សម័្ពន្ធព័ត៌មានកូនខ្មែរ: គណបក្សនយោបាយ

Showing posts with label គណបក្សនយោបាយ. Show all posts

បន្ទាប់ពីជួបរឿងអយុត្តិធម៌ដោយរងការចោទប្រកាន់ពីសំណាក់លោកព្រះរាជ្ញា អ៊ុកសាវុធ កន្លងមកនេះ។ លោកខឹម វាសនា ប្រធានគណបក្សសម្ព័ដើម្បីប្រជាធិបតេយ្យ បានរងនូវភាពអយុត្តិធម៌មួយទៀត តែលើកនេះគឺពីសំណាក់តុលាការខេត្តសៀមរាបវិញម្តង។ ភាពអយុត្តិធម៌ បានធ្វើឲ្យលោក ពោលឡើងថា"អយុត្តិធម៌គ្រប់កន្លែង" ដែលលោកបានផុសនៅលើទំព័រ ហ្វេសបុក របស់លោក នៅថ្ងៃទី១៣ មេសា ២០១៥។ រឿងរ៉ាវមួយនេះគឺព្រោះតែលោក ផ្កាយបីបានប្តឹងទៅតុលាការ ដើម្បីយកទឹកមកកំសាន្តលេង។ ខាងក្រោមនេះជា ការរៀបរាប់របស់លោក៖

<<គ្រប់ទីកន្លែងពេញប្រៀបដោយអំពើអយុត្តិធម៌។ ចំការម្រេចយើងនៅខេត្តសៀមរាប ដាច់ទឹកសំរាប់ស្រោច ម្រេច ព្រោះផ្កាយបីបានប្តឹងទៅតុលាការអោយកាត់ទឹកយើង ដោយនិយាយថាយើងយកទឹកខាងលើប្រភពទឹកគេ។ តុលាការគ្មានសួរកយុត្តិធម៌អ្វីបន្តិចសំរេចកាត់ទឹកយើងដោយយើងមិនទាំងដឹងថាមានអ្នកណាប្តឹងយើងផង ស្រាប់តែយកដីការក្សារការពារចេញដោយតុលាការខេត្តសៀមរាមមកកាត់ទឹកយើងតែម្តង រួចប្រាប់យើងថាបើមិនសុខចិត្តទេអោយប្តឹងតបវិញទៅ។ ផ្កាយបីនោះមានទឹកហូរហៀមិនដឹងជាយកទៅធ្វើអ្វីអស់ ហើយដំណាំគ្រាន់តែដាំលេងក្នុងចំការគ្រាន់កំសាន្តភ្នែក ចំណែកយើង ម្រេចដប់ហិកតា រាប់ម៉ឺនជ្រលង់ តុលាការមិនខ្វល់ពីផលវិបាករបស់យើង គេបញ្ជូនយើងអោយប្តឹង តើប្តឹងឈ្នះគេឬ? បើឈ្នះតើម្រេចយើងមិនងាប់បាត់ហើយឬ? អយុត្តិធម៌គ្រប់កន្លែង តើរស់យ៉ាងម៉េចទៅ?? នេះហើយមាតុភូមិកំណើតរបស់ខ្ញុំ។ បើយើងមិនបោសសំអាតទេ តើអ្នកណានឹងធ្វើអយកូនចៅយើង? ខំចំណាយលុយរាប់ម៉ឺនដុល្លា សំរាប់រៀបចំអោយស្រួល តែអ្នកមានអំណាចប្រើអំណាចបំផ្លាញ តែមួយវិនាទី ការខំឆ្នៃប្រឌិតទាំងយប់ទាំងថ្ងៃ ត្រូវរលាយខ្សុលភ្លាម។ តើយើងទ្រាំរស់កើតទេ ជនរងគ្រោះទាំងឡាយអើយ? ទីបំផុត ត្រូវតទឹកបូបស្រោចម្រេចដដែល។ សង្គមតិរិច្ឆាននេះ ពិតជាបង្ករការក្តៅក្រហាយក្នុងជីវិតមិនស្រាកស្រាន្តទេ៕>

សូមពលរដ្ឋខ្មែរមេត្តាចូលរួមទស្សនាខ្សែវីដេអូរទាំងស្រុងដូចខាងក្រោម៖

លោកខឺម វាសនា ជួបភាពអយុត្តិធម៌ម្តងទៀត ព្រោះផ្កាយបីបានប្តឹងទៅតុលាការ

បញ្ចូលព័ត៌មានដោយ៖Unknown No comments

ដំណើរការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ នៅថ្ងៃទី១៨ ខែឧសភា ខាងមុខកំពុងប្រឈមនឹងភាពចម្រូងចម្រាសយ៉ាងខ្លាំង ព្រោះអង្គការក្រៅរដ្ឋាភិបាលមួយចំនួនបានបង្ហាញជំហរមិនគាំទ្រការបោះឆ្នោតជ្រើសរើសក្រុមប្រឹក្សាថ្នាក់ក្រោមជាតិនេះទេ។ គណៈកម្មាធិការដើម្បីការបោះឆ្នោតដោយសេរីនិងយុត្តិធម៌នៅកម្ពុជា (ខុមហ្វ្រែល) ប្រកាសជំហរមិនគាំទ្រនិងមិនចូលរួមការបោះឆ្នោតជ្រើសរើសក្រុមប្រឹក្សាថ្នាក់ក្រោមជាតិនៅថ្ងៃទី១៨ ខែឧសភា ឆ្នាំ២០១៤ទេ ព្រោះការបោះឆ្នោតនោះមិនមានតម្លាភាពនិងជារឿងឥតន័យ។ ជាមួយគ្នានេះក្រុមអ្នកសង្កេតការណ៍មួយចំនួនបាននិយាយថាការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ តាមរបៀបអសកលដែលចាត់ចែងដោយគណៈកម្មាធិការជាតិរៀបចំការបោះឆ្នោត (គ.ជ.ប) ដែលមានអុឹម សួស្តី ជាប្រធាន និង ទេព នីថា ជាអគ្គលេខាធិការ មិនបានឆ្លុះបញ្ចាំងឆន្ទៈប្រជាពលរដ្ឋនៅក្នុងការផ្លាស់ប្តូរថ្នាក់ដឹកនាំមូលដ្ឋានទេ។

តាមរបាយការណ៍សិក្សាវាយតម្លៃលើការបោះឆ្នោតក្រុមប្រឹក្សាថ្នាក់ក្រោម ជាតិរបស់អង្គការខុមហ្វ្រែល ចុុះថ្ងៃទី១៤ ខែមីនា ឆ្នាំ២០១៤ បានឱ្យដឹងថា ប្រព័ន្ធបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី២នេះ មិនអាចឆ្លុះបញ្ចាំងភាពត្រឹមត្រូវនៅក្នុងការចូលរួមប្រកួតប្រជែងបានឡើយ ។ ជាក់ស្តែងការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ដែលនឹងប្រព្រឹត្តទៅនៅថ្ងៃទី១៨ ខែឧសភា ខាងមុខនេះមានតែគណបក្សនយោបាយ៥ប៉ុណ្ណោះ ដែលបានចូលរួមប្រកួតប្រជែងនៅក្នុងការបោះឆ្នោត បើទោះបីមាន ៦គណបក្សនយោបាយដែលមានអាសនៈនៅក្នុងក្រុមប្រឹក្សាឃុំ សង្កាត់យ៉ាងណាក៏ដោយ។

គណបក្សទាំង៥ ដែលចូលរួមប្រកួតប្រជែងនៅក្នុងការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ រួមមានគណបក្សប្រ ជាជនកម្ពុជា គណបក្សសង្គ្រោះ ជាតិ គណបក្សហ្វុ៊នស៊ិនបុិច គណបក្សសាធារណរដ្ឋប្រជាធិបតេយ្យ និងបក្សសម្ព័ន្ធដើម្បីប្រជាធិបតេយ្យ។ របាយការណ៍របស់អង្គការខុមហ្វ្រែលបានលើកឡើងថាលទ្ធផលបោះឆ្នោតនេះ ក៏អាចប្រែប្រួលដោយសារភាពមិនប្រក្រតីដូចជាការប៉ុនប៉ងទិញសន្លឹកឆ្នោត ការផ្តល់សម្ភារៈថវិកាឬគំរាមដកតួនាទី ឬផ្តល់តួនាទីការតម្រូវឱ្យអង្គបោះឆ្នោតធ្វើសម្បទានសច្ចាប្រណិធានស ន្យាបោះឆ្នោតជូនគណបក្សរបស់ខ្លួនក្នុងអំឡុងពេលបោះឆ្នោតក្រុមប្រឹក្សា រាជធានី ខេត្ត ក្រុង ស្រុក ខណ្ឌ។ បញ្ហាបែបនេះជាទង្វើខុសច្បាប់បោះឆ្នោតកម្ពុជានិងខុសគោលការណ៍សកលនៃ ការគោរពឆន្ទៈដោយសេរីរបស់អ្នកបោះឆ្នោតឬអង្គបោះឆ្នោត។

ចំណុចគួរឱ្យកត់សម្គាល់នោះគឺអង្គការខុមហ្វ្រែលបានផ្តល់ជាអនុសាសន៍ថា គួរតែធ្វើវិសោធ នកម្មលើប្រព័ន្ធបោះឆ្នោតអសកលជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ ដោយដាក់បញ្ចូលជាមួយការបោះឆ្នោតជ្រើសរើសក្រុមប្រឹក្សាឃុំ សង្កាត់ ក្នុងថ្ងៃបោះឆ្នោតតែមួយ ឬប្រព័ន្ធបោះឆ្នោតនេះគួរតែបើកចំហបង្កើនការចូលរួមនិងមានតម្លាភាព ឱ្យបានច្រើន។ មានន័យថាអ្នកមានសិទ្ធិបោះឆ្នោតរួមមានតំណាងកម្មករ តំណាងកសិករឬតំណាងគ្រូពេទ្យដែលមានវិជ្ជាជីវៈ ដើម្បីចូលរួមជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ដែលពួកគេមានទំនុកចិត្តក្នុងការត្រួតពិនិត្យប្រព័ន្ធរដ្ឋបាលនៅ ថ្នាក់មូលដ្ឋានឱ្យបានប្រសើរ។ ការផ្តល់សិទ្ធិសម្រាប់តែក្រុមប្រឹក្សាឃុំ សង្កាត់ បោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ គ្មានន័យគ្រប់គ្រាន់ដែលអាចឆ្លុះបញ្ចាំងឆន្ទៈប្រជាពលរដ្ឋនៅក្នុង មូលដ្ឋានបានឡើយ។

ក្រុមអ្នកសង្កេតការណ៍ឯករាជ្យមួយចំនួនបានលើកឡើងថាការបោះឆ្នោតជ្រើសរើស ក្រុមប្រឹក្សារាជធានី ខេត្ត ក្រុង ស្រុក ខណ្ឌ នាពេលឆាប់ៗខាងមុខនេះពុំមានតម្លៃគ្រប់គ្រាន់ទេនៅក្នុងការកែទម្រង់ របៀបរបបថ្នាក់ដឹកនាំមូលដ្ឋាន។ ដោយហេតុថាបើពិនិត្យទៅលើឆន្ទៈប្រជាពលរដ្ឋនាពេលនេះ គឺខុសគ្នាពីពេលបោះឆ្នោតជ្រើសរើសក្រុមប្រឹក្សាឃុំ សង្កាត់ ដែលកន្លងផុតទៅ ដូច្នេះវាមិនបានឆ្លុះបញ្ចាំងពីឆន្ទៈប្រជាពលរដ្ឋក្នុងការផ្លាស់ប្តូរ ថ្នាក់ដឹកនាំមូលដ្ឋាននោះឡើយ។ ជាងនេះទៅទៀតគណៈកម្មាធិការជាតិរៀបចំការបោះឆ្នោត ដែលមានបុគ្គល អុឹម សួស្តី ជាប្រធាន និងទេព នីថា ជាអគ្គលេខាធិការកំពុងរកល្បិចកលសព្វបែបយ៉ាងដើម្បីជួយដល់គណបក្ស ប្រជាជនតាមទម្លាប់អាក្រក់របស់ខ្លួនជាមិនខាន ព្រោះនរណាក៏ដឹងដែរថា អុឹម សួស្តី និងទេព នីថា ជាមនុស្សរបស់បក្សប្រជាជន។

រុមមន្ត្រីអង្គការក្រៅរដ្ឋាភិ បាលបានវាយតម្លៃថាការបញ្ចូលដំណើរការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ ជាមួយការបោះឆ្នោតជ្រើសរើសក្រុមប្រឹក្សាឃុំ សង្កាត់ ដោយប្រើសន្លឹកឆ្នោតផ្សេងគ្នា ទើបជារឿងត្រឹមត្រូវដើម្បីកុំឱ្យខាតពេលវេលា ច្រើនដង។ ប៉ុន្តែទោះជាយ៉ាងណាការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ នៅថ្ងៃទី១៨ ខែឧសភាខាងមុខអាចធ្វើឱ្យគណបក្សប្រជាជនបាត់បង់អំណាចថ្នាក់មូលដ្ឋាន កាន់តែច្រើន ហើយបើគិតដល់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិក្រោយ គឺគណបក្សប្រជាជនចៀសមិនផុតពីទទួលបរាជ័យនោះទេ ដោយហេតុថាមួយរយៈពេលកន្លងទៅនេះពលរដ្ឋភាគច្រើនលែងគាំទ្របក្សប្រជាជន ទៀតហើយ៕

ប្រភពព័ត៌មាន៖ Khmerfeed

ការបោះឆ្នោតក្រុមប្រឹក្សារាជធានី ខេត្ត-ក្រុង ស្រុក-ខណ្ឌកំពុងតែមានភាពចម្រូងចម្រាស់

បញ្ចូលព័ត៌មានដោយ៖Unknown No comments

ប្រភពព័ត៌មាន៖ Khmerfeed

ក្រសួងមហាផ្ទៃរបស់ប្រទេសកម្ពុជា បានលើកឡើងថា លោក សួន សេរីរដ្ឋា មានឱកាស តិចតួច ណាស់ក្នុងការចុះឈ្មោះចលនាអំណាចពលរដ្ឋខ្មែររបស់លោក ឲ្យទៅជាគណបក្សនយោបាយមួយ នៅក្នុងប្រទេសកម្ពុជា។ ឱកាសតិចតួច ដោយសារលោក សួន សេរីរដ្ឋា បានបង្កើតកម្លាំង ប្រដាប់ អាវុធខុសច្បាប់ និងកំពុងប្រឈមមុខនឹងការចាប់ខ្លួនពីកម្លាំងសមត្ថកិច្ច។ លោកសួន សេរីរដ្ឋា ដែលបានប្រកាសកាលពីពេលថ្មីៗនេះ ថាលោកគ្រោងនឹងចុះឈ្មោះអង្គការរបស់លោក ឲ្យទៅជាគណបក្សនយោបាយ នៅខែក្រោយនេះ។

នយោបាយ - «ចលនាអំណាចពលរដ្ឋខ្មែររបស់លោក សួន សេរីរដ្ឋា ទំនងជាមិនអាចចុះឈ្មោះ ទៅជាគណបក្សនយោបាយ នៅក្នុងប្រទេសកម្ពុជាបានទេ» នេះបើតាមសម្តីរបស់លោក ខៀវ សុភ័គ អ្នកនាំពាក្យក្រសួងមហាផ្ទៃ។ លោកខៀវ សុភ័គ បានបញ្ជាក់ថា លោក សួន សេរីរដ្ឋា នៅជំពាក់ច្បាប់ត្រង់ដែលលោក នៅមិនទាន់ទទូលបានការចាប់ខ្លួន ពីដីការរបស់ តុលាការ កម្ពុជានៅឡើយ។ អ្វីដែលត្រូវអនុវត្តន៍មុនបំផុត នៃការចុះឈ្មោះបង្កើតគណបក្សនយោបាយនោះ គឺការចាប់ខ្លួនលោក សួន សេរីរដ្ឋា ។

