆ្នោត។ ក្នុងជំនួបតាមទូរស័ព្ទរវាងប្រមុខបក្សដែលកំពុងមានជម្លោះទាំងពីរ បានពិភាក្សាគ្នាលើបញ្ហាបីចំណុច នោះគឺ កាលបរិច្ឆេទនៃការបោះឆ្នោត កំណែទម្រង់គ.ជ.ប និងប្រព័ន្ធផ្សព្វផ្សាយ។ យ៉ាងណាក៏ដោយ នៅមិនទាន់មានជំនួបកំពូលជាផ្លូវការណាមួយ ត្រូវបានទំលាយនៅឡើយទេ។

សេចក្ដីរាយការណ៍ដោយស៊ុន មេសា

(02:36)

ទីបំផុតទៅ លោកនាយករដ្ឋមន្ត្រីហ៊ុន សែន និងលោក សម រង្ស៊ី ប្រមុខបក្សប្រឆាំងបានជួបគ្នាផ្ទាល់មាត់ហើយ កាលពីព្រឹកថ្ងៃពុធទី៩ មេសានេះ។ នេះបើតាមការបញ្ជាក់របស់លោកអេង ឆៃអ៊ាង មន្ត្រីជាន់ខ្ពស់គណបក្សសង្គ្រោះជាតិ ដែលបានថ្លែងប្រាប់វិទ្យុបារាំង អន្តរជាតិនៅរសៀលថ្ងៃពុធនេះ។ មានរបៀបវារៈចំនួន៣ចំណុចក្នុងជំនួបតាមទូរស័ព្ទ រវាងមេដឹកនាំ ចាស់វស្សាទាំងពីរ។

បើតាមលោកអេង ឆៃអ៊ាង ដដែល របៀបវារៈទាំងបីចំណុចដែលមេបក្សទាំងពីរពិភាក្សាជាមួយគ្នានោះ នៅមិនទាន់មានលទ្ធផលនៅឡើយនោះទេ។ តំណាងរាស្ត្រមណ្ឌលខេត្តកណ្តាលនៃគណបក្សសង្គ្រោះជាតិរូបនេះ បានបញ្ជាក់ថា ជំនួបកំពូលរវាងមេដឹកនាំនៃគណបក្សទាំងពីរ អាចនឹងកើត ឡើងជាផ្លូវការលើកទីពីរ ប្រសិនបើការចរចានយោបាយក្រៅផ្លូវការ ត្រូវបានព្រមព្រៀងជាមួយគ្នានោះ។

ខាងភាគីនៃគណបក្សប្រជាជនកម្ពុជា វិទ្យុបារាំងមិនអាចទាក់ទងបញ្ជាក់រឿងនេះបានទេ។
សូមបញ្ជាក់ថាកាលពីថ្ងៃចន្ទដើមសប្តាហ៍កន្លងទៅ ទាំងលោកនាយករដ្ឋមន្ត្រីហ៊ុន សែន និងលោក សម រង្ស៊ី សុទ្ធតែបានប្រកាសប្រាប់មហាជន អំពីការចរចាជាសម្ងាត់ជាមួយគ្នាដើម្បី ស្វះស្វែងរកដំណោះស្រាយនយោបាយ។ លោកសម រង្ស៊ី បញ្ជាក់ថា ក្រុមការងារគណបក្សទាំងពីរអាចចេញសេចក្តីថ្លែងការណ៍រួមគ្នាមួយ ក្នុងពេលឆាប់ៗនេះ ឬអាចចូលគាល់ព្រះមហាក្សត្ររួមគ្នាតែម្តង។

ចំណែកឯលោកនាយករដ្ឋមន្ត្រីហ៊ុន សែនវិញ ក៏បានផ្តល់ព័ត៌មានស្រដៀងគ្នានេះដែរ។ លោកបញ្ជាក់ថា គណបក្សទាំងពីរនៅសេសសល់តែចំណុចខ្វែងគំនិតគ្នាបន្តិចបន្តួច តែប៉ុណ្ណោះ នឹងអាចដល់កិច្ចព្រមព្រៀងហើយ។ ជំនួបថ្ងៃទី៩ មេសាដែលធ្វើឡើងតាមរយៈទូរស័ព្ទនេះ គឺជាជំនួបលើកទី២ហើយរវាងលោកនាយករដ្ឋមន្ត្រីហ៊ុន សែន និងលោក សម រង្ស៊ី ក្រោយជំនួបផ្លូវការកាលពីខែកញ្ញា ឆ្នាំ២០១៣កន្លងទៅ។