លោក ខៀវ សុភ័គ បន្តយ៉ាងដូច្នេះថា «លោក សួន សេរីរដ្ឋា បានប្រព្រឹត្ត នូវសកម្មភាពមួយ ដែលខុសនឹងច្បាប់របស់រដ្ឋ ពោលគឺបង្កើតកម្លាំងប្រដាប់អាវុធខុសច្បាប់ ក្នុងបំណងផ្តូលរលំ រដ្ឋាភិបាល ហើយបច្ចុប្បន្ននេះ សមត្ថកិច្ច បានទទូលដីការចាប់ខ្លួន ដែលចេញដោយចៅក្រម នៃសាលាដំបូងរាជធានីភ្នំពេញទៀតផង»។

ការឆ្លើយតបយ៉ាងដូច្នេះ គឺធ្វើឡើងបន្ទាប់ពីការសែតក្នុងស្រុក ឌឺខេមបូឌា ដេលី បានចេញផ្សាយ ដោយដាក់ ចំណងជើងថា អង្គការភេវរកម្មមួយ ព្យាយាមចុះឈ្មោះជាគណបក្សនយោបាយ។ នៅក្នុង អត្ថបទការសែតនោះ បានសរសេរថា លោកសួន សេរីរដ្ឋា ដែលនិរទេសខ្លួនឯង មានបំណង ចង់ចុះឈ្មោះក្រុមប្រឆាំងរបស់គាត់ ជាគណបក្សនយោបាយនៅកម្ពុជា។ ថ្លែងតាម ទួរស័ព្ទ ពីទីក្រុងដាឡាស ក្នុងរដ្ឋតិចសាស លោក សួន សេរីរដ្ឋា បានបញ្ជាក់ថា នឹងដាក់ ឯកសារ ចាំបាច់ រួមទាំងបញ្ជីឈ្មោះស្ថាបនិក និងអ្នកគាំទ្រ ៥,០០០នាក់ ទៅក្រសួងមហាផ្ទៃ នៅពាក់ កណ្តាល ខែឧសភា ខាងមុខនេះ ។

លោក សួន សេរីរដ្ឋា បានបញ្ជាក់ថា លោកបានត្រៀមឯកសាររួចរាល់ហើយ ដើម្បីចុះឈ្មោះ ជាគណបក្ស នយោបាយ ជាមួយក្រសួងមហាផ្ទៃ បើទោះបីជារដ្ឋាភិបាលចោទក្រុម និងអ្នកគាំទ្រ របស់លោកថា ជាចលនាភេវរកម្មក៏ដោយ។ លោកក៏ចង់បញ្ជាក់ឲ្យច្បាស់ជាមួយរដ្ឋាភិបាលដែរថា បក្ខពួករបស់លោក មិនមែនជាចលនាភេវរកម្មទេ ជាមួយគ្នានោះ លោកក៏ចង់អោយសកម្មជន របស់លោក នៅកម្ពុជា អាចធ្វើការដោយសេរីផងដែរ ។

ឆ្លៀតពេលនេះ ប្រធានចលនាអំណាចពលរដ្ឋខ្មែរ ក៏បានផ្លែផ្កាអោយរដ្ឋាភិបាលផងដែរថា លោក មិនចាប់អារម្មណ៍ក្នុងការដាក់បេក្ខជន សម្រាប់មុខតំណែងសាធារណៈនៅពេលណាមួយ ឆាប់ៗ នេះទេ ព្រោះលោកគិតថា ការបោះឆ្នោតដោយសេរី និងយុត្តិធម៌ អាចកើតមានឡើង នៅពេលណា ដែលលោកនាយករដ្ឋមន្ត្រីហ៊ុន សែន ត្រូវបានបណ្តេញចេញពីអំណាច។

គួរបញ្ជាក់ថា លោក សួន សេរីរដ្ឋា និងលោកនាយករដ្ឋមន្ត្រី ហ៊ុន សែន ធ្លាប់បានប្រើប្រាស់ សង្គ្រាម ពាក្យសម្តី ឌឺដងដាក់គ្នា មិនបង្អង់ឡើយនាពេលកន្លងមក។ លោក សួន សេរីរដ្ឋា ត្រូវបានមជ្ឈដ្ឋាន ទូទៅស្គាល់ថា ជាអ្នករិះគន់លើមេដឹកនាំកម្ពុជាបច្ចុប្បន្នយ៉ាងចាស់ដៃ និងធ្លាប់បានហៅលោក ហ៊ុន សែន ថា ជាមនុស្សកំសាក។

កាលពីថ្ងៃទី២២ ខែកក្កដា ឆ្នាំ២០១១ កន្លងទៅ នៅក្នុងសន្និសិតសារព័ត៌មានមួយ លោកនាយក រដ្ឋមន្ត្រីហ៊ុន សែន បានព្រមានតាមចាប់ខ្លួនសួន សេរីរដ្ឋា បន្ទាប់ពីចលនារបស់ លោក សួន សេរីរដ្ឋា ត្រូវបានរដ្ឋាភិបាល បានចាត់ទុកថាជាអង្គការភេវរកម្មមួយ ដែលមានបំណង ផ្តួលរលំរដ្ឋាភិបាល។ ប្រព័ន្ធតុលាការរបស់ប្រទេសកម្ពុជាបានចោទ ប្រកាន់ប្រធានចលនាអំណាចពលរដ្ឋខ្មែររូបនេះ ពីបទក្បត់ជាតិ និងកំពុងតាមចាប់ខ្លួន មកទល់សព្វថ្ងៃ៕

ប្រភពព័ត៌មាន៖ មនោរម្យ

ក្រសួងមហាផ្ទៃថា គម្រោងបង្កើតគណបក្ស សួន សេរីរដ្ឋា ទំនងគ្មានផ្លូវ

បញ្ចូលព័ត៌មានដោយ៖Unknown No comments

ប្រភពព័ត៌មាន៖ មនោរម្យ

សមាជិកគណបក្សសង្គ្រោះជាតិ និងប្រជាពលរដ្ឋប្រមាណ ១ពាន់នាក់ នាំគ្នាធ្វើពិធីបុណ្យរាប់បាត្របង្សុកូល ដើម្បីឧទ្ទិសកុសលដល់វិញ្ញាណក្ខន្ធជនរងគ្រោះក្នុងរបបខ្មែរក្រហម នៅថ្ងៃទី១៧ មេសា នៅមជ្ឈមណ្ឌលប្រល័យពូជសាសន៍ជើងឯក រាជធានីភ្នំពេញ ឆ្នាំ២០១៤។ អ្នកចូលរួមអំពាវនាវឱ្យសាលាក្ដីខ្មែរក្រហម ពន្លឿនការជំនុំជម្រះក្ដីអតីតមេដឹកនាំខ្មែរក្រហមដែលនៅរស់។ នៅមជ្ឈមណ្ឌលប្រល័យពូជសាសន៍ជើងឯក នៅព្រឹកថ្ងៃទី១៧ មេសា គឺក្នុងគោលបំណងរំឭកដល់វិញ្ញាណក្ខន្ធសមាជិកគ្រួសារ ដែលបានស្លាប់នៅក្នុងរបបខ្មែរក្រហម។

អ្នកចូលរួមក្នុងពិធីនេះ បានបង្ហាញពីភាពក្ដុកក្ដួល នៅពេលដែលពួកគាត់ឃើញគំនរឆ្អឹង និងលលាដ៍ក្បាលជនរងគ្រោះ ដែលដាក់គរនៅឯស្តូបជើងឯកនោះ។

សាច់ញាតិជនរងគ្រោះក្នុងរបបខ្មែរក្រហមមួយរូប គឺលោកស្រី រស់ បុប្ផា ថ្លែងថា សមាជិកគ្រួសាររបស់លោកស្រីជាច្រើននាក់បានស្លាប់ ដោយសារតែរបបខ្មែរក្រហមនោះ៖ «នាងខ្ញុំសមាជិកដែលស្លាប់ទៅ ១២នាក់។ ១២នាក់ហ្នឹង គឺទាំងឪពុកទាំងម្ដាយ ទាំងបងប្អូនរបស់នាងខ្ញុំ។ ខ្ញុំនៅតែម្នាក់ឯង»។

ថ្ងៃទី១៧ ខែមេសា ឆ្នាំ១៩៧៥ គឺជាថ្ងៃដែលខ្មែរក្រហមឡើងគ្រប់គ្រងអំណាចប្រទេសកម្ពុជា ហើយបណ្ដាលឲ្យពលរដ្ឋកម្ពុជាជិត ២លាននាក់បាត់បង់ជីវិត ដោយសារតែការអត់អាហារហូបចុក ខ្វះថ្នាំព្យាបាលជំងឺ ធ្វើការហួសកម្លាំង ការធ្វើទារុណកម្ម និងសម្លាប់នៅតាមវាលពិឃាដជាច្រើនកន្លែងទូទាំងប្រទេស ដូចជានៅវាលពិឃាដជើងឯកនេះជាដើម។

បច្ចុប្បន្ននេះ មេដឹកនាំជាន់ខ្ពស់ខ្មែរក្រហមដែលនៅរស់ចំនួន ២រូប គឺជនជាប់ចោទ នួន ជា និង ខៀវ សំផន កំពុងស្ថិតក្រោមការជំនុំជម្រះរបស់សាលាក្ដីខ្មែរក្រហម ក្នុងសំណុំរឿងលេខ ០០២ ទាក់ទងនឹងឧក្រិដ្ឋកម្ម ដែលបានកើតឡើងក្នុងពេលពួកគាត់គ្រប់គ្រង់អំណាច នៅចន្លោះពីថ្ងៃទី១៧ ខែមេសា ១៩៧៥ ដល់ថ្ងៃទី៧ ខែមករា ឆ្នាំ១៩៧៩ នោះ។

មន្ត្រីគណបក្សសង្គ្រោះជាតិ គឺលោក ម៉ៅ មុន្នីវណ្ណ ថ្លែងថា ឆ្លងតាមការឈឺចាប់របស់ជនរងគ្រោះ ជាបុព្វហេតុដែលគណបក្សសង្គ្រោះជាតិ ប្រារព្ធធ្វើពិធីបង្សុកូលនៅថ្ងៃទី ១៧ មេសា។

លោកជំរុញឱ្យសាលាក្ដីខ្មែរក្រហមពន្លឿនការជំនុំជម្រះអ្នកទទួលខុសត្រូវក្នុងឧក្រិដ្ឋសម្លាប់ពលរដ្ឋខ្មែរនោះ។

សាលាក្ដីខ្មែរក្រហម បានបញ្ចប់សេចក្ដីសន្និដ្ឋានលើសំណុំរឿងឧក្រិដ្ឋកម្មខ្មែរក្រហមលេខ ០០២ វគ្គ ១ កាលពីចុងឆ្នាំ២០១៣។ សាលាក្ដីរំពឹងថា សាលក្រមនឹងអាចចេញនៅពាក់កណ្ដាលឆ្នាំ២០១៤ នេះ។ ទន្ទឹមគ្នា ខាងភាគីជាតិ ក៏កំពុងខ្វះថវិកាសម្រាប់បើកប្រាក់ខែបុគ្គលិកចាប់ពីខែមេសានេះ ទៅដល់ចុងឆ្នាំដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖វិទ្យអាស៊ីសេរី

សមាជិកបក្សសង្គ្រោះជាតិជិត១ពាន់នាក់បង្សុកូលជូនអ្នកស្លាប់ជំនាន់ ប៉ុល ពត

បញ្ចូលព័ត៌មានដោយ៖Unknown No comments

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖វិទ្យអាស៊ីសេរី

មេដឹកនាំគណបក្សប្រជាជនកម្ពុជា គឺលោកនាយករដ្ឋមន្ត្រីហ៊ុន សែន និងប្រមុខបក្សប្រឆាំង លោក សម រង្ស៊ី បានជួបចរចាគ្នាផ្ទាល់មាត់ហើយ នៅថ្ងៃពុធទី៩មេសា ដើម្បីដោះស្រាយវិបត្តិនយោបាយនៅកម្ពុជា ដែលកំពុងអូសបន្លាយក្រោយការបោះឆ្នោត។ ក្នុងជំនួបតាមទូរស័ព្ទរវាងប្រមុខបក្សដែលកំពុងមានជម្លោះទាំងពីរ បានពិភាក្សាគ្នាលើបញ្ហាបីចំណុច នោះគឺ កាលបរិច្ឆេទនៃការបោះឆ្នោត កំណែទម្រង់គ.ជ.ប និងប្រព័ន្ធផ្សព្វផ្សាយ។ យ៉ាងណាក៏ដោយ នៅមិនទាន់មានជំនួបកំពូលជាផ្លូវការណាមួយ ត្រូវបានទំលាយនៅឡើយទេ។

សេចក្ដីរាយការណ៍ដោយស៊ុន មេសា

(02:36)

ទីបំផុតទៅ លោកនាយករដ្ឋមន្ត្រីហ៊ុន សែន និងលោក សម រង្ស៊ី ប្រមុខបក្សប្រឆាំងបានជួបគ្នាផ្ទាល់មាត់ហើយ កាលពីព្រឹកថ្ងៃពុធទី៩ មេសានេះ។ នេះបើតាមការបញ្ជាក់របស់លោកអេង ឆៃអ៊ាង មន្ត្រីជាន់ខ្ពស់គណបក្សសង្គ្រោះជាតិ ដែលបានថ្លែងប្រាប់វិទ្យុបារាំង អន្តរជាតិនៅរសៀលថ្ងៃពុធនេះ។ មានរបៀបវារៈចំនួន៣ចំណុចក្នុងជំនួបតាមទូរស័ព្ទ រវាងមេដឹកនាំ ចាស់វស្សាទាំងពីរ។

បើតាមលោកអេង ឆៃអ៊ាង ដដែល របៀបវារៈទាំងបីចំណុចដែលមេបក្សទាំងពីរពិភាក្សាជាមួយគ្នានោះ នៅមិនទាន់មានលទ្ធផលនៅឡើយនោះទេ។ តំណាងរាស្ត្រមណ្ឌលខេត្តកណ្តាលនៃគណបក្សសង្គ្រោះជាតិរូបនេះ បានបញ្ជាក់ថា ជំនួបកំពូលរវាងមេដឹកនាំនៃគណបក្សទាំងពីរ អាចនឹងកើត ឡើងជាផ្លូវការលើកទីពីរ ប្រសិនបើការចរចានយោបាយក្រៅផ្លូវការ ត្រូវបានព្រមព្រៀងជាមួយគ្នានោះ។

ខាងភាគីនៃគណបក្សប្រជាជនកម្ពុជា វិទ្យុបារាំងមិនអាចទាក់ទងបញ្ជាក់រឿងនេះបានទេ។
សូមបញ្ជាក់ថាកាលពីថ្ងៃចន្ទដើមសប្តាហ៍កន្លងទៅ ទាំងលោកនាយករដ្ឋមន្ត្រីហ៊ុន សែន និងលោក សម រង្ស៊ី សុទ្ធតែបានប្រកាសប្រាប់មហាជន អំពីការចរចាជាសម្ងាត់ជាមួយគ្នាដើម្បី ស្វះស្វែងរកដំណោះស្រាយនយោបាយ។ លោកសម រង្ស៊ី បញ្ជាក់ថា ក្រុមការងារគណបក្សទាំងពីរអាចចេញសេចក្តីថ្លែងការណ៍រួមគ្នាមួយ ក្នុងពេលឆាប់ៗនេះ ឬអាចចូលគាល់ព្រះមហាក្សត្ររួមគ្នាតែម្តង។

ចំណែកឯលោកនាយករដ្ឋមន្ត្រីហ៊ុន សែនវិញ ក៏បានផ្តល់ព័ត៌មានស្រដៀងគ្នានេះដែរ។ លោកបញ្ជាក់ថា គណបក្សទាំងពីរនៅសេសសល់តែចំណុចខ្វែងគំនិតគ្នាបន្តិចបន្តួច តែប៉ុណ្ណោះ នឹងអាចដល់កិច្ចព្រមព្រៀងហើយ។ ជំនួបថ្ងៃទី៩ មេសាដែលធ្វើឡើងតាមរយៈទូរស័ព្ទនេះ គឺជាជំនួបលើកទី២ហើយរវាងលោកនាយករដ្ឋមន្ត្រីហ៊ុន សែន និងលោក សម រង្ស៊ី ក្រោយជំនួបផ្លូវការកាលពីខែកញ្ញា ឆ្នាំ២០១៣កន្លងទៅ។

សូមរំលឹកជូនថា គិតត្រឹមដើមខែមេសានេះ វិបត្តិនយោបាយនៅកម្ពុជាបានអូសបន្លាយអស់រយៈពេលជិត៩ខែមកហើយ ពោលគឺចាប់តាំងពីក្រោយការបោះឆ្នោតនីតិកាលទី៥ នៅថ្ងៃទី២៨កក្តដា ឆ្នាំ២០១៣។ វិបត្តិនយោបាយដែលបានកើតឡើងដោយសារគណបក្សសង្គ្រោះជាតិទាត់ចោល លទ្ធផលបោះឆ្នោតក្រោមហេតុផលថា មានភាពមិនប្រក្រតីនៃដំណើរការ បោះឆ្នោត។ វិបត្តិនយោបាយនេះ បាននាំឱ្យទីក្រុងភ្នំពេញបានស្គាល់ការរំជើបរំជួលទៅដោយបាតុកម្ម ជាច្រើនលើក រហូតបណ្តាលឱ្យមានមនុស្សស្លាប់នឹងរងរបួស។

យ៉ាងណាក៏ដោយ ជំនួបរវាងលោកនាយករដ្ឋមន្ត្រីហ៊ុន សែន និងលោក សម រង្ស៊ីនៅពេលនេះ គឺជាសញ្ញាណនៃការបិទបញ្ចប់ជម្លោះនយោបាយនៅកម្ពុជា។ ប៉ុន្តែតើ លទ្ធផលនៃជំនួបមានលទ្ធផលយ៉ាងណានោះ ពលរដ្ឋខ្មែរទាំងអស់កំពុងទន្ទឹងរង់ចាំមើល៕

ប្រភពព័ត៌មាន៖ វិទ្យុបារាំងអន្តរជាតិ

លោកហ៊ុនសែន និងលោកសម រង្ស៊ី បានជួបពិភាក្សាគ្នាផ្ទាល់មាត់ នៅព្រឹកថ្ងៃពុធនេះ

បញ្ចូលព័ត៌មានដោយ៖Unknown No comments

សេចក្ដីរាយការណ៍ដោយស៊ុន មេសា

(02:36)

ប្រភពព័ត៌មាន៖ វិទ្យុបារាំងអន្តរជាតិ

លោកនាយករដ្ឋមន្ត្រី ហ៊ុន សែន អនុប្រធានគណបក្សប្រជាជនកម្ពុជា និងលោក សម រង្ស៊ី ប្រធានគណបក្សសង្គ្រោះជាតិ បានជួបសន្ទនាគ្នាតាមទូរស័ព្ទនៅថ្ងៃទី៩ មេសា ដើម្បីផ្លាស់ប្ដូរទស្សនៈគ្នា ស្វែងរកដំណោះស្រាយភាពជាប់គាំងនយោបាយ ដែលកំពុងកើតមាននៅកម្ពុជា ក្នុងពេលបច្ចុប្បន្ននេះ។

មន្ត្រីជាន់ខ្ពស់គណបក្សសង្គ្រោះជាតិ បានឲ្យដឹងនៅថ្ងៃពុធ ទី៩ មេសា ថា មេដឹកនាំកំពូលរបស់គណបក្សជាប់ឆ្នោតក្នុងសភាទាំង ២ គឺលោក ហ៊ុន សែន និងលោក សម រង្ស៊ី បានជួបសន្ទនាគ្នាតាមទូរស័ព្ទផ្ដោតទៅលើបញ្ហាពីរ គឺការបោះឆ្នោតរើសសមាជិកសភា និងសមាជិកក្រុមប្រឹក្សាឃុំ សង្កាត់ មុនអាណត្តិ និងការកែទម្រង់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. និងប្រព័ន្ធផ្សព្វផ្សាយ។

លោក អេង ឆៃអ៊ាង ជាមន្ត្រីជាន់ខ្ពស់ និងជាបេក្ខភាពសមាជិកសភាជាប់ឆ្នោតរបស់គណបក្សសង្គ្រោះជាតិ មណ្ឌលខេត្តកណ្តាល មានប្រសាសន៍ឲ្យដឹងថា ការជួបគ្នារបស់ថ្នាក់ដឹកនាំគណបក្សជាប់ឆ្នោតដែលមានអាសនៈក្នុងសភា ទាំងពីរនេះ ជាការជួបគ្នាមិនផ្លូវការ និងមិនទាន់មានការសម្រេចណាមួយជាផ្លូវការនៅឡើយទេ។

លោក អេង ឆៃអ៊ាង៖ «នៅព្រឹកមិញវេលាម៉ោង ១១ លោកប្រធាន សម រង្ស៊ី និងលោកនាយករដ្ឋមន្ត្រី ហ៊ុន សែន បានជួបគ្នាតាមទូរស័ព្ទ ហើយប្រធានបទនៃកិច្ចពិភាក្សាគ្នាតាមទូរស័ព្ទនោះ គឺពេលវេលានៃការបោះឆ្នោតមុនអាណត្តិ ទាំងការបោះឆ្នោតជាតិ ទាំងការបោះឆ្នោតឃុំសង្កាត់ ការកែទម្រង់ គ.ជ.ប ហើយនិងប្រព័ន្ធផ្សព្វផ្សាយ។ រីលទ្ធផលនៃការជជែកពិភាក្សានេះ មិនទាន់សម្រេចយ៉ាងណានៅឡើយទេ»។

ទាក់ទងការកែទម្រង់ គ.ជ.ប នោះ លោក អេង ឆៃអ៊ាង បានឲ្យដឹងថា មានការព្រមព្រៀងគ្នាលើឋានៈរបស់ស្ថាប័នបោះឆ្នោត និងសមាសភាពរបស់ គ.ជ.ប នេះហើយ៖ «ការកែទម្រង់ គ.ជ.ប អ្វីដែលខ្ញុំបានស្តាប់កិច្ចពិភាក្សានេះ គឺមានការព្រមព្រៀងគ្នាយកស្ថាប័ន គ.ជ.ប ទៅដាក់ក្នុងរដ្ឋធម្មនុញ្ញ ហើយសមាសភាព គ.ជ.ប ត្រូវមានការព្រមព្រៀងគ្នាពីគណបក្សដែលមានអាសនៈនៅក្នុងរដ្ឋសភា»។

លោក អេង ឆៃអ៊ាង បានឲ្យដឹងថា ពិតមែនតែថ្នាក់ដឹកនាំគណបក្សនយោបាយទាំងពីរមានការជួបសន្ទនាគ្នា តាមទូរស័ព្ទមែន តែមិនទាន់មានការកំណត់ពេលវេលាណាមួយដើម្បីជួបជជែកទល់មុខគ្នា រវាងមេដឹកនាំរបស់គណបក្សជាប់ឆ្នោតមានអាសនៈក្នុងរដ្ឋសភានេះនៅឡើយ ទេ។

កាលពីថ្ងៃទី៧ មេសា ក្នុងពេលថ្លែងសុន្ទរកថាចែកសញ្ញាបត្រដល់និស្សិតវិទ្យាស្ថានវ៉ាន់ដា គណនេយ្យ លោកនាយករដ្ឋមន្ត្រី ហ៊ុន សែន បានផ្ដួចផ្ដើមឲ្យមានការជជែកគ្នារវាងអ្នកដឹកនាំគណបក្សជាប់ឆ្នោត ទាំងពីរតាមទូរស័ព្ទ៖ «ហើយជួនកាលស្រាប់តែព្រឹប ក្រែងលោឯកឧត្តម សម រង្ស៊ី គាត់ទទួលទានដំណេកទៅ សម្រាកទៅយល់សប្ដិបែបស្រួល យី! ដូចជាចង់ជួបសម្ដេចនាយកតាមទូរស័ព្ទបន្តិច ឲ្យពីណាទាក់ទងមក។ អើ! អាជួបគ្នាតាមទូរស័ព្ទមានអីពិបាក។ ឧបមាទេណា ជួបគ្នាមើល និយាយពិគ្រោះគ្នាអីបន្តិចបន្តួចទៅ។ ឧបមាទេណា វាទាស់ខុសអី? ប៉ុន្តែខ្ញុំបានឲ្យឯកឧត្ដម សម រង្ស៊ី និងឯកឧត្ដម ស ខេង ជួបគ្នា។ ប៉ុន្តែខ្ញុំគ្រាន់តែចង់ប្រាប់ថា អ្វីដែលនិយាយគ្នាថ្នាក់រៀបចំនោះ ខ្ញុំបានដឹងហើយ។ ឆាណែលមួយក្រោមតុនោះ គេចេះតែទៅ ហើយទៅជិតដល់គោលដៅហើយ នៅសល់តែបន្តិចទៀតប៉ុណ្ណោះ»។

ទាក់ទងការរៀបចំបោះឆ្នោតឡើងវិញមុនអាណត្តិនេះ មន្ត្រីជាន់ខ្ពស់គណបក្សប្រជាជនកម្ពុជា និងជាសមាជិកសភា លោក ឈាង វុន បានថ្លែងថា ប្រហែលជាទៅមិនរួចទេ ពីព្រោះគ្មានច្បាប់ចែងឲ្យធ្វើបាន៖ «យើងមិនអាចយកបក្សទៅសង្កត់ រដ្ឋទេ ព្រោះរដ្ឋគេមានច្បាប់របស់គេ ពីព្រោះរដ្ឋគេមានច្បាប់ទម្លាប់គេ ហើយច្បាប់មិនអនុញ្ញាតឲ្យបោះឆ្នោតមុនអាណត្តិផង។ ស្ថាប័នធម្មនុញ្ញអីក៏អត់មាននិយាយដែរ។ ជាស្ថាប័នធម្មនុញ្ញ ខ្ញុំមើលទៅវាអត់កើត។ គាត់និយាយត្រង់នេះ ខ្ញុំអត់យល់ទេ អត់ដឹងទេ មិនដឹងថា ដេលី បានព័ត៌មាននេះពីណាមក»។

ចំណែកលោក ជាម យៀប សមាជិកគណៈអចិន្ត្រៃយ៍គណបក្សប្រជាជនកម្ពុជា និងជាសមាជិកសភាបានថ្លែងប្រាប់កាសែត ឌឹ ខេមបូឌា ដេលី (The Cambodia Daily) ថា តាមមាត្រា ៧៨ របស់រដ្ឋធម្មនុញ្ញបានចែងថា រដ្ឋសភាមិនអាចរំលាយមុនអាណត្តិបានទេ។

ចំពោះបញ្ហាសមាជិកសភាមកពីគណបក្សសង្គ្រោះជាតិ នឹងចូលប្រជុំសភា ឬអត់នោះ លោក អេង ឆៃអ៊ាង បានឲ្យដឹងថា ទាល់តែមានការព្រមព្រៀងនយោបាយរវាងគណបក្សនយោបាយទាំងពីរជាមុនសិន គឺតាមគណបក្សសង្គ្រោះជាតិ ចង់បានស្របតាមបំណងរបស់ប្រជាពលរដ្ឋទើបបានមានការចូលប្រជុំសភា បើពុំនោះទេ គឺសមាជិកសភាមកពីគណបក្សសង្គ្រោះជាតិ មិនចូលប្រជុំសភាទេ។

ប៉ុន្តែតាមលោក សុន ឆ័យ ជាអ្នកចរចាសម្ងាត់តំណាងគណបក្សសង្គ្រោះជាតិ ដែលបានជួបជាមួយលោក ព្រុំ សុខា តំណាងអ្នកចរចាពីគណបក្សប្រជាជនកម្ពុជា បានឲ្យដឹងថា ការជួបគ្នារវាងអ្នកទាំងពីរកាលពីថ្ងៃទី៨ មេសា កន្លងទៅនេះ បានឯកភាពគ្នាជាច្រើនចំណុច៖ «បានជួបគ្នា ហើយបានសម្រេចគោលធំៗនោះជិតអស់ហើយ»។

ចាប់តាំងពីមានការប្រកាសលទ្ធផលបោះឆ្នោតដែលធ្វើឡើងកាលពីថ្ងៃទី ២៨ កក្កដា ឆ្នាំ២០១៣ មក គណបក្សសង្គ្រោះជាតិ និងគណបក្សប្រជាជនកម្ពុជា មានទំនាស់គ្នាលើលទ្ធផលការបោះឆ្នោត។

តាមលទ្ធផលគណៈកម្មាធិការជាតិរៀបចំការបោះឆ្នោតបានប្រកាសថា គណបក្សប្រជាជនកម្ពុជា បានទទួល ៦៨អាសនៈក្នុងសភា ហើយគណបក្សសង្គ្រោះជាតិ បានទទួល ៥៥អាសនៈ ក្នុងចំណោមអាសនៈ ទាំង ១២៣ របស់រដ្ឋសភា។

សមាជិកសភាមកពីគណបក្សសង្គ្រោះជាតិ មិនព្រមចូលរួមប្រជុំក្នុងសម័យប្រជុំទី១នោះទេ ដោយចាត់ទុកថា លទ្ធផលនៃការបោះឆ្នោតនោះមិនត្រឹមត្រូវ ហើយបានដឹកនាំបាតុកម្មតវ៉ាជាច្រើនលើកនៅតាមទីសាធារណៈ។ ប៉ុន្តែក្រៅពីធ្វើបាតុកម្មតវ៉ាចំពោះគ្នាទៅវិញទៅមកនោះគណបក្ស នយោបាយទាំងពីរក៏មានជួបចរចាគ្នាទាំងកម្រិតថ្នាក់ដឹកនាំកំពូល និងក្រុមការងារ និងគណៈកម្មាធិការចម្រុះផងដែរ។ តែការមិនយល់ព្រមជាមួយគ្នានៅតែកើតមានហើយ សមាជិកសភាមកពីគណបក្សសង្គ្រោះជាតិ នៅតែមិនព្រមចូលប្រជុំសភាទេ និងបានចាត់ទុកថា រដ្ឋសភានោះខុសច្បាប់ និងរដ្ឋាភិបាលកើតចេញពីរដ្ឋសភានោះក៏ខុសច្បាប់ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖វិទ្យុអាស៊ីសេរី

លោក ហ៊ុន សែន និងលោក សម រង្ស៊ី ជួបសន្ទនាតាមទូរស័ព្ទ

បញ្ចូលព័ត៌មានដោយ៖Unknown No comments

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖វិទ្យុអាស៊ីសេរី

មន្ត្រីជាន់ខ្ពស់គណបក្សសង្គ្រោះជាតិ បានអះអាងនៅព្រឹកថ្ងៃទី១០ ខែមេសា ថា បេក្ខជនតំណាងរាស្ត្ររបស់គណបក្សប្រឆាំង មិនទាន់ចូលប្រជុំសភា នៅព្រឹកថ្ងៃសុក្រ ទី១១ ខែមេសា ដូចកាសែតមួយចំនួនចេញផ្សាយ នៅព្រឹកថ្ងៃព្រហស្បតិ៍ នេះទេ។

លោក អេង ឆៃអ៊ាង បេក្ខជនតំណាងរាស្ត្រមណ្ឌលកណ្ដាលគណបក្សសង្គ្រោះជាតិ ថ្លែងបដិសេធថា ការចុះផ្សាយរបស់កាសែតខ្លះដែលថា សមាជិកសភាគណបក្សសង្គ្រោះជាតិ ទាំងអស់ នឹងចូលប្រជុំសភានៅថ្ងៃសុក្រ ទី១១ ខែមេសា ជារឿងមិនពិតទេ។

ប៉ុន្តែ លោក អេង ឆៃអ៊ាង ទទួលស្គាល់ថា កិច្ចសន្ទនាតាមទូរស័ព្ទរបស់លោកនាយករដ្ឋមន្ត្រី ហ៊ុន សែន និងលោក សម រង្ស៊ី ប្រធានគណបក្សសង្គ្រោះជាតិ រយៈពេលជាង ៤០នាទី កាលពីថ្ងៃពុធ ម្សិលមិញ ដើម្បីទម្លុះភាពទាល់ច្រកខាងនយោបាយក្រោយការបោះឆ្នោតសភានីតិកាលទី ៥ មានលទ្ធផលវិជ្ជមានច្រើន។

សូមរង់ចាំអាន និងស្ដាប់ព័ត៌មានពិស្ដារ...