សូមរំលឹកជូនថា គិតត្រឹមដើមខែមេសានេះ វិបត្តិនយោបាយនៅកម្ពុជាបានអូសបន្លាយអស់រយៈពេលជិត៩ខែមកហើយ ពោលគឺចាប់តាំងពីក្រោយការបោះឆ្នោតនីតិកាលទី៥ នៅថ្ងៃទី២៨កក្តដា ឆ្នាំ២០១៣។ វិបត្តិនយោបាយដែលបានកើតឡើងដោយសារគណបក្សសង្គ្រោះជាតិទាត់ចោល លទ្ធផលបោះឆ្នោតក្រោមហេតុផលថា មានភាពមិនប្រក្រតីនៃដំណើរការ បោះឆ្នោត។ វិបត្តិនយោបាយនេះ បាននាំឱ្យទីក្រុងភ្នំពេញបានស្គាល់ការរំជើបរំជួលទៅដោយបាតុកម្ម ជាច្រើនលើក រហូតបណ្តាលឱ្យមានមនុស្សស្លាប់នឹងរងរបួស។

យ៉ាងណាក៏ដោយ ជំនួបរវាងលោកនាយករដ្ឋមន្ត្រីហ៊ុន សែន និងលោក សម រង្ស៊ីនៅពេលនេះ គឺជាសញ្ញាណនៃការបិទបញ្ចប់ជម្លោះនយោបាយនៅកម្ពុជា។ ប៉ុន្តែតើ លទ្ធផលនៃជំនួបមានលទ្ធផលយ៉ាងណានោះ ពលរដ្ឋខ្មែរទាំងអស់កំពុងទន្ទឹងរង់ចាំមើល៕

ប្រភពព័ត៌មាន៖ វិទ្យុបារាំងអន្តរជាតិ

លោកហ៊ុនសែន និងលោកសម រង្ស៊ី បានជួបពិភាក្សាគ្នាផ្ទាល់មាត់ នៅព្រឹកថ្ងៃពុធនេះ

បញ្ចូលព័ត៌មានដោយ៖Unknown No comments

សេចក្ដីរាយការណ៍ដោយស៊ុន មេសា

(02:36)

ប្រភពព័ត៌មាន៖ វិទ្យុបារាំងអន្តរជាតិ

លោកនាយករដ្ឋមន្ត្រី ហ៊ុន សែន អនុប្រធានគណបក្សប្រជាជនកម្ពុជា និងលោក សម រង្ស៊ី ប្រធានគណបក្សសង្គ្រោះជាតិ បានជួបសន្ទនាគ្នាតាមទូរស័ព្ទនៅថ្ងៃទី៩ មេសា ដើម្បីផ្លាស់ប្ដូរទស្សនៈគ្នា ស្វែងរកដំណោះស្រាយភាពជាប់គាំងនយោបាយ ដែលកំពុងកើតមាននៅកម្ពុជា ក្នុងពេលបច្ចុប្បន្ននេះ។

មន្ត្រីជាន់ខ្ពស់គណបក្សសង្គ្រោះជាតិ បានឲ្យដឹងនៅថ្ងៃពុធ ទី៩ មេសា ថា មេដឹកនាំកំពូលរបស់គណបក្សជាប់ឆ្នោតក្នុងសភាទាំង ២ គឺលោក ហ៊ុន សែន និងលោក សម រង្ស៊ី បានជួបសន្ទនាគ្នាតាមទូរស័ព្ទផ្ដោតទៅលើបញ្ហាពីរ គឺការបោះឆ្នោតរើសសមាជិកសភា និងសមាជិកក្រុមប្រឹក្សាឃុំ សង្កាត់ មុនអាណត្តិ និងការកែទម្រង់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. និងប្រព័ន្ធផ្សព្វផ្សាយ។

លោក អេង ឆៃអ៊ាង ជាមន្ត្រីជាន់ខ្ពស់ និងជាបេក្ខភាពសមាជិកសភាជាប់ឆ្នោតរបស់គណបក្សសង្គ្រោះជាតិ មណ្ឌលខេត្តកណ្តាល មានប្រសាសន៍ឲ្យដឹងថា ការជួបគ្នារបស់ថ្នាក់ដឹកនាំគណបក្សជាប់ឆ្នោតដែលមានអាសនៈក្នុងសភា ទាំងពីរនេះ ជាការជួបគ្នាមិនផ្លូវការ និងមិនទាន់មានការសម្រេចណាមួយជាផ្លូវការនៅឡើយទេ។