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វីទ្យុអាស៊ីសេរី

លោក អេង ឆៃអ៊ាង បដិសេធព័ត៌មានថាតំណាងរាស្ត្របក្សប្រឆាំងចូលប្រជុំសភានៅថ្ងៃសុក្រ

បញ្ចូលព័ត៌មានដោយ៖Unknown No comments

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វីទ្យុអាស៊ីសេរី

លោកនាយក រដ្ឋមន្ត្រីហ៊ុន សែន និងលោកសម រង្ស៊ី ទំនងជាបានព្រមព្រៀងបង្កើតយន្តការកំណត់អាណត្តិនាយករដ្ឋមន្ត្រី។ លោកសុន ឆ័យ ដែលមានវត្តមានក្នុងជំនួបចរចាថ្នាក់កំពូលកាលពីថ្ងៃទី១៦ ខែកញ្ញា ឆ្នាំ២០១៣ កន្លងទៅ បានបញ្ជក់នៅព្រឹកថ្ងៃចន្ទទី១៧ ខែមិនាម្សិលមិញនេះ ថាប្រមុខបក្សទាំងពីរបានជជែក និងព្រមព្រៀងគ្នាកំណត់អាណត្តិនាយករដ្ឋមន្ត្រីត្រឹម២អាណត្តិប៉ុណ្ណោះ។

«រដ្ឋធម្មនុញ្ញ ពិតជាអាចវិសោធនកម្មបានគ្រប់ពេល បន្ទាប់ពីមានការឯកភាពនយោបាយ។ ដូចជាការកែកំណត់អាណត្តិនាយករដ្ឋមន្ត្រីត្រឹម២អាណត្តិជាដើម។ តាមពិតទៅជំនួបថ្នាក់កំពូលកាលពីថ្ងៃទី១៦ ខែកញ្ញា ហាក់ដូចជាបានព្រមព្រៀងហើយអំពីការកំណត់អាណត្តិនាយករដ្ឋមន្ត្រី ត្រឹម២អាណត្តិ»។ នេះគឺជាការលើកឡើងរបស់លោកសុន ឆ័យ ដែលបានរំលឹកឲ្យដឹងអំពីការជជែកគ្នាមួយចំនួននៃថ្នាក់ដឹកនាំកំពូល បក្សជាប់ឆ្នោតទាំងពីរដែលធ្វើឡើងកាលពីឆ្នាំ២០១៣កន្លងទៅ។

បើតាមលោក សុន ឆ័យ ថ្នាក់កំពូលបានពិគ្រោះយោបល់គ្នាយ៉ាងច្រើនអំពីផលប្រយោជន៍នៃ ការកំណត់អាណត្តិនាយករដ្ឋមន្ត្រី ហើយថា បើទោះជាជំនួបនោះ មិនទាន់ព្រមព្រៀងជាផ្លូវការក៏ដោយ តែប្រមុខបក្សទាំងពីរ ហាក់ដូចជាព្រមព្រៀងគ្នារួចទៅហើយអំពីបញ្ហានេះ។ ពាក់ព័ន្ធនឹងការលើកឡើងរបស់លោកសុន ឆ័យ មន្ត្រីការិយាល័យនយោបាយគណបក្សប្រជាជនកម្ពុជាលោក ជាម យៀប មិនអាចទាក់ទងសុំការបំភ្លឺបានទេនៅព្រឹកថ្ងៃអង្គារនេះ។ យ៉ាងណាក៏ដោយអ្នកវិភាគឯករាជ្យលោក កែម ឡី បានវាយតម្លៃអំពីផលវិជ្ជមានជាច្រើន ប្រសិនបើពិតជាមានការកំណត់អាណត្តិនាយករដ្ឋមន្ត្រីត្រឹមពីរអាណត្តិ មែននោះ។

ជា អ្នកជំនាញស្រាវជ្រាវការអភិវឌ្ឍសង្គម លោក កែម ឡី បានពន្យល់ថា៖ «តាមរយៈការកំណត់អាណត្តិនាយករដ្ឋមន្ត្រី ទី១ប្រទេសជាតិនឹងមានអ្នកដឹកនាំថ្មីៗហើយមានគំនិតថ្មី ទី២ធ្វើឲ្យអ្នកដឹកនាំមិនហ៊ានធ្វើអ្វីផ្ដេសផ្ដាស់ព្រោះអាណត្តិ មានកំណត់ ទី៣បង្កាមិនឲ្យមានវប្បធម៌ផ្ដូលរំលំ ទី៤ធ្វើឲ្យមន្ត្រីរដ្ឋបាលសាធារណៈមិនរណបអ្នកនយោបាយ ហើយពង្រឹងឯករាជ្យរបស់ខ្លួនបម្រើប្រយោជន៍ពលរដ្ឋ ទី៥មេដឹកនាំថ្មីនឹងប្រើគំនិតថ្មីកែទម្រង់ទង្វើមិនល្អកន្លងមក ដើម្បីបង្កើតស្នាដៃ និងបន្តការអភិវឌ្ឍន៍ជាតិ»។ បើតាមអ្នកវិភាគរូបនេះ ការបង្កើតឲ្យមានវប្បធម៌នៃការចាកចេញពីតំណែងរបស់នាយករដ្ឋមន្ត្រី ប្រកបដោយសន្តិភាព សេចក្ដីថ្លែថ្នូរ និងមហាកិត្តិយសក្នុងនាមអតីនាយរដ្ឋមន្ត្រី ក៏ជាចំណុចសំខាន់់ ដែលកើតចេញពីការកំណត់អាណត្តិនាយករដ្ឋមន្ត្រីផងដែរ។

គួរ បញ្ជាក់ថា ជំនួបចរចាថ្នាក់កំពូលនៃប្រមុខគណបក្សជាប់ឆ្នោតទាំងពីរ កាលពីថ្ងៃទី១៦ ខែកញ្ញា ឆ្នាំ២០១៣កន្លងទៅ បានចេញសេចក្ដីថ្លែងការណ៍រួមគ្នាចំនួន៣ចំណុច ដែលមានមួយចំណុចនិយាយពីការកែទម្រង់ការបោះឆ្នោត។ សេចក្ដីថ្លែងការណ៍មិនបានកំណត់អំពីករណីដែលលោកសុន ឆ័យ បញ្ជាក់ខាងលើនេះទេ។

ពាក់ព័ន្ធ នឹងការកែទម្រង់ការបោះឆ្នោតនោះ គណៈកម្មការម្រុះនៃបក្សជាប់ឆ្នោតទាំងពីរ បានឯកភាពលើចំណុចកែទម្រង់រួមចំនួន១៤ចំណុច។ យ៉ាងណាក៏ដោយក្រុមចរចាបច្ចេកទេសសុទ្ធតែបានអះអាងដូចគ្នា ថាពួកគេមានលទ្ធភាពត្រឹមសម្របសម្រូលកិច្ចការបច្ចេកទេសប៉ុណ្ណោះ ដោយឡែកការដោះស្រាយបញ្ហានយោបាយគឺអាស្រ័យលើជំនួបចរចាថ្នាក់កំពូល ជាថ្មីទៀតនាពេលខាងមុខ៕

ប្រភពព័ត៌មាន៖ សារព័ត៌មានខ្មែរស្ថាបនា

លោកហ៊ុន សែន និងលោកសម រង្ស៊ី ព្រមព្រៀងកំណត់អាណត្តិនាយករដ្ឋមន្ត្រី?

បញ្ចូលព័ត៌មានដោយ៖Unknown No comments

ប្រភពព័ត៌មាន៖ សារព័ត៌មានខ្មែរស្ថាបនា

ក្រោយការរំដោះប្រទេស និងប្រជាពលរដ្ឋពីរបបប្រល័យពូជសាសន៍ ថ្ងៃទី៧ ខែមករា ឆ្នាំ១៩៧៩ លោក ហ៊ុន សែន មានតួនាទីជារដ្ឋមន្ត្រីក្រសួងការបរទេស ហើយចាប់តាំងពីឆ្នាំ១៩៨៥ លោក បានក្លាយជានាយករដ្ឋមន្ត្រីនៃប្រទេសកម្ពុជា និងមានតួនាទីជាអនុប្រធានគណបក្សប្រជាជនកម្ពុជា។

នៅថ្ងៃទី២៣ ខែតុលា ឆ្នាំ១៩៩១ លោកនាយករដ្ឋមន្ត្រី ហ៊ុន សែន ជាតំណាងហត្ថលេខីសំខាន់មួយរូប ក្នុងដំណើរការកិច្ចព្រមព្រៀងសន្តិភាពទីក្រុងប៉ារីស២៣ តុលា ឆ្នាំ១៩៩១ ជាលទ្ធផលនៃកិច្ចព្រមព្រៀងនេះ គឺការបោះឆ្នោតសកល និងដោយសេរីមួយ ដែលបានធ្វើឡើងជាលើកដំបូងនៅកម្ពុជា ឆ្នាំ១៩៩៣។

បើក្រឡេកមើលលទ្ធផលបោះឆ្នោតនៅកម្ពុជា ចាប់តាំងពីអាណត្តិទី១ ឆ្នាំ១៩៩៣មក គណបក្សប្រជាជនកម្ពុជា ទទួលបាន ៥១អាសនៈ អាណត្តិទី២ ឆ្នាំ១៩៩៨ បាន៦៤អាសនៈ អាណត្តិទី៣ ឆ្នាំ២០០៣ បាន៧៣អាសនៈ និងអាណត្តិទី៤ ឆ្នាំ២០០៨ បាន៩០អាសនៈ ដែលបង្ហាញពីការកើនឡើងជាបន្តបន្ទាប់នៃប្រជាប្រិយភាពរបស់បក្សនេះ។ ដោយឡែក សម្រាប់អាណត្តិទី៥ ឆ្នាំ២០១៣វិញ គណបក្សប្រជាជនកម្ពុជា ទទួលបានតែ៦៨អាសនៈប៉ុណ្ណោះ ដែលចំនួននេះ បានធ្លាក់ចុះ២២អាសនៈ បើធៀបនឹងអាណត្តិមុន ខុសពីការរំពឹងទុករបស់គណបក្ស និងលោកនាយករដ្ឋមន្ត្រី ហ៊ុន សែន។

លទ្ធផលនេះ ត្រូវបានអ្នកតាមដានព្រឹត្តិការណ៍សង្គម កត់សម្គាល់ឃើញថា ជាផ្នែកមួយ ដែលជំរុញឲ្យប្រមុខរដ្ឋាភិបាល ដឹកនាំដោយគណបក្សប្រជាជនកម្ពុជា គឺលោក ហ៊ុន សែន ចាប់ផ្តើមបន្ទន់ឥរិយាបថ រហូតដល់ប្រកាសទទួលយកសំណើកែទម្រង់ស្ថាប័នជាតិធំៗមួយចំនួន ដែលរងការរិះគន់ដឹកនាំគ្មានតម្លាភាព និងមានអំពើពុករលួយជាដើម។

អ្វីដែលអ្នកតាមដានសង្គម កំពុងតែយកចិត្តទុកដាក់ គឺថាតាមឃោសនស័ព្ទ ក្នុងយុទ្ធនាការឃោសនាបោះឆ្នោត ដែលគណបក្សប្រជាជនកម្ពុជា បានប្រើសម្រាប់ការបោះឆ្នោតអាណត្តិទី៥នេះ គឺ «បើស្រឡាញ់ បើអាណិត បើពេញចិត្ត បើជឿទុកចិត្ត សម្តេច ហ៊ុន សែន សូមបោះឆ្នោតជូនគណបក្សប្រជាជកម្ពុជា»។

នាយកប្រតិបត្តិអង្គការនិចហ្វិច លោក ហង្ស ពុទ្ធា និងជាអ្នកតាមដានបញ្ហាសង្គម យល់ថា ការធ្លាក់ប្រជាប្រិយភាពរបស់គណបក្សប្រជាជនកម្ពុជាក្នុងអាណត្តិទី៥នេះ លោកនាយករដ្ឋមន្រ្តី ហ៊ុន សែន គឺជាតួអង្គសំខាន់បំផុតក្នុងការដឹកនាំដំណើរការបក្ស ដោយសារការផ្តល់សារនយោបាយជូនដល់ប្រជាពលរដ្ឋ មុននិងក្រោយការបោះឆ្នោត គឺភាគច្រើនប្រែជាមានលក្ខណៈបុគ្គលិក ជាជាងតំណាងបក្សទាំងមូល។

ជាការកត់សម្គាល់ ក្រោយការបោះឆ្នោតអាណត្តិទី៥នេះ បាតុករគណបក្សសង្រ្គោះជាតិរាប់ម៉ឺននាក់ បានហែក្បួនមហាបាតុកម្មតាមដងវិថីក្នុងរាជធានីភ្នំពេញ និងវេទិកាជួបជុំ តាមខេត្ត ទាមទារការស៊ើបអង្កេតលទ្ធផលឆ្នោត ថ្ងៃទី២៨ ខែកក្កដា និងការបោះឆ្នោតឡើងវិញ ដោយក្នុងនោះ ក៏មានជាសារនយោបាយ ទាមទារដោយស្រែកចំៗទម្លាក់ប្រមុខរដ្ឋាភិបាលកម្ពុជា លោកនាយករដ្ឋមន្ត្រី ហ៊ុន សែន ពីតំណែងផងដែរ។

ករណីនេះ លោក ហង្ស ពុទ្ធា យល់ថា បើនៅតែមិនមានកំណែទម្រង់ទេនោះ ប្រជាប្រិយភាពបក្សនេះ នឹងកាន់តែដុនដាប សម្រាប់ការបោះឆ្នោតថ្ងៃខាងមុខ «តួអង្គរបស់គណបក្សប្រជាជន ហាក់ដូចជាត្រូវបានប្រឈមរួចទៅ ទៅនឹងបញ្ហាទាំងឡាយ ដូចជាក្រុមបាតុករ បានលើកឡើងអញ្ចឹង បើសិនជា គណបក្សប្រជាជនកម្ពុជា រក្សាទុកនូវបេក្ខជននាយករដ្ឋមន្រ្តី (ហ៊ុន សែន) ដដែល យើងអាចមើលឃើញថា ចំនួនអ្នកចូលរួមក្នុងបាតុកម្ម ច្បាស់ជាមិនបោះឆ្នោត ឲ្យគណបក្សប្រជាជនកម្ពុជាទេ។»

ជារឿយៗ លោកនាយករដ្ឋមន្ត្រី អាយុ៦៣ឆ្នាំ តែងតែប្រកាសថា លោកនឹងកាន់តំណែងជានាយករដ្ឋមន្ត្រី រហូតដល់អាយុ៧៤ឆ្នាំ គឺមានន័យថា ការបោះឆ្នោតអាណត្តិទី៦ ឆ្នាំ២០១៨ លោកនឹងធ្វើជានាយករដ្ឋមន្ត្រី ៥ឆ្នាំទៀត រហូតដល់ឆ្នាំ២០២៣។

សម្រាប់អ្នកវិភាគ នយោបាយ លោកបណ្ឌិត សុខ ទូច គិតថា នាមលោកនាយករដ្ឋមន្ត្រី ហ៊ុន សែន ជាសំបកក្រៅ និងជ្រុងមួយនៃប្រជាប្រិយភាពបក្សនេះ តែបញ្ហាចោទសំខាន់ គឺលទ្ធផលនៃការដឹកនាំកន្លងមក ដែលមិនឆ្លើយតបទៅនឹងបញ្ហាសង្គមដូចជា រឿងដីធ្លី សិទ្ធិការងារ និងបញ្ហាសេដ្ឋកិច្ច គួបផ្សំនឹងទម្លាប់ចាស់ ដែលបក្សនេះ ព្យាយាមជីកកកាយកេរ្តិ៍ស្នាដៃអតីតកាល បង្ហាញដល់ម្ចាស់ឆ្នោតគ្រប់រដូវកាលបោះឆ្នោត ដែលគ្មានប្រសិទ្ធិចំពោះយុវជនជំនាន់ក្រោយ។

លោក សុខ ទូច យល់ថា នាមលោកនាយករដ្ឋមន្ត្រី ហ៊ុន សែន តំណាងគណបក្សប្រជាជនកម្ពុជា នឹងកាន់តែបង្កើនប្រជាប្រិយភាព បើសិនជាលោកជាវីរជន អាចផ្តល់ដំណោះស្រាយដល់ប្រជាពលរដ្ឋ មិនមែនគ្រាន់តែជាបុគ្គល ដែលពលរដ្ឋរងគ្រោះគ្រាន់តែគិតដល់ឈ្មោះភ្លាម ក៏នឹកដល់ភាពបរាជ័យនោះទេ «បើបុគ្គលហ្នឹង (ហ៊ុន សែន) គាត់ជាបុគ្គលអធិរាជ បុគ្គលអច្ឆរិយ គាត់ដោះស្រាយបញ្ហាចេញគាត់ធ្វើអ្វីបានជោគជ័យ ងារនឹងរឹតតែធ្វើឲ្យគណបក្សប្រជាជន កាន់តែខ្លាំង ប៉ុន្តែ បើសិនជាដាក់ទៅបញ្ហាមួយមិនដោះស្រាយ បញ្ហាមួយមិនដោះស្រាយ បញ្ហាមួយមិនដោះស្រាយ ឧបមាថា ចូលមើលព្រៃ ព្រៃបាត់អស់ ចូលមើលព្រៃ ព្រៃខ្ទេចអស់ សូម្បីតែលោកជាមនុស្ស ប្រថុតជន ក៏លោក ធុញថប់រឿងអ្វីដែលគ្មានចម្លើយហ្នឹងដែរ។»

ក្រោយការបោះឆ្នោតអាណត្តិទី៤ វិទ្យាសា្ថនសាធារណរដ្ឋអន្តរជាតិ IRI បានចេញរបាយការណ៍ស្ទង់មតិ ដោយរកឃើញថា កម្ពុជា ក្រោមការដឹកនាំដោយគណបក្សប្រជាជនកម្ពុជា ដើរលើផ្លូវត្រូវ ៨២% ខណៈទទួលបាន ៩០អាសនៈ ដែលគ្រានោះ លោកនាយករដ្ឋមន្ត្រី ហ៊ុន សែន បានប្រកាសទទួលស្គាល់ការស្ទង់មតិនោះ។ ប៉ុន្តែ ភាគរយផ្លូវត្រូវនេះ បានធ្លាក់ចុះមកត្រឹម ៥៥% ក្រោយការបោះឆ្នោតឆ្នាំ២០១៣ ខណៈគណបក្សនេះទទួលបានតែ៦៨អាសនៈ តែប៉ុណ្ណោះ ដែលនាំឲ្យការស្ទង់មតិនេះ រងការរិះគន់ពីមន្ត្រី បក្សកាន់អំណាចនេះ ថាមិនបានឆ្លុះបញ្ចាំងពីតថភាពកម្ពុជាទាំងស្រុងនោះទេ។

ទឡ្ហីករណ៍ នេះ ត្រូវបានលោក លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា និងជាអ្នកតាមដានព្រឹត្តការណ៍សង្គម បកស្រាយថា បណ្តាលមកពីរយៈពេល ៥ឆ្នាំនៃការដឹកនាំ ក្រោយពីទទួលបានសំឡេងគាំទ្រច្រើន លោកនាយករដ្ឋមន្ត្រី ហ៊ុន សែន ផ្ទាល់ ក៏ដូចជាមន្ត្រីជាន់ខ្ពស់បក្ស បង្អួតពីឥទ្ធិពលខ្លួនក្នុងឆាកនយោបាយ ដែលគ្មានអ្នកហ៊ានបំពានបាន ភ្លេចគិតពីប្រជាពលរដ្ឋជាម្ចាស់ឆ្នោត ផ្ទុយទៅវិញ បែរបង្កនូវបញ្ហាបន្ថែម។

យ៉ាងណាក៏ដោយ លោក អ៊ូ វីរៈ វិភាគថា ការពិចារណាប្តូរបេក្ខភាពនាយករដ្ឋមន្ត្រី លោក ហ៊ុន សែន ពីគណបក្សប្រជាជនកម្ពុជាទៅថ្ងៃខាងមុខ អាចនាំនូវផលវិបាក និងបង្កជម្លោះផ្ទៃក្នុងបក្ស ដោយសារតែការប្រកាន់បក្ខពួក និងការច្រណែនគ្នា «បើមើលចំនុចហ្នឹង លោក ហ៊ុន សែន ច្បាស់ជាចង់ឲ្យកូនគាត់បន្តវេន ប៉ុន្តែ មន្រ្តីជាច្រើនក្នុងគណបក្សប្រជាជនកម្ពជា ដូចជា អ្នកដែលធ្វើការយូរគាត់ប្រហែលជាអត់សូវសប្បាយចិត្ត វាអាចធ្វើឲ្យប៉ះពាល់ទៅលើ ទឹកចិត្តរបស់ សមាជិកគាត់ដែរ អាហ្នឹងក៏ជាបញ្ហាមួយ។»

អំឡុងយុទ្ធនាឃោសនា មុនថ្ងៃបោះឆ្នោត លោកនាយករដ្ឋមន្ត្រី ហ៊ុន សែន និងជាអនុប្រធានគណបក្សប្រជាជនកម្ពុជា ធ្លាប់បានអះអាងថា បើគណបក្សខ្លួនទទួលបានការគាំទ្រ តិចជាង៦០ភាគរយនោះ លោក នឹងចុះចេញពីតំណែង។ ប៉ុន្តែ ក្រោយការប្រកាសលទ្ធផលឆ្នោត ដែលរកឃើញថា គណបក្សប្រជាជនកម្ពុជា ទទួលបានតែ៦៨អាសនៈ អ្នកគាំទ្រគណបក្សប្រឆាំង បានប្រកាសទាមទារភា្លមៗឲ្យលោកនាយករដ្ឋមន្ត្រី ហ៊ុន សែន ចុះចេញពីតំណែងតាមការសន្យា ដោយចោទថា គណបក្សនេះ លួចបន្លំសន្លឹកឆ្នោត បង្កភាពមិនប្រក្រតីលើលទ្ធផលឆ្នោត។

កន្លងទៅ លោកនាយករដ្ឋមន្ត្រី ហ៊ុន សែន បានរំលឹកពីសំណួរដែលលោកទទួលបានពីបុគ្គលម្នាក់ ទាក់ទងនឹងការតែងតាំងកូនប្រុសច្បងរបស់លោកម្នាក់ គឺលោក ហ៊ុន ម៉ាណែត ឲ្យធ្វើជាប្រធានគណបក្សប្រជាជនកម្ពុជា(CPP) នៅពេលលោកជា ស៊ីម ដែលបច្ចុប្បន្នជាប្រធានគណបក្សប្រជាជនកម្ពុជា ទទួលមរណភាព។ ក្នុងការបោះឆ្នោតអាណត្តិទី៥នេះ កូនប្រុសម្នាក់ទៀតរបស់លោកនាយករដ្ឋមន្ត្រី គឺលោក ហ៊ុន ម៉ានី ត្រូវបានដាក់ឲ្យជាប់ឆ្នោតជាតំណាងរាស្ត្រខេត្តកំពង់ស្ពឺ។

រហូតមកដល់ពេលនេះ លោក ហ៊ុន សែន មិនទាន់ប្រកាសថាតើអាចនឹ ងមានការដាក់កូនប្រុស របស់លោកធ្វើជាបេក្ខភាពនាយ ករដ្ឋមន្ត្រីសម្រាប់អាណត្តិក្រោយៗទៀតនៅឡើយទេ៕

ប្រពព័ត៌មាន៖ សារព័ត៌មានខ្មែរស្ថាបនា

វិភាគ៖ តើការប្តូរបេក្ខភាពនាយករដ្ឋមន្ត្រីរបស់ CPP អាចធ្វើឲ្យបក្សនេះ មានកំណើនអាសនៈវិញទេ?

បញ្ចូលព័ត៌មានដោយ៖Unknown No comments

ប្រពព័ត៌មាន៖ សារព័ត៌មានខ្មែរស្ថាបនា

ភ្នំពេញ៖ ក្រោយពេលការខ្វែងគំនិតផ្នែកនយោបាយ រយៈពេលជិត ៧ខែកន្លងទៅ គណបក្សទទួល បានអាសនៈ នៅក្នុងសភាទាំងពីរ គឺគណបក្ស ប្រជាជនកម្ពុជា (CPP) និងគណបក្សសង្រ្គោះជាតិ (CNRP) និងបើកការជួបចរចាគ្នាជាថ្មីនៅវេលាម៉ោង ៩ព្រឹកថ្ងៃទី១៨ ខែកុម្ភៈ ឆ្នាំ២០១៤នេះ នៅវិមាន ព្រឹទ្ធរដ្ឋសភា។

ជំនួបចរចាក្រោមការអន្ទះសារចង់ដឹងពីលទ្ធផលរបស់ម្ចាស់ឆ្នោតនេះ គណបក្សប្រជាជនកម្ពុជាមានសមាសភាព ៣ នាក់ រួមមាន៖ លោក ព្រុំ សុខា, លោក សក់ សេដ្ឋា និង លោក កើត រិទ្ធិ។ រីឯភាគីគណបក្សសង្រ្គោះជាតិវិញ ក៏មានសមាសភាព៣នាក់ផងដែររួមមាន៖លោក សុន ឆ័យ, លោក យ៉ែម បុញ្ញឬទ្ធិ និងលោក គួយ ប៊ុនរឿន។

តាមសេចក្តីប្រកាសព័ត៌មានរបស់គណបក្សប្រជាជនកម្ពុជា កាលពីថ្ងៃទី១៥ ខែកុម្ភៈ ឆ្នាំ២០១៤ បានបញ្ជាក់ថា ជំនួបចរចានេះ ធ្វើឡើងដើម្បីរៀបចំបង្កើតយន្តការកំណែទម្រង់បោះឆ្នោតនាពេលខាង មុខ ស្របតាមស្មារតីសេចក្តីប្រកាសរួម នៃជំនួបកំពូលរវាងគណបក្សប្រជាជនកម្ពុជា និងគណបក្សសង្រ្គោះជាតិកាលពីថ្ងៃទី១៦ ខែកញ្ញា ឆ្នាំ២០១៣។

គណបក្សសង្រ្គោះជាតិ នៅក្នុងសេចក្តីថ្លែងការណ៍ឆ្លើយតបទៅគណបក្សប្រជា ជនកម្ពុជា នាថ្ងៃទី១៦ ខែកុម្ភៈ ឆ្នាំ ២០១៤ ក៏បានបញ្ជាក់ដូចគ្នាដែរថា ជំនួបចរចានេះធ្វើឡើងដើម្បីដោះស្រាយភាពជាប់គាំងនយោបាយ បច្ចុប្បន្ន ដែលបណ្តាលមកពីភាពមិនប្រក្រតីយ៉ាងធ្ងន់ធ្ងរនៃការ បោះឆ្នោត ឆ្នាំ២០១៣កន្លងមក និងអនុវត្តន៍តាមកិច្ចព្រម ព្រៀងនៅក្នុងសេចក្តីថ្លែងការណ៍ រួមកាលពីថ្ងៃទី១៦ ខែកញ្ញា ឆ្នាំ២០១៣ និងដើម្បីរៀបចំយន្តការ កែទម្រង់ការ បោះឆ្នោត នាពេលខាងមុខ។

ទោះបីជាគណបក្ស ដែលទទួលបានអាសនៈនៅក្នុងសភានីតិកាលទី៥ ទាំងពីរសុទ្ធតែអះអាងថាប្រធានបទនៃ កិច្ចចរចានិយាយតែលើយន្តការកំណែទម្រង់ការបោះឆ្នោតក្តី តែប្រជាពលរដ្ឋជាម្ចាស់ឆ្នោតនៅតែសម្តែងការរំពឹងទុកថាកិច្ចចរចា តទល់រវាងមន្រ្តី នៃគណបក្សនយោបាយទាំងពីរនឹងអាចឈានទៅរកនូវដំណោះស្រាយ នៃការខ្វែងគំនិតផ្សេងៗទៀត ឈានទៅដល់ការយោគយល់គ្នា ចូលទៅកាន់កៅអីសភាក្រោមម្លប់ស្វេតឆ័ត្ររបស់ព្រះ មហាក្សត្រធ្វើការរួមគ្នា ដើម្បីឧត្តម ប្រយោជន៍របស់ប្រទេសជាតិ និងប្រជាពលរដ្ឋជាម្ចាស់ឆ្នោត។