លោក អេង ឆៃអ៊ាង៖ «នៅព្រឹកមិញវេលាម៉ោង ១១ លោកប្រធាន សម រង្ស៊ី និងលោកនាយករដ្ឋមន្ត្រី ហ៊ុន សែន បានជួបគ្នាតាមទូរស័ព្ទ ហើយប្រធានបទនៃកិច្ចពិភាក្សាគ្នាតាមទូរស័ព្ទនោះ គឺពេលវេលានៃការបោះឆ្នោតមុនអាណត្តិ ទាំងការបោះឆ្នោតជាតិ ទាំងការបោះឆ្នោតឃុំសង្កាត់ ការកែទម្រង់ គ.ជ.ប ហើយនិងប្រព័ន្ធផ្សព្វផ្សាយ។ រីលទ្ធផលនៃការជជែកពិភាក្សានេះ មិនទាន់សម្រេចយ៉ាងណានៅឡើយទេ»។

ទាក់ទងការកែទម្រង់ គ.ជ.ប នោះ លោក អេង ឆៃអ៊ាង បានឲ្យដឹងថា មានការព្រមព្រៀងគ្នាលើឋានៈរបស់ស្ថាប័នបោះឆ្នោត និងសមាសភាពរបស់ គ.ជ.ប នេះហើយ៖ «ការកែទម្រង់ គ.ជ.ប អ្វីដែលខ្ញុំបានស្តាប់កិច្ចពិភាក្សានេះ គឺមានការព្រមព្រៀងគ្នាយកស្ថាប័ន គ.ជ.ប ទៅដាក់ក្នុងរដ្ឋធម្មនុញ្ញ ហើយសមាសភាព គ.ជ.ប ត្រូវមានការព្រមព្រៀងគ្នាពីគណបក្សដែលមានអាសនៈនៅក្នុងរដ្ឋសភា»។

លោក អេង ឆៃអ៊ាង បានឲ្យដឹងថា ពិតមែនតែថ្នាក់ដឹកនាំគណបក្សនយោបាយទាំងពីរមានការជួបសន្ទនាគ្នា តាមទូរស័ព្ទមែន តែមិនទាន់មានការកំណត់ពេលវេលាណាមួយដើម្បីជួបជជែកទល់មុខគ្នា រវាងមេដឹកនាំរបស់គណបក្សជាប់ឆ្នោតមានអាសនៈក្នុងរដ្ឋសភានេះនៅឡើយ ទេ។

កាលពីថ្ងៃទី៧ មេសា ក្នុងពេលថ្លែងសុន្ទរកថាចែកសញ្ញាបត្រដល់និស្សិតវិទ្យាស្ថានវ៉ាន់ដា គណនេយ្យ លោកនាយករដ្ឋមន្ត្រី ហ៊ុន សែន បានផ្ដួចផ្ដើមឲ្យមានការជជែកគ្នារវាងអ្នកដឹកនាំគណបក្សជាប់ឆ្នោត ទាំងពីរតាមទូរស័ព្ទ៖ «ហើយជួនកាលស្រាប់តែព្រឹប ក្រែងលោឯកឧត្តម សម រង្ស៊ី គាត់ទទួលទានដំណេកទៅ សម្រាកទៅយល់សប្ដិបែបស្រួល យី! ដូចជាចង់ជួបសម្ដេចនាយកតាមទូរស័ព្ទបន្តិច ឲ្យពីណាទាក់ទងមក។ អើ! អាជួបគ្នាតាមទូរស័ព្ទមានអីពិបាក។ ឧបមាទេណា ជួបគ្នាមើល និយាយពិគ្រោះគ្នាអីបន្តិចបន្តួចទៅ។ ឧបមាទេណា វាទាស់ខុសអី? ប៉ុន្តែខ្ញុំបានឲ្យឯកឧត្ដម សម រង្ស៊ី និងឯកឧត្ដម ស ខេង ជួបគ្នា។ ប៉ុន្តែខ្ញុំគ្រាន់តែចង់ប្រាប់ថា អ្វីដែលនិយាយគ្នាថ្នាក់រៀបចំនោះ ខ្ញុំបានដឹងហើយ។ ឆាណែលមួយក្រោមតុនោះ គេចេះតែទៅ ហើយទៅជិតដល់គោលដៅហើយ នៅសល់តែបន្តិចទៀតប៉ុណ្ណោះ»។