សូមបញ្ជាក់ថា ការកើតទុក្ខមិនសុខចិត្តរបស់គណបក្សសង្រ្គោះជាតិ លើលទ្ធផលឆ្នោត ដែល ប្រកាស ដោយ គណៈកម្មាធិការជាតិ រៀបចំការបោះឆ្នោត (គ.ជ.ប) បានធ្វើឲ្យគណបក្សប្រឆាំងនៅកម្ពុជាមួយនេះ មិនចូលប្រជុំសភាលើកដំបូងតាមការកោះហៅរបស់ព្រះ មហាក្សត្រកាលពីថ្ងៃទី២៣ ខែកុម្ភៈ ឆ្នាំ២០១៣។ ការពហិការកិច្ចប្រជុំសភាលើកដំបូងរបស់គណបក្សសង្រ្គោះជាតិ ធ្វើឲ្យរដ្ឋសភាត្រូវបង្ខំចិត្តដំណើរការដោយមានតែតំណាងរាស្ត្រ មកពីគណបក្សប្រជាជនកម្ពុជា។

ក្រៅពីការមិនចូលរួមកិច្ចប្រជុំសភាហើយនោះ ក្នុងរយៈពេលជាច្រើនខែមកនេះ គណបក្ស សង្រ្គោះជាតិ តែងបាន ប្រមូលផ្តុំអ្នកគាំទ្ររបស់ខ្លួនធ្វើការតវ៉ា និងធ្វើមហាបាតុកម្មបញ្ចេញ ការទាមទារ និងប្រឆាំងទៅនឹងរាជរដ្ឋាភិបាល កម្ពុជា ដែលកើតចេញពីគណបក្សប្រជាជនកម្ពុជាថែមទៀតផង។

ការខ្វែងគំនិតរបស់បក្សនយោបាយទាំងពីរ ក៏បានបង្កនូវភាពសោកស្តាយជាពន់ពេកផងដែរ ពីសំណាក់ប្រជាពល រដ្ឋជាម្ចាស់ឆ្នោត ដោយពួកគាត់មើលឃើញថា សកម្មភាពទាំងនេះ ហាក់មិនបានជួយជ្រោមជ្រែងឲ្យជាតិរីក ចម្រើន និងនាំមកនូវប្រយោជន៍ជូនពួកគាត់នោះទេ៕

ប្រភពព័ត៌មាន៖ គេហទំព័រដើមអម្ពិល

CPP និង CNRP ជួបចរចាជាថ្មីលើកំណែទម្រង់នៃការបោះឆ្នោត

បញ្ចូលព័ត៌មានដោយ៖Unknown No comments

ប្រភពព័ត៌មាន៖ គេហទំព័រដើមអម្ពិល

លោកនាយករដ្ឋមន្ត្រី ហ៊ុន សែន បដិសេធថានឹងមិនចុះចេញពីតំណែង ហើយក៏មិនរៀបចំបោះឆ្នោតសភានីតិកាលទី៥ឡើងវិញ តាមការទាមទាររបស់គណបក្សសង្គ្រោះជាតិ ទេ។ ជាងនេះ លោកបានព្រមានចាត់វិធានការតាមផ្លូវច្បាប់ទៅលើហ្វូងបាតុកម្មដឹកនាំដោយបក្សប្រឆាំង ដែលប៉ុនប៉ងបិទផ្លូវនាថ្ងៃខាងមុខ។ ប៉ុន្តែ សម្រាប់មេដឹកនាំគណ បក្សសង្គ្រោះជាតិ ថ្លែងថា មិនព្រឺព្រួច ឬញញើតទៅនឹងសារគំរាមរបស់ លោក ហ៊ុន សែន ទេ និងអះអាងថាបន្តដឹកនាំមហាបាតុកម្មនេះតទៅទៀត។

ការថ្លែងបដិសេធរបស់លោកនាយករដ្ឋមន្ត្រី ហ៊ុន សែន ពេលនេះ គឺជាការឆ្លើយតបទៅនឹងសំណួររបស់អ្នកសារព័ត៌មាន ក្រោយបញ្ចប់កិច្ចប្រជុំរដ្ឋសភានៅព្រឹកថ្ងៃសុក្រ ទី២០ ខែធ្នូ នាមន្ទីររដ្ឋសភា។ ប្រមុខដឹកនាំមានប្រសាសន៍ថា គ្មានច្បាប់តម្រូវឲ្យមានការបោះឆ្នោតឡើងវិញទេ។ លើសពីនេះ បើតាមរដ្ឋធម្មនុញ្ញ រូបលោក ឬព្រះមហាក្សត្រក្តី រួមនឹងរដ្ឋសភា មិនមានសិទ្ធិក្នុងការរំលាយរដ្ឋសភាចោលទេ។

លោកបន្តថា ចំពោះការបោះឆ្នោតអាចធ្វើទៅបានជារៀងរាល់ ៥ឆ្នាំម្តង ដូចបានកំណត់ក្នុងរដ្ឋធម្មនុញ្ញ។ ជាមួយគ្នានេះ លោកនាយករដ្ឋមន្ត្រីបញ្ជាក់ថា នឹងមិនចុះចេញពីតំណែងទៅតាមការទាមទាររបស់បក្សប្រឆាំងទេ ព្រោះមិនបានប្រព្រឹត្តកំហុសឆ្គង។ ហើយថា រដ្ឋសភាក៏មិនបានទម្លាក់រូបលោកពីតំណែងដែរ។

បន្ថែមលើនេះ លោក ហ៊ុន សែន បានព្រមានទៅមេដឹកនាំគណបក្សសង្គ្រោះជាតិ ដែលមានគម្រោងដឹកនាំធ្វើបាតុកម្មបិទផ្លូវសាធារណៈថាជាទង្វើខុស ច្បាប់។ ហើយថា រដ្ឋាភិបាលនឹងឆ្លើយតប ឬមានវិធានការតាមផ្លូវច្បាប់។ លោក ហ៊ុន សែន បានស្នើដល់គណបក្សប្រឆាំងត្រូវមានការប្រុងប្រយ័ត្នចំពោះការធ្វើ បាតុកម្មរបស់ខ្លួន។

ស្របពេលនេះ រាជរដ្ឋាភិបាលកម្ពុជា កាលពីថ្ងៃទី១៩ ខែធ្នូ ក៏បានចេញសេចក្តីអំពាវនាវមួយដល់គណបក្សសង្គ្រោះជាតិ ត្រូវចូលរួមសហការជាមួយអាជ្ញាធរ និងអនុវត្តឲ្យបានតាមច្បាប់ និងបទបញ្ញត្តិនានា ដោយស្មារតីទទួលខុសត្រូវចំពោះផលប្រយោជន៍ជាតិ ដើម្បីបុព្វហេតុប្រជាធិបតេយ្យ និងនីតិរដ្ឋនៅកម្ពុជា។
យ៉ាងណាក៏ដោយ ថ្នាក់ដឹកនាំគណបក្សសង្គ្រោះជាតិ ហាក់មិនបានចាប់អារម្មណ៍ទៅនឹងសារព្រមានរបស់រាជរដ្ឋាភិបាល ឬលោកនាយករដ្ឋមន្ត្រី ហ៊ុន សែន ទេ ដោយអះអាងថា នឹងបន្តដឹកនាំធ្វើមហាបាតុកម្មអហិង្សារហូតមានដំណោះស្រាយ។
លោក ហូរ វ៉ាន់ បេក្ខជនតំណាងរាស្ត្រ និងជាអនុប្រធានគណៈកម្មការវិន័យគណបក្សសង្គ្រោះជាតិ មិនឆ្លើយតបទៅនឹងសារព្រមានរបស់ លោក ហ៊ុន សែន ទេ។ លោកបញ្ជាក់ថា គណបក្សសង្គ្រោះជាតិ នៅតែរក្សាជំហរដឹកនាំមហាបាតុកម្មអហិង្សារហូត ដោយគ្មានញញើតនឹងសារគំរាមណាមួយទេ។

បន្ថែមលើនេះ លោក សម រង្ស៊ី និងលោក កឹម សុខា ប្រធាន និងអនុប្រធានគណបក្សសង្គ្រោះជាតិ និងប្រជាពលរដ្ឋ ដែលបង្ហាញវត្តមាននៅទីលានប្រជាធិបតេយ្យ នឹងដើរហែក្បួនតាមផ្លូវសាធារណៈក្នុងរាជធានីភ្នំពេញ ល្ងាចថ្ងៃសុក្រ ទី២០ ខែធ្នូ ក៏បានបន្តទាមទារឲ្យ លោក ហ៊ុន សែន ចុះចេញពីតំណែង និងស្នើឲ្យមានការបោះឆ្នោតឡើងវិញដដែល។

គណបក្សសង្គ្រោះជាតិ បានប្រកាសដឹកនាំធ្វើមហាបាតុកម្មអហិង្សា ចាប់ពីថ្ងៃទី១៥ ខែធ្នូ រហូតទៅ ដើម្បីដាក់សម្ពាធឲ្យ លោក ហ៊ុន សែន ចុះចេញពីតំណែង និងទាមទារឲ្យរៀបចំបោះឆ្នោតសភានីតិកាលទី៥ឡើងវិញ។ បញ្ហានេះ ទាំង លោក សម រង្ស៊ី និងលោក កឹម សុខា ប្រធាន-អនុប្រធានគណបក្សសង្គ្រោះជាតិ និងក្រុមបាតុករច្រើនពាន់នាក់ សុទ្ធតែបានអះអាងថា នឹងប្ដេជ្ញាបន្តប្រមូលផ្តុំធ្វើមហាបាតុកម្មរហូតមានដំណោះស្រាយ ទើបបញ្ឈប់ការតវ៉ា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វិទ្យុអាស៊ីសេរី

លោក ហ៊ុន សែន បដិសេធមិនចុះចេញពីតំណែង

បញ្ចូលព័ត៌មានដោយ៖Unknown No comments

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វិទ្យុអាស៊ីសេរី

ការហែក្បួនតាមដងវិថីនានានៅទីក្រុងភ្នំពេញ ដើម្បីអបអរទិវាសិទ្ធិមនុស្សអន្តរជាតិលើកទី៦៥នៅឆ្នាំ២០១៣នេះត្រូវបានហាមឃាត់ ដោយក្រសួងមហាផ្ទៃ។ ប៉ុន្តែសម្ព័ន្ធអង្គការ សង្គមស៊ីវិលនិងគណបក្សប្រឆាំងមិនអើពើនឹងបម្រាមរបស់ក្រសួងមហាផ្ទៃទេ ដោយអះអាងថា ការរិតត្បិតណាមួយក្នុងឱកាសនេះ បង្ហាញអំពីការគោរពសិទ្ធិមនុស្សមិនបានពេញលេញនៅកម្ពុជា និងថា រដ្ឋាភិបាលខ្លាចប្រជាជន។

សេចក្តីរាយការណ៍របស់ ឯម មាឃ

(02:04)

ការហែក្បួនតាមដងវិថីនានានៅទីក្រុងភ្នំពេញ ដើម្បីអបអរទិវាសិទ្ធិមនុស្សអន្តរជាតិលើកទី៦៥នៅឆ្នាំ២០១៣នេះត្រូវបានហាមឃាត់។ ក្នុងលិខិតផ្ញើទៅសាលារាជធានីភ្នំពេញនៅថ្ងៃអាទិត្យម្សិលមិញ លោក ស ខេង រដ្ឋមន្ត្រីក្រសួងមហាផ្ទៃ បានកំណត់ឱ្យគណបក្សសង្គ្រោះជាតិជួបជុំគ្នាតែនៅលើទីលានប្រជាធិបតេយ្យ ពីម៉ោង៧ ដល់ម៉ោង១២ ដោយមិនឱ្យលើសពី១ម៉ឺននាក់ឡើយ។

ក្នុងលិខិតមួយផ្សេងទៀត លោក ស ខេង អនុញ្ញាតឱ្យសមាជិកសម្ព័ន្ធអង្គការសង្គមស៊ីវិលប្រមាណជា៥ពាន់នាក់ជួបជុំគ្នាតែនៅរមណីយដ្ឋានវត្តភ្នំ ចាប់ពីម៉ោង៨ដល់ម៉ោង១។ លោកឧបនាយករដ្ឋមន្ត្រីបានហាមអ្នកចូលរួមជាមួយគណបក្សប្រឆាំង មិនឱ្យហែក្បួនតាមដងផ្លូវឡើយ តែអាចចាត់តំណាងរបស់ខ្លួន១០នាក់យកញត្តិទៅដាក់នៅរដ្ឋសភា។

តបទៅនឹងបម្រាមនេះ លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិ បានបញ្ចេញប្រតិកម្មថា «គណបក្សសង្គ្រោះជាតិមិនត្រូវការយកញត្តិទៅប្រគល់ឱ្យរដ្ឋាភិបាលឬរដ្ឋសភាមិនស្របច្បាប់នោះទេ។ ប៉ុន្តែយើងនឹងដើរដើម្បីបង្ហាញឱ្យគណបក្សប្រជាជនឃើញកម្លាំងប្រជាជន ដែលចង់បានការគោរពសិទ្ធិមនុស្សពេញលេញ លិទ្ធិប្រជាធិបតេយ្យពិតប្រាកដ និងការគោរពឆន្ទៈរបស់ម្ចាស់ឆ្នោត»។

តំណាងរាស្ត្រគណបក្សប្រឆាំងរូបនេះបញ្ជាក់ថា «បើគណបក្សប្រជាជនមិនបានធ្វើអ្វីក្បត់ឆន្ទៈរាស្ត្រទេ នោះគ្មានអ្វីគួរឱ្យខ្លាចឡើយ»។ លោក យឹម សុវណ្ណបានបន្តថា បើគណបក្សប្រជាជនមិនអើពើនឹងការទាមទាររបស់ប្រជាជននៅថ្ងៃ១០ធ្នូនោះទេ គណបក្សសង្គ្រោះជាតិ នឹងបន្តធ្វើបាតុកម្មនៅថ្ងៃទី១៥ ទី២២ ទី២៩ និងជាបន្តទៅរៀងរាល់ថ្ងៃអាទិត្យ។

ដោយឡែក លោក អំ សំអាត ប្រធានផ្នែកបច្ចេកទេសរបស់អង្គការលីកាដូ ដែលសម្របសម្រួលការហែក្បួនរបស់សម្ព័ន្ធអង្គការសង្គមស៊ីវិល បានចេញប្រតិកម្មថា ការរិតត្បិតណាមួយ នៅក្នុងឱកាសប្រារព្ធទិវាសិទ្ធិមនុស្សអន្តរជាតិ១០ធ្នូ គឺបង្ហាញអំពីការគោរពសិទ្ធិមនុស្សមិនបានពេញលេញនៅកម្ពុជា។

លោក សំអាត ថ្លែងថា៖ «អ្នកចូលរួមប្រារព្ធទិវាសិទ្ធិមនុស្សនឹងដើរជាក្បួនតាមដងវិថី បើទោះជាមានការរារាំងក៏ដោយ»។ មន្ត្រីសិទ្ធិមនុស្សរូបនេះស្នើឱ្យរដ្ឋាភិបាលបើកចិត្តឱ្យទូលាយ ហើយកុំភ្ជាប់ការអបអរទិវាសិទ្ធិមនុស្សទៅនឹងរឿងនយោបាយ ព្រោះសិទ្ធិមនុស្សគឺសម្រាប់ទាំងអស់គ្នា៕

ប្រភពព័ត៌មាន៖ វិទ្យុបារាំងអន្តរជាតិ

សង្គមស៊ីវិល និងគណបក្សប្រឆាំង មិនអើពើនឹងបម្រាមរបស់ក្រសួងមហាផ្ទៃទេ

បញ្ចូលព័ត៌មានដោយ៖Unknown No comments

សេចក្តីរាយការណ៍របស់ ឯម មាឃ

(02:04)

ប្រភពព័ត៌មាន៖ វិទ្យុបារាំងអន្តរជាតិ

កាលពីអាណត្តិមុនៗ នាយករដ្ឋមន្ត្រី ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រដ្ឋលេខាធិការ ទទួលបានប្រាក់បៀវត្សរ៍ក្រោមមួយពាន់ដុល្លារអាមេរិក។ ប៉ុន្តែសម្រាប់អាណត្តិទី៥នេះ និងអាណត្តិទៅមុខៗទៀត អ្នកជំនាញជំរុញអោយរដ្ឋាភិបាលបង្កើនប្រាក់ខែជូនថ្នាក់ដឹកនាំកំពូល រហូតដល់២០ម៉ឺនដុល្លារអាមេរិក។

លោក កែម ឡី អ្នកស្រាវជ្រាវឯករាជ្យប្រចាំ ប្រទេស កម្ពុជាបានបញ្ជាក់ប្រាប់នៅថ្ងៃអាទិត្យនេះថា ចាប់ពីអាណត្តិទី៥នេះទៅ រដ្ឋាភិបាលគួរចាប់ផ្តើមកែទម្រង់ប្រាក់បៀវត្សរ៍ជូនថ្នាក់ដឹកនាំ ប្រទេស និងមន្ត្រីរាជការរបស់ខ្លួន។

សម្រាប់លោក កែម ឡី នាយករដ្ឋមន្ត្រីនៃប្រទេសកម្ពុជាគួរទទួលបានប្រាក់ខែ២០ម៉ឺនដុល្លារ អាមេរិក។ ឧបនាយករដ្ឋមន្ត្រីគួរទទួលបានចំនួន១០ម៉ឺនដុល្លារអាមេរិក។ ទេសរដ្ឋមន្ត្រីគួរទទួលបាន៨ម៉ឺនដុល្លារអាមេរិក និង៧ម៉ឺនដុល្លារសម្រាប់រដ្ឋមន្ត្រី។ មន្ត្រីរាជការធម្មតាគួរទទួលបានប្រាក់ខែចាប់ពី៥០០ដុល្លារអាមេរិក ឡើងទៅ។ ចំពោះតំណាងរាស្ត្រ ពួកគេគួរទទួលបានប្រាក់ខែប្រហាក់ប្រហែលនឹងរដ្ឋមន្ត្រីដែរ ពោលគឺ៧ម៉ឺនដុល្លារអាមេរិក។

លោក កែម ឡី បានបញ្ជាក់ថា ប្រាក់ខែអាចបង្កើនអោយច្រើនមែន។ ប៉ុន្តែ តំណែងក្នុងជួរដ្ឋាភិបាលគួរត្រូវកាត់បន្ថយ មានន័យថា តំណែងឧបនាយករដ្ឋមន្ត្រីគួរមានតែម្នាក់។ ទេសរដ្ឋមន្ត្រីគួរមានតែពី៣ទៅ៤នាក់។ ចំនួនក្រសួងត្រូវកាត់បន្ថយ ហើយរក្សាទុកតែរដ្ឋមន្ត្រីម្នាក់ និងរដ្ឋលេខាធិការម្នាក់សម្រាប់ក្រសួងមួយនីមួយ។ ក្រៅពីនោះ ពួកគេសុទ្ធតែជាមន្ត្រីជំនាញ។ លោក កែម ឡី បានបន្តទៀតថា អ្នកស្រាវជ្រាវ សេដ្ឋវិទូ អ្នកវិទ្យាសាស្ត្រ គួរទទួលបានការយកចិត្តទុកដាក់ និងគួរទទួលបានប្រាក់ខែសមរម្យបំផុត។

សូមបញ្ជាក់ថា នាយករដ្ឋមន្ត្រីនៃប្រទេសសិង្ហបុរីទទួលបានប្រាក់បៀវត្សរិ៍៤០ម៉ឺន ដុល្លារក្នុងមួយខែ ផ្ទុយពី២០ម៉ឺនដុល្លារអាមេរិកសម្រាប់ប្រធានាធិបតេយ្យអាមេរិក អូបាម៉ា។

លោក កែម ឡី បានបញ្ជាក់ជាមួយនឹងភាពជឿជាក់ថា៖« រដ្ឋាភិបាលកម្ពុជាអាចបង្កើនប្រាក់ខែជូនថ្នាក់ដឹកនាំបាន ប្រសិនបើ រដ្ឋាភិបាលធ្វើកំណែទម្រង់ពន្ធគ្រប់ប្រភេទអោយមានប្រសិទ្ធិភាព ខ្ពស់បំផុត ជំរុញការកាត់បន្ថយចំណាយមិនចាំបាច់ និងកាត់បន្ថយអំពើពុករលួយ»។ របាយការណ៍នាពេលកន្លងមកធ្លាប់បានបង្ហាញថា កម្ពុជាខាតបង់ថវិកាអស់ប្រមាណជាពី៣០០ទៅ៥០០លានដុល្លារអាមេរិក ដោយសារតែអំពើពុករលួយ។

លោក កែម ឡី អះអាងថា៖«ការតំឡើងប្រាក់ខែកាន់តែច្រើនជំរុញអោយថ្នាក់ដឹកនាំលែងមានគំនិតពុករលួយ»៕

ប្រភពព័ត៌មាន៖ ថ្មីៗ

នាយករដ្ឋមន្ត្រីខ្មែរគួរទទួលបានប្រាក់ខែ២០ម៉ឺនដុល្លារក្នុងមួយខែ

បញ្ចូលព័ត៌មានដោយ៖Unknown No comments

ប្រភពព័ត៌មាន៖ ថ្មីៗ

មេដឹកនាំគណបក្សសង្គ្រោះជាតិ មានគម្រោងយកទិវាសិទ្ធិមនុស្សអន្តរជាតិ ១០ ធ្នូ ខាងមុខ ដើម្បីកៀរគរមហាជនទូទាំងប្រទេសធ្វើមហាបាតុកម្មទាមទារឲ្យរដ្ឋាភិបាលគោរពសិទ្ធិមនុស្ស និងស្វែងរកយុត្តិធម៌ជូនម្ចាស់ឆ្នោត។

លោក កឹម សុខា អនុប្រធានគណបក្សសង្គ្រោះជាតិ មានប្រសាសន៍នៅព្រឹកថ្ងៃច័ន្ទ ទី១៨ ខែវិច្ឆិកា ថា មហាបាតុកម្មទ្រង់ទ្រាយធំនៅថ្ងៃទិវាសិទ្ធិមនុស្សអន្តរជាតិ ១០ ធ្នូ ខាងមុខ គណបក្សសង្គ្រោះជាតិ មិនទាន់កំណត់ទីតាំងថាត្រូវធ្វើនៅរាជធានីភ្នំពេញ ឬនៅតាមខេត្តណាឲ្យពិតប្រាកដទេ។

លោកឲ្យដឹងថា គោលបំណងនៃការដឹកនាំធ្វើមហាបាតុកម្មជាថ្មីរបស់គណបក្សសង្គ្រោះជាតិពេលនេះ គឺដើម្បីទាមទារឲ្យរដ្ឋាភិបាលគោរពសិទ្ធិមនុស្ស និងស្វែងរកយុត្តិធម៌ជូនម្ចាស់ឆ្នោត។

គម្រោងដឹកនាំមហាបាតុកម្មជាថ្មីរបស់គណបក្សប្រឆាំង កើតមានបន្ទាប់ពីជំនួបចរចាពីភាពមិនប្រក្រតីនៃលទ្ធផលបោះឆ្នោតសភានីតិកាលទី៥ រវាងមន្ត្រីគណបក្សសង្គ្រោះជាតិ និងគណបក្សប្រជាជនកម្ពុជា ត្រូវបរាជ័យជាបន្តបន្ទាប់រួចមក។

សូមរង់ចាំអាននិងស្ដាប់ព័ត៌មានពិស្ដារ...

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វិទ្យុអាស៊ីសេរី

គណបក្សសង្គ្រោះជាតិគ្រោងធ្វើបាតុកម្មជាថ្មីនៅថ្ងៃ១០ ធ្នូ

បញ្ចូលព័ត៌មានដោយ៖Unknown No comments

សូមរង់ចាំអាននិងស្ដាប់ព័ត៌មានពិស្ដារ...

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ប្រភពព័ត៌មាន៖ វិទ្យុអាស៊ីសេរី

ដោយមើលឃើញថា ការរីករាលដាលនៃអំពើអយុត្តិធម៌កាន់តែកើនឡើង ពាក់ព័ន្ធទៅនឹងការបែងចែកភោគផលធនធានធម្មជាតិដែលដូនតាបានបន្សល់ទុកមកបានធ្វើឲ្យជីវភាពរស់នៅរបស់មនុស្សមួយក្ដាប់តូចចេះតែធូរធារទៅៗ និងប្រជាពលរដ្ឋមួយចំនួនធំគ្មានឱកាសកែលម្អស្ថានភាពរស់នៅឲ្យបានប្រសើរសមជាប្រជាពលរដ្ឋក្នុងទឹកដីសុវណ្ណភូមិ៖

ដោយមើលឃើញថា ភាពអយុត្តិធម៌ក្នុងប្រព័ន្ធតុលាការបណ្ដាលឲ្យមនុស្សល្អត្រូវទទួលរងនូវការចាញ់ក្ដីទាំងបំពាន និងច្បាស់ក្រឡែតដោយអំណាចទឹកប្រាក់របស់អ្នកមានទ្រព្យសម្បត្តិនិងអ្នកមានអំណាច
ដោយមើលឃើញថា មន្ត្រីរាជការគ្រប់ជាន់ថ្នាក់ដែលមានតួនាទីនៅក្នុងរដ្ឋាភិបាលបានក្លាយជាឧបករណ៍បម្រើគណបក្សកាន់អំណាច ហើយរួមចំណែកយ៉ាងសំខាន់ក្នុងការធ្វើឲ្យរដ្ឋាភិបាលអសមត្ថភាព និងអប្រសិទ្ធភាព ក្នុងការបម្រើប្រជាពលរដ្ឋដែលជាម្ចាស់ប្រទេស
ដោយមើលឃើញថាសីលធម៌សង្គមបានធ្លាក់ចុះយ៉ាងគំហុកជាពិសេសពាក់ព័ន្ធទៅនឹងសុចរិតភាពនៃទង្វើរបស់ប្រជាពលរដ្ឋនិងការទទួលខុសត្រូវរបស់ខ្លួនក្នុងក្របខ័ណ្ឌបុគ្គលជាសមាជិកគ្រួសារនិងជាប្រជាពលរដ្ឋរបស់ប្រទេសជាតិ
ដោយមើលឃើញថា កម្ពុជាកំពុងតែស្ថិតនៅក្រោមការគំរាមកំហែងយ៉ាងពិតប្រាកដនៃការបាត់ទឹកដីនិងជាតិសាសន៍ពីសំណាក់ប្រទេសជិតខាង
ដោយយល់ឃើញថា បញ្ហាទាំងអស់ដូចបានរៀបរាប់ខាងលើនេះកើតចេញពីប្រព័ន្ធនៃការគ្រប់គ្រងប្រទេសដោយអំណាចប្រមូលផ្ដុំទៅលើបុគ្គលតែម្នាក់ ឬមួយក្រុមតូច ធ្វើឱ្យស្ថាប័នជាតិអសមត្ថភាព និងអប្រសិទ្ធភាព
ដោយយល់ឃើញថា ការដឹកនាំតាមប្រព័ន្ធអំណាចប្រមូលផ្ដុំ នឹងនៅតែបន្តពីមួយជំនាន់ទៅមួយជំនាន់ទៀត ដោយសារតែភាពអសកម្មរបស់ប្រជាពលរដ្ឋភាគច្រើនក្នុងការមិនចូលរួមក្នុងចលនានយោបាយ និងមួយចំនួនទៀតចូលរួមដោយគ្មានការយល់ដឹង
ដោយយល់ឃើញថាមានតែការផ្លាស់ប្ដូរផ្នត់គំនិត និងការផ្លាស់ប្ដូរប្រព័ន្ធដឹកនាំរដ្ឋបែបការពង្រាយអំណាចទេទើបអាចដោះស្រាយបញ្ហាទាំងអស់ខាងលើបាន

គណបក្សសម្ព័ន្ធដើម្បីប្រជាធិបតេយ្យត្រូវបានទទួលស្គាល់ដោយសេចក្ដីប្រកាសរបស់ក្រសួងមហាផ្ទៃលេខ ៧៩១ប្រ.ក ចុះថ្ងៃទី២៦ខែ មិថុនា ឆ្នាំ២០០៦ ហើយមានគោលដៅ និងសកម្មភាពនយោបាយដូចខាងក្រោម។

គណបក្សសម្ព័ន្ធដើម្បីប្រជាធិបតេយ្យកំណត់យកអត្តសញ្ញាណចំនួនបួនគឺ៖

១. គោលដៅ

«មាតុភូមិមួយដែលពលរដ្ឋរស់នៅដោយស្មើភាពគ្នាជាម្ចាស់» ដែលនឹងត្រូវសម្រេចតាមរយៈ (១)«ការផ្លាស់ប្ដូរផ្នត់គំនិតរបស់ប្រជាពលរដ្ឋលើគោលធំៗបី» នៅដំណាក់កាលដំបូង និង(២)«ការប្រែក្លាយយន្តការប្រាំបីចំណុចឲ្យទៅជាច្បាប់» នៅដំណាក់កាលបន្ទាប់។

២. ចំណុចចាប់ផ្ដើម

ដើម្បីឈានទៅសម្រេចគោលដៅនៃការកសាង «មាតុភូមិមួយដែលពួកយើងរស់នៅដោយស្មើភាពគ្នាក្នុងភាពជាម្ចាស់» គ.ស.ប ចាប់ផ្ដើមសកម្មភាពនយោបាយរបស់ខ្លួនដោយការពន្យល់ប្រជាពលរដ្ឋអំពីគោលធំៗបី (ក)ប្រជាធិបតេយ្យ កិច្ចប្រតិបត្តិព្រះធម៌ និងសីលធម៌សង្គម និង(ខ)របៀបនៃការផ្លាស់ប្ដូរប្រព័ន្ធនៃការគ្រប់គ្រងរដ្ឋដោយអំណាចប្រមូលផ្ដុំ មកជាការគ្រប់គ្រងរដ្ឋដោយប្រព័ន្ធពង្រាយអំណាច តាំងពីថ្នាក់ជាតិរហូតដល់ថ្នាក់ក្រោមជាតិតាមរយៈការប្រែក្លាយយន្តការប្រាំបីចំណុចឲ្យទៅជាច្បាប់។

ក. ការពន្យល់ប្រជាពលរដ្ឋឲ្យផ្លាស់ប្ដូរផ្នត់គំនិតលើគោលធំៗបី

ការផ្លាស់ប្ដូរផ្នត់គំនិតប្រជាពលរដ្ឋលើគោលធំៗបី ប្រជាធិបតេយ្យ កិច្ចប្រតិបត្តិព្រះធម៌ និងសីលធម៌សង្គមគឺជាបេសកកម្មអចិន្ត្រៃយ៍របស់ គ.ស.ប សម្រាប់ជំរុញប្រជាពលរដ្ឋខ្មែរឱ្យក្លាយជាប្រជាពលរដ្ឋសកម្ម និងទទួលខុសត្រូវចំពោះកិច្ចការប្រទេសជាតិជាប់ជាប្រចាំ ដូចជាប្រជាពលរដ្ឋនៅក្នុងអារ្យប្រទេស។