ទាក់ទងការរៀបចំបោះឆ្នោតឡើងវិញមុនអាណត្តិនេះ មន្ត្រីជាន់ខ្ពស់គណបក្សប្រជាជនកម្ពុជា និងជាសមាជិកសភា លោក ឈាង វុន បានថ្លែងថា ប្រហែលជាទៅមិនរួចទេ ពីព្រោះគ្មានច្បាប់ចែងឲ្យធ្វើបាន៖ «យើងមិនអាចយកបក្សទៅសង្កត់ រដ្ឋទេ ព្រោះរដ្ឋគេមានច្បាប់របស់គេ ពីព្រោះរដ្ឋគេមានច្បាប់ទម្លាប់គេ ហើយច្បាប់មិនអនុញ្ញាតឲ្យបោះឆ្នោតមុនអាណត្តិផង។ ស្ថាប័នធម្មនុញ្ញអីក៏អត់មាននិយាយដែរ។ ជាស្ថាប័នធម្មនុញ្ញ ខ្ញុំមើលទៅវាអត់កើត។ គាត់និយាយត្រង់នេះ ខ្ញុំអត់យល់ទេ អត់ដឹងទេ មិនដឹងថា ដេលី បានព័ត៌មាននេះពីណាមក»។

ចំណែកលោក ជាម យៀប សមាជិកគណៈអចិន្ត្រៃយ៍គណបក្សប្រជាជនកម្ពុជា និងជាសមាជិកសភាបានថ្លែងប្រាប់កាសែត ឌឹ ខេមបូឌា ដេលី (The Cambodia Daily) ថា តាមមាត្រា ៧៨ របស់រដ្ឋធម្មនុញ្ញបានចែងថា រដ្ឋសភាមិនអាចរំលាយមុនអាណត្តិបានទេ។

ចំពោះបញ្ហាសមាជិកសភាមកពីគណបក្សសង្គ្រោះជាតិ នឹងចូលប្រជុំសភា ឬអត់នោះ លោក អេង ឆៃអ៊ាង បានឲ្យដឹងថា ទាល់តែមានការព្រមព្រៀងនយោបាយរវាងគណបក្សនយោបាយទាំងពីរជាមុនសិន គឺតាមគណបក្សសង្គ្រោះជាតិ ចង់បានស្របតាមបំណងរបស់ប្រជាពលរដ្ឋទើបបានមានការចូលប្រជុំសភា បើពុំនោះទេ គឺសមាជិកសភាមកពីគណបក្សសង្គ្រោះជាតិ មិនចូលប្រជុំសភាទេ។

ប៉ុន្តែតាមលោក សុន ឆ័យ ជាអ្នកចរចាសម្ងាត់តំណាងគណបក្សសង្គ្រោះជាតិ ដែលបានជួបជាមួយលោក ព្រុំ សុខា តំណាងអ្នកចរចាពីគណបក្សប្រជាជនកម្ពុជា បានឲ្យដឹងថា ការជួបគ្នារវាងអ្នកទាំងពីរកាលពីថ្ងៃទី៨ មេសា កន្លងទៅនេះ បានឯកភាពគ្នាជាច្រើនចំណុច៖ «បានជួបគ្នា ហើយបានសម្រេចគោលធំៗនោះជិតអស់ហើយ»។

ចាប់តាំងពីមានការប្រកាសលទ្ធផលបោះឆ្នោតដែលធ្វើឡើងកាលពីថ្ងៃទី ២៨ កក្កដា ឆ្នាំ២០១៣ មក គណបក្សសង្គ្រោះជាតិ និងគណបក្សប្រជាជនកម្ពុជា មានទំនាស់គ្នាលើលទ្ធផលការបោះឆ្នោត។

តាមលទ្ធផលគណៈកម្មាធិការជាតិរៀបចំការបោះឆ្នោតបានប្រកាសថា គណបក្សប្រជាជនកម្ពុជា បានទទួល ៦៨អាសនៈក្នុងសភា ហើយគណបក្សសង្គ្រោះជាតិ បានទទួល ៥៥អាសនៈ ក្នុងចំណោមអាសនៈ ទាំង ១២៣ របស់រដ្ឋសភា។

សមាជិកសភាមកពីគណបក្សសង្គ្រោះជាតិ មិនព្រមចូលរួមប្រជុំក្នុងសម័យប្រជុំទី១នោះទេ ដោយចាត់ទុកថា លទ្ធផលនៃការបោះឆ្នោតនោះមិនត្រឹមត្រូវ ហើយបានដឹកនាំបាតុកម្មតវ៉ាជាច្រើនលើកនៅតាមទីសាធារណៈ។ ប៉ុន្តែក្រៅពីធ្វើបាតុកម្មតវ៉ាចំពោះគ្នាទៅវិញទៅមកនោះគណបក្ស នយោបាយទាំងពីរក៏មានជួបចរចាគ្នាទាំងកម្រិតថ្នាក់ដឹកនាំកំពូល និងក្រុមការងារ និងគណៈកម្មាធិការចម្រុះផងដែរ។ តែការមិនយល់ព្រមជាមួយគ្នានៅតែកើតមានហើយ សមាជិកសភាមកពីគណបក្សសង្គ្រោះជាតិ នៅតែមិនព្រមចូលប្រជុំសភាទេ និងបានចាត់ទុកថា រដ្ឋសភានោះខុសច្បាប់ និងរដ្ឋាភិបាលកើតចេញពីរដ្ឋសភានោះក៏ខុសច្បាប់ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖វិទ្យុអាស៊ីសេរី

លោក ហ៊ុន សែន និងលោក សម រង្ស៊ី ជួបសន្ទនាតាមទូរស័ព្ទ

បញ្ចូលព័ត៌មានដោយ៖Unknown No comments

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖វិទ្យុអាស៊ីសេរី

មន្ត្រីជាន់ខ្ពស់គណបក្សសង្គ្រោះជាតិ បានអះអាងនៅព្រឹកថ្ងៃទី១០ ខែមេសា ថា បេក្ខជនតំណាងរាស្ត្ររបស់គណបក្សប្រឆាំង មិនទាន់ចូលប្រជុំសភា នៅព្រឹកថ្ងៃសុក្រ ទី១១ ខែមេសា ដូចកាសែតមួយចំនួនចេញផ្សាយ នៅព្រឹកថ្ងៃព្រហស្បតិ៍ នេះទេ។

លោក អេង ឆៃអ៊ាង បេក្ខជនតំណាងរាស្ត្រមណ្ឌលកណ្ដាលគណបក្សសង្គ្រោះជាតិ ថ្លែងបដិសេធថា ការចុះផ្សាយរបស់កាសែតខ្លះដែលថា សមាជិកសភាគណបក្សសង្គ្រោះជាតិ ទាំងអស់ នឹងចូលប្រជុំសភានៅថ្ងៃសុក្រ ទី១១ ខែមេសា ជារឿងមិនពិតទេ។

ប៉ុន្តែ លោក អេង ឆៃអ៊ាង ទទួលស្គាល់ថា កិច្ចសន្ទនាតាមទូរស័ព្ទរបស់លោកនាយករដ្ឋមន្ត្រី ហ៊ុន សែន និងលោក សម រង្ស៊ី ប្រធានគណបក្សសង្គ្រោះជាតិ រយៈពេលជាង ៤០នាទី កាលពីថ្ងៃពុធ ម្សិលមិញ ដើម្បីទម្លុះភាពទាល់ច្រកខាងនយោបាយក្រោយការបោះឆ្នោតសភានីតិកាលទី ៥ មានលទ្ធផលវិជ្ជមានច្រើន។

សូមរង់ចាំអាន និងស្ដាប់ព័ត៌មានពិស្ដារ...

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វីទ្យុអាស៊ីសេរី

លោក អេង ឆៃអ៊ាង បដិសេធព័ត៌មានថាតំណាងរាស្ត្របក្សប្រឆាំងចូលប្រជុំសភានៅថ្ងៃសុក្រ

បញ្ចូលព័ត៌មានដោយ៖Unknown No comments

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វីទ្យុអាស៊ីសេរី

ក្រុមអ្នកវិទ្យាសាស្ដ្រវិលក្បុងមិន អាចបកស្រាយបាននូវមូលហេតុដែល សាកសពស្លាប់យូរថ្ងៃ រលេះរលួយសាច់ អស់នៅអាចងើបចេញពីក្ដារមឈូស ដើរមកផ្ទះធម្មតាធ្វើឱ្យមនុស្សជាច្រើន ភ័យតក់ស្លុតស្លន់ស្លោ រត់បាតជើងស ព្រាត ។ ចំណែកជនជាតិ តូរ៉ាចា នៅ ឥណ្ឌូនេស៊ី បណ្ដាគ្រូមន្ដអាគមន៍អុមអាម ដែលធ្វើឱ្យខ្មោចងើបពីមឈូសដើរទៅ ផ្ទះមានតាំងពីយូរលង់ណាស់មកហើយ។

គ្រូមន្ដអាគមន៍អូមអាមមានតាំងពីបុរាណកាលជនជាតិ តូរ៉ាចា (Toraja) ជាក្រុម ជនជាតិដើមភាគតិច រស់នៅតំបន់ភ្នំ ភាគខាងត្បូង ខេត្ដស៊ូឡាវេស៊ី ប្រទេស ឥណ្ឌូនេស៊ី ។ ជាច្រើនឆ្នាំកន្លងមក តំបន់ ដីដែលជនជាតិតូរ៉ាចារស់នៅ ត្រូវកាត់ ផ្ដាច់នៅឯកោ គ្មាននរណាម្នាក់ទៅដល់។ មន្ដអាគមន៍ធ្វើឱ្យសាកសពដាក់ក្នុងក្ដារ មឈូសកប់ក្រោមដីជាច្រើនថ្ងៃអាច ដើរមកផ្ទះបានក្លាយជាពាក្យចរចាម អារ៉ាម ដោយសារតែពលរដ្ឋមិនបានទៅ ដល់ទីនោះ ប៉ុន្ដែនៅពេលដែលបានដឹង ការពិតធ្វើឱ្យមនុស្សជាច្រើនបះរោម ព្រឺសម្បុរគ្រប់ៗគ្នា ។ ពលរដ្ឋដែលមាន វ័យចាស់បំផុតនៅក្នុងក្រុមជនជាតិ តូរ៉ា ចា បាននិយាយថា ការធ្វើមន្ដអាគមន៍ ឱ្យសាកសពងើបដើរមកផ្ទះនោះមាន តាំងពីបុរាណកាលមកម្ល៉េះ ។ នៅពេល នោះ មានសង្គ្រាមស៊ីវិលកើតឡើងរវាង ក្រុមជនជាតិ តាណាតូរ៉ាចា នៅភាគ ខាងលិច នឹងជនជាតិ តានាតូរ៉ាចា នៅ ភាគខាងកើត ។ ជនជាតិដែលនៅភាគ ខាងលិចបានចាញ់នៅក្នុងសង្គ្រាមហើយ ត្រូវគេសម្លាប់ចោលស្ទើរតែទាំងអស់។ ក្នុងពេលជាមួយគ្នានោះ ក្រុមជនជាតិ តានាតូយ៉ាចានៅខាងកើតមានអ្នកស្លាប់ តិចជាង ហើយសាកសពទាហានត្រូវ បានគេសែងយកមកផ្ទះ ភូមិស្រុកដើម្បី រៀបចំពិធីតាមទំនៀមទម្លាប់ ។

ផ្ទុយទៅវិញ ក្រុមជនជាតិ តាណាតូរ៉ា ចា ភាគខាងលិចដែលចាញ់សង្គ្រាម ត្រូវគេសម្លាប់ជិតអស់ មិនអាចសែង សាកសពត្រឡប់មកភូមិ ស្រុកវិញបាន ទើបក្រុមជនជាតិនោះដែលនៅសេស សល់បានធ្វើពិធីប្រើមន្ដអាគមន៍ហៅ ខ្មោចទាំងអស់នោះដើរត្រឡប់មកផ្ទះ វិញដោយខ្លួនឯង ។ ចាប់តាំងពីពេល នោះមក ជនជាតិ តាណាតូរ៉ាចា រក្សា ខ្ជាប់នូវមន្ដអាគមន៍បញ្ជាខ្មោចជារៀង រហូតមកទល់បច្ចុប្បន្នកាល ។ ប៉ុន្ដែ ពេលនេះគ្រូមន្ដអាគមន៍អាចធ្វើរឿង នោះបាន លុះត្រាតែមានសំណើរបស់ សាច់ញាតិ បងប្អូនសាកសពដែលស្លាប់ ហើយនោះ ។

ការរក្សាសាកសពនៅដដែលចាប់តាំងពីឆ្នាំ១៩០៥ ក្រុមអ្នកវិទ្យា សាស្ដ្របានរកឃើញសាកសពដែលនៅ មានរូបរាងពេញលេញដដែល មិនរលួយ ឬបំផ្លាញពេលកប់យ៉ាងយូរហើយនោះ។ ចំណុចដែលគេចាប់អារម្មណ៍នោះគឺ សាកសពមិនបានប្រើប្រាស់ជាតិគីមីក្នុង ការរក្សានោះឡើយ ប៉ុន្ដែអាចនៅស្ថិត ស្ថេរបាន ។ ក្រុមអ្នកវិទ្យាសាស្ដ្រមាន ការសង្ស័យថា មានសារធាតុអ្វីម្យ៉ាង ដែលជួយការពារសាកសពមិនឱ្យរលួយ ប៉ុន្ដែក្រុមអ្នកវិទ្យាសាស្ដ្រមិនអាចរក ឃើញសារធាតុនោះឡើយ ។

ចំណែកពលរដ្ឋនៅក្នុងតំបន់បានឱ្យ ដឹងថា ពិធីបញ្ចុះសាកសពរបស់ជនជាតិ តាណាតូរ៉ាចា ធ្វើតាមបែបប្រពៃណី ពិសេសជាមូលហេតុអាចរក្សាសាក សព ក៏ដូចជាការបញ្ជាសាកសពឱ្យដើរ មកផ្ទះ មានតែនៅក្នុងតំបន់ ម៉ាសាម៉ា ប្រទេសឥណ្ឌូនេស៊ីតែប៉ុណ្ណោះ ។ នៅ ពេលដែលអ្នកភូមិជនជាតិខាងលើស្លាប់ គេរុំសាកសពតែជាមួយសម្លៀកបំពាក់ ហើយដាក់ចូលក្នុងក្ដារមឈូស រួចសែង ទៅកន្លែងបញ្ចុះរបស់ក្រុមជនជាតិខាង លើ ។

ចំណុចពិសេសរបស់ជនជាតិ តាណា តូរីចា គឺសាកសពដែលដាក់ក្នុងមឈូស នោះ គឺកប់បញ្ឈេរនៅជើងភ្នំ ដោយគេ ឃួងផ្ទាំងថ្ម សមល្មមសម្រាប់ដាក់ មឈូស ។ ចំណុចមួយដែលគេងាយ យល់ គឺពេលធ្វើដំណើរទៅជិតដល់តំបន់ កប់ខ្មោចឈរ គេមិនធុំក្លិនស្អុយឡើយ ដោយសាកសពដែលកប់បញ្ឈរនោះ ស្ងួត ក្រៀមទាំងអស់។ សាកសពយូរឆ្នាំ ហើយ ពេលងើបដើរចេញពីមឈូស សូម្បីតែរោមភ្នែក រោមចិញ្ចឹម សក់នៅដដែល ។ ចំណែកផ្ទៃមុខ ផ្លាស់ប្ដូរទាំង ស្រុង ។

ពលរដ្ឋដែលរស់នៅទីនោះបានឱ្យដឹង ថា ការដែលរក្សាសាកសពបានស្ងួតមិន ស្អុយរលួយបែបនេះដោយសារតែកប់ បញ្ឈរនៅក្នុងផ្ទាំងថ្មមានសារធាតុម្យ៉ាង អាចជួយការពារសាកសព ។ មួយវិញ ទៀតសាកសពដែលកប់ក្នុងថ្មភ្នំអាច បញ្ចៀសបានពីឥទ្ធិពលអាកាសធាតុខាង ក្រៅ ។ ដោយការរក្សាសាកសពនៅ ដដែល ទើបគ្រូមន្ដអាគមន៍អាចបញ្ជា ឱ្យដើរមកផ្ទះបាន ហើយបើរលួយ ឆ្អឹង របូតចេញពីគ្នានោះ ក៏មិនអាចធ្វើបាន ឡើយ ។

កន្លងក្រុមជនជាតិភាគតិចនៅទី នោះព្រួយបារម្ភយ៉ាងខ្លាំងពីពេលវេលា ដែលសាកសពត្រូវដើរមកផ្ទះ អាចនឹង ត្រូវងាប់ម្ដងទៀតនៅតាមផ្លូវ ប្រសិន បើដើរមកជួបមនុស្សចម្លែក គេប្រាកដ ជាភ័យខ្លាច ហើយអាចនាំគ្នាវាយសំពង ក៏ថាបាន ។ ទាំងនោះហើយបានជារាល់ ពេលធ្វើមន្ដអាគមន៍ហៅសាកសពដើរ មកផ្ទះ តែងតែជួលគ្រូមន្ដអាគមន៍ដើរ ពីក្រោយជាមួយសាកសព ទីមួយដើម្បី ការពារ មួយទៀតដើម្បីជួយនាំផ្លូវដើរ ឆាប់ដល់គោលដៅ ។ សាកសពដើរមក ផ្ទះដោយខ្លួនឯងមិនថា នៅផ្លូវជិត ឬ ឆ្ងាយនោះឡើយក្រោយពេលធ្វើមន្ដ អាគមន៍ ។ នៅពេលដែលមាននរណា ម្នាក់និយាយទៅកាន់សាកសពដែល កំពុងដើរនោះ សាកសពប្រាកដជាដួល រលំភ្លាមៗ មិនអាចបន្ដដំណើរទៅផ្ទះ បានឡើយ ហើយការធ្វើមន្ដអាគមន៍ជា ថ្មី ក៏អស់ស័ក្ដិសិទ្ធដែរ ។ ដូច្នេះពេលធ្វើ ដំណើរមកផ្ទះរបស់សាកសព ពិតជា មានឧបសគ្គច្រើន នៅពេលដែលជួប មនុស្សរស់សួរនាំ ។ ដើម្បីកាត់បន្ថយ ឧបសគ្គខាងលើ គ្រូមន្ដអាគមន៍តែងតែ នាំសាកសពដើរផ្លូវវៀង ផ្លូវស្ងាត់ គ្មាន មនុស្សឆ្លងកាត់ ។

ធ្វើឱ្យសាកសពចេះដើរដោយវិធីណា?
ក្រុមអ្នកវិទ្យាសាស្ដ្រកំពុងតែវិល ក្បុងដោយរកចម្លើយមិនឃើញថា ហេតុអ្វីបានជាគ្រូមន្ដអាគមន៍អាចបញ្ជា សាកសពដើរមកដល់ផ្ទះបានដោយខ្លួន ឯង? ចម្លើយដែលគេចាត់ទុកថាសម ស្របបំផុតនោះគឺ គ្រូមន្ដអាគមន៍អាច ប្រើប្រាស់សារធាតុម្យ៉ាងដូចជាម្សៅ ដើម្បីធ្វើឱ្យអ្នកស្លាប់នោះរស់ឡើងវិញ ក្នុងលក្ខណៈគ្មានវិញ្ញាណ ក្នុងរយៈពេល មានកំណត់អាចដើរទៅផ្ទះដោយខ្លួនឯង។

សារធាតុម្សៅដែលគេប្រើប្រាស់ទៅ លើសាកសពមានជាតិពិសយ៉ាងខ្លាំង ដោយម្សៅនោះគេយកចេញពីសត្វដែល មានពិស ដូចជាពីងពាងពិស ខ្យារដំរី ស្បែកគីង្គក់…។ បើមនុស្សរស់ប៉ះចំសារ ធាតុនោះប្រាកដជាស្លាប់មិនខាន ។ ផ្ទុយ ទៅវិញ ចំពោះសាកសព ជាតិពិសនោះ វាមានប្រសិទ្ធភាពផ្សេង វាអាចធ្វើឱ្យ សរសៃ រាងកាយដំណើរការឡើងវិញ ។ នៅពេលដែលម្សៅពិសគេផ្លុំទៅលើ សាកសព វាជួយឱ្យប្រព័ន្ធសរសៃប្រសាទ សាកសពធ្វើសកម្មភាពដោយគ្មាន វិញ្ញាណ ដូចជាម៉ាស៊ីនអ៊ីធចឹងដែរ ។ ជា ធម្មតា ប្រភេទម្សៅពិសនោះជួយឱ្យគ្រូ មន្ដអាគមន៍ធ្វើឱ្យសាកសពរស់ឡើង វិញក្នុងរយៈពេល៣ថ្ងៃ ជាពេលវេលា គ្រប់គ្រាន់ដើម្បីធ្វើដំណើរមកផ្ទះ ។ ប្រសិនបើគ្រូមន្ដអាគមន៍ចង់ឱ្យសាក សពនោះរស់បានយូរ គេត្រូវលាយម្សៅ ក្នុងកម្រិតផ្សេង ។

ប៉ុន្ដែមានមនុស្សជាច្រើនមិនពេញ ចិត្ដនឹងចម្លើយខាងលើឡើយ ដោយ គ្រាន់តែជាការបកស្រាយរបស់ក្រុម អ្នកវិទ្យាសាស្ដ្រតែប៉ុណ្ណោះ ។ ការបញ្ជា ឱ្យសាកសពដើរមកផ្ទះមានតែពិធីមន្ដ អាគមន៍តែប៉ុណ្ណោះ ។

នៅពេលនេះ ជនជាតិ តាណាតូរ៉ាចា ក៏មិនដែលបានឃើញសាកសពដើរមក ផ្ទះ ដោយគ្មាននរណាម្នាក់ស្នើ ឬតម្រូវ ឱ្យធ្វើមន្ដអាគមន៍បែបនេះ ។ ក្រុមជន ជាតិភាគតិចខាងលើព្រួយបារម្ភថា មិន យូរនោះឡើយ មន្ដអាគមន៍បញ្ជាសាក សពឱ្យដើរត្រឡប់មកផ្ទះនឹងត្រូវបាត់ បង់ គ្មានអ្នកបន្ដវេន មានតែនៅក្នុងរឿង និទាន ឬភាពយន្ដប៉ុណ្ណោះ ។ គ្រួសារជា ច្រើននៅទីនោះគ្មានប្រាក់គ្រប់គ្រាន់ សម្រាប់ជួលគ្រូមន្ដអាគមន៍បញ្ជាឱ្យ សាកសពមកផ្ទះនោះឡើយ ។

ប្រភពព័ត៌មាន៖ vow-news