ក.១. ការផ្លាស់ប្ដូរផ្នត់គំនិតប្រជាពលរដ្ឋអំពីប្រជាធិបតេយ្យ

អ្នកនយោបាយបានបោកប្រាស់ប្រជាពលរដ្ឋខ្មែរឲ្យវង្វេង បាត់បង់ទ្រព្យសម្បត្តិ និងអាយុជីវិតជាច្រើនជំនាន់មកហើយដើម្បីឲ្យខ្លួនបានឡើងកាន់អំណាចក្រោមលេសប្រជាធិបតេយ្យដែលជាហេតុធ្វើឲ្យប្រជាពលរដ្ឋយល់ឃើញថា ការធ្វើនយោបាយគឺជាមុខរបររបស់មនុស្សមួយក្រុមផ្សេងទៀត។ គ.ស.ប ពន្យល់ប្រជាពលរដ្ឋឲ្យយល់ថា នយោបាយគឺជាកិច្ចការរបស់មនុស្សគ្រប់រូប ហើយជាកិច្ចការត្រូវអនុវត្តជាប់ជាប្រចាំក្នុងនាមជាប្រជាពលរដ្ឋម្ចាស់ប្រទេសដើម្បីជ្រើសរើសបានអ្នកនយោបាយដែលមានមនោសុចរិតជួយសង្គ្រោះមនុស្សទូទៅឲ្យរួចផុតពីស្ថានភាពអាក្រក់ និង/ឬពីការគ្រប់គ្រងប្រទេសដោយអំណាចប្រមូលផ្ដុំ។

គ.ស.ប ពន្យល់ប្រជាពលរដ្ឋឲ្យយល់ដឹងជាទូទៅថា លុះណាតែប្រជាពលរដ្ឋមានសម្មាទិដ្ឋិថា ខ្លួនត្រូវមានចំណេះដឹងច្បាស់លាស់លើ (១)និយមន័យប្រជាធិបតេយ្យ (២)ធាតុផ្សំចាំបាច់នៃសង្គមប្រជាធិបតេយ្យ (៣)ដំណើរការប្រជាធិបតេយ្យ និងជាពិសេស (៤)កាតព្វកិច្ចចូលរួមមិនអាចខ្វះបានរបស់ពួកគាត់ក្នុងការបង្កើតសង្គមប្រជាធិបតេយ្យឲ្យស្របតាមគតិរបស់ប្រធានាធិបតីសហរដ្ឋអាមេរិកAbraham Lincoln (កំឡុងឆ្នាំ១៨៦១-១៨៦៥) ដែលថា «រដ្ឋាភិបាលប្រជាធិបតេយ្យ គឺជារដ្ឋាភិបាលដែលបង្កើតឡើងដោយប្រជាពលរដ្ឋរបស់ប្រជាពលរដ្ឋនិងដើម្បីបម្រើប្រជាពលរដ្ឋ» ទើបសង្គមប្រជាធិបតេយ្យអាចនឹងកើតឡើងនៅក្នុងមាតុភូមិរបស់យើង និងជាពលករសម្រាប់ជំរុញឲ្យមានការអភិវឌ្ឍប្រទេសតាមការចង់បានរបស់ប្រជាពលរដ្ឋភាគច្រើននៅក្នុងសង្គម។

ដើម្បីឲ្យប្រជាពលរដ្ឋផ្លាស់ប្ដូរផ្នត់គំនិតអំពីប្រជាធិបតេយ្យ គ.ស.ប

ពន្យល់ប្រជាពលរដ្ឋអំពី (១)សង្គមប្រជាធិបតេយ្យ (២)របៀបបង្កើតសង្គមប្រជាធិបតេយ្យ និង (៣)ផលសង្គមប្រជាធិបតេយ្យ
ពន្យល់ប្រជាពលរដ្ឋឲ្យយល់ដឹង (១)អំពីសិទ្ធិរបស់គាត់ក្នុងនាមជាម្ចាស់ប្រទេស (២)ករណីយកិច្ចក្នុងភាពជាម្ចាស់ក្នុងការចូលរួមកសាងប្រទេស និង(៣)អំណាចដែលខ្លួនត្រូវមានដើម្បីអនុវត្តសិទ្ធិ
ពន្យល់ប្រជាពលរដ្ឋឲ្យយល់ដឹងអំពី (១)គោលដៅ (២)ចំណុចចាប់ផ្ដើម (៣)ឥរិយាបថនយោបាយ និង(៤)ធនធានមនុស្សនៃការធ្វើនយោបាយរបស់គ.ស.បដើម្បីបង្កើតសង្គមប្រជាធិបតេយ្យ
ពន្យល់ប្រជាពលរដ្ឋឲ្យចូលរួមជាមួយ គ.ស.ប ដើម្បីបញ្ចប់ការធ្វើនយោបាយ (១)ដោយការដើរតាម (២)ដោយការស្រលាញ់ និង(៣)ដោយការដឹងគុណមកជាការធ្វើនយោបាយដោយការរួមគិតរួមធ្វើរួមទទួលខុសត្រូវ ស្របតាមបាវចនារបស់ គ.ស.ប
ពន្យល់ប្រជាពលរដ្ឋអំពីវិធានការដើម្បីបំបែកអំណាចប្រមូលផ្ដុំ ដែលជាប្រភពនៃបញ្ហាសព្វបែបយ៉ាងនៅកម្ពុជាគឺ«យន្តការប្រាំបីចំណុច» ដែលមានខ្លឹមសារសង្ខេបនៅផ្នែកខាងក្រោម

ប្រជាធិបតេយ្យគឺជាអំណោយដ៏ពិសិដ្ឋសម្រាប់អភិវឌ្ឍន៍ប្រទេសជាតិ ប៉ុន្តែដើម្បីទាញយកប្រយោជន៍ពីប្រជាធិបតេយ្យប្រជាពលរដ្ឋត្រូវតែផ្លាស់ប្ដូរផ្នត់គំនិតរបស់ខ្លួនពីការទន្ទឹងរង់ចាំប្រជាធិបតេយ្យពីមេដឹកនាំ មកជាការចូលរួមយ៉ាងសកម្មដោយការយល់ដឹង ភ្លឺស្វាង និងការទទួលខុសត្រូវជាប្រចាំក្នុងសកម្មភាពនយោបាយក្នុងប្រទេសជាតិ ជាពិសេសការចូលរួមបំបែកអំណាចរដ្ឋតាមរយៈការដាក់ឱ្យអនុវត្តនូវច្បាប់ដែលបង្កើតចេញពីយន្តការប្រាំបីចំណុចរបស់ គ.ស.ប។

ក.២. ការផ្លាស់ប្ដូរផ្នត់គំនិតប្រជាពលរដ្ឋអំពីកិច្ចបដិបត្តិព្រះធម៌

ព្រះធម៌គឺជាមេរៀនត្រាស់ដឹងរបស់ព្រះពុទ្ធប៉ុន្តែការបដិបត្តិព្រះធម៌ត្រឹមតែជាសាសនាឬជំនឿតាមរយៈពាក្យ «បុណ្យ» ឬ «ធ្វើបុណ្យ»ដូចសព្វថ្ងៃនេះ កំពុងតែនាំប្រជាពលរដ្ឋខ្មែរឲ្យលិចលឹបលក់និងលង់ក្នុងការបដិបត្តិដែលរកប្រយោជន៍មិនបាននោះទេ។ អ្វីដែលធម្មកថិកផ្សព្វផ្សាយតាមរោងបុណ្យឬរលកធាតុអាកាស ដើម្បីនាំប្រជាពលរដ្ឋឲ្យធ្វើបុណ្យរាល់ថ្ងៃនេះមិនមែនជាការបង្រៀននិងបដិបត្តិព្រះធម៌ដែលស្របតាមខ្លឹមសារបង្រៀនរបស់ព្រះអង្គនោះទេ។ ធម្មកថិកភាគច្រើនសូត្រតាមគម្ពីរដែលមានលក្ខណៈត្រឹមតែជាជំនឿសាសនាដែលពុទ្ធបរិស័ទគោរពបូជាក្នុងពិធីបុណ្យនានាដើម្បីតែលាភសក្ការផ្ទាល់ខ្លួនតែប៉ុណ្ណោះ។ ដោយសារតែការបដិបត្តិព្រះធម៌ត្រឹមតែជាជំនឿសាសនាអារ្យធម៌រុងរឿងរបស់ខ្មែរបានធ្លាក់ចុះជាបន្តបន្ទាប់រហូតដល់មានការប្រល័យពូជសាសន៍អស់ជិតពីរលាននាក់ទៀតផងហើយទង្វើអសីលធម៌និងគំនិតអាត្មានិយមនេះកំពុងតែរីកដុះដាលក្នុងចំណោមប្រជាពលរដ្ឋខ្មែរគួរឲ្យព្រួយបារម្ភ។

មេរៀនត្រាស់ដឹងរបស់ព្រះពុទ្ធមានច្រើនអនេកប៉ុន្តែព្រះអង្គបានបង្រៀនមនុស្សលោកតែមួយចំនួនតូចតែប៉ុណ្ណោះដែលមានប្រយោជន៍សម្រាប់ពួកគាត់បដិបត្តិរកសាមញ្ញសុខនៅក្នុងជីវិតបច្ចុប្បន្ន។ គ.ស.បជ្រើសរើសមេរៀនត្រាស់ដឹងដែលព្រះពុទ្ធបានបង្រៀនតែមួយចំនួនតូចណា ដែលយើងយល់ថាមានសារប្រយោជន៍ធ្វើជាមូលដ្ឋានគ្រឹះចាំបាច់សម្រាប់សកម្មភាពពន្យល់ប្រជាពលរដ្ឋឲ្យមានការផ្លាស់ប្ដូរផ្នត់គំនិតអំពីជីវិត និងការគិតតែប្រយោជន៍បុគ្គលមកជាការគិតប្រយោជន៍រួមដើម្បីឲ្យមានការចូលរួម ដោយទឹកចិត្តក្នុងសកម្មភាពនយោបាយ ឈានទៅបង្កើតសង្គមប្រជាធិបតេយ្យ។

ដើម្បីឲ្យប្រជាពលរដ្ឋផ្លាស់ប្ដូរផ្នត់គំនិតលើការបដិបត្តិព្រះធម៌ គ.ស.ប

ពន្យល់ប្រជាពលរដ្ឋឲ្យបញ្ចប់ការចាត់ទុកព្រះធម៌ជាជំនឿសាសនាសម្រាប់ការសម្បូងសង្រូងសុំសេចក្ដីសុខសម្រាប់ជាតិក្រោយ
ពន្យល់ប្រជាពលរដ្ឋឲ្យដឹងពីភាពខុសគ្នារវាងព្រះធម៌ សាសនា ជំនឿ ទំនៀមទម្លាប់ ដើម្បីឲ្យប្រជាពលរដ្ឋមានបុព្វហេតុច្បាស់លាស់សម្រាប់ប្រព្រឹត្តទង្វើបុណ្យ
ពន្យល់ប្រជាពលរដ្ឋឲ្យមានមូលដ្ឋានពិចារណាថាទង្វើណាជាទង្វើបុណ្យ និងទង្វើណាជាទង្វើបាប ហើយហ៊ានក្រោកឡើងកម្ចាត់អំពើអាក្រក់ដែលបានពួនសម្ងំបំផ្លាញព្រះធម៌ជាយូរមកហើយ
ពន្យល់ប្រជាពលរដ្ឋឱ្យយល់អំពីរបៀបនៃការទាញយក់ផលប្រយោជន៍ពីកិច្ចបដិបត្តិព្រះធម៌ ដើម្បីធ្វើជាពលរដ្ឋល្អទាំងនៅក្នុងគ្រួសារ សហគមន៍ និងប្រទេសជាតិ

ព្រះធម៌គឺជាអំណោយដ៏ពិសិដ្ឋសម្រាប់អភិវឌ្ឍប្រទេសជាតិ ប៉ុន្តែដើម្បីទាញយកប្រយោជន៍ពីព្រះធម៌ ប្រជាពលរដ្ឋត្រូវតែផ្លាស់ប្ដូរផ្នត់គំនិតរបស់ខ្លួន ពីការបដិបត្តិបែបជំនឿដើម្បីជាតិក្រោយ មកជាការសិក្សាស្វែងយល់រកហេតុផលសម្រាប់ជីវិតរស់នៅក្នុងពេលបច្ចុប្បន្ន។ ផ្អែកលើស្ថានភាពបច្ចុប្បន្នរបស់ប្រទេសជាតិ គ.ស.ប យល់ឃើញថាគ្មានទង្វើណាដែលធ្វើឲ្យចម្រើន «បុណ្យ» បានច្រើនជាងទង្វើជួយស្រោចស្រង់ជាតិដោយដួងចិត្តសង្គ្រោះប្រាស់ចាកភាពអាត្មានិយមនោះទេ។

ក.៣. ការផ្លាស់ប្ដូរផ្នត់គំនិតប្រជាពលរដ្ឋអំពីសីលធម៌សង្គម

អសីលធម៌វិជ្ជាជីវៈ ឬកង្វះក្រមសីលធម៌វិជ្ជាជីវៈគឺជាទង្វើដែលប្រព្រឹត្តដោយប្រជាពលរដ្ឋទូទៅដែលផ្ដល់សេវាឲ្យប្រជាពលរដ្ឋផ្សេងទៀត មិនថាសេវានោះជាសេវាកំប៉ិកកំប៉ុក ដូចជាកសិករដាំដំណាំ មន្ត្រីរាជការគ្រប់លំដាប់ និងគ្រប់វិស័យ មិនថាគ្រូបង្រៀន វេជ្ជបណ្ឌិត នគរបាល មន្ត្រីតុលាការ ភ្នាក់ងារពន្ធដារ មន្ត្រីអន្តោប្រវេសន៍។ល។ ឬបញ្ហាធំដុំដូចជាការឃុបឃិតក្នុងចំណោមអ្នកមានអំណាចខ្លះក្នុងការបំផ្លាញសម្បត្តិវប្បធម៌ជាតិខ្មែរ ឬបំផ្លាញជាតិសាសន៍ខ្មែរ។ ដោយសារកង្វះក្រមសីលធម៌វិជ្ជាជីវៈ ការទទួលខុសត្រូវនិងការអនុវត្តច្បាប់ធូររលុង ប្រជាពលរដ្ឋភាគច្រើន សុទ្ធតែបានចូលរួមបំផ្លិចបំផ្លាញជាតិខ្មែរ និងពូជសាសន៍ខ្មែរម្នាក់បន្តិចៗ តាមគ្រប់រូបភាព និងស្ថានភាពរៀងៗខ្លួន ដោយដឹងខ្លួន ឬដោយមិនដឹងខ្លួន។

នៅពេលការអនុវត្តច្បាប់មានលក្ខណៈធូររលុង និងគ្មានការដាក់ពិន័យឲ្យបានត្រឹមត្រូវ និងយុត្តិធម៌ចំពោះការរំលោភបំពានច្បាប់ជាពិសេសដោយមន្ត្រីរាជការគ្រប់លំដាប់ និងគ្រប់វិស័យដូចបច្ចុប្បន្ននេះការពន្យល់ប្រជាពលរដ្ឋឲ្យស្គាល់ថាអ្វីជាអំពើល្អដែលខ្លួនគួរមានចំពោះខ្លួនឯង ចំពោះគ្រួសារ និងចំពោះសង្គមគឺជាការចាំបាច់និងដើម្បីឲ្យពួកគាត់មានបុព្វហេតុច្បាស់លាស់ដើម្បីរស់នៅឲ្យបានជាប្រយោជន៍សម្រាប់ខ្លួនឯងផង និងសម្រាប់សង្គមផង។ ការពង្រឹងសីលធម៌ឲ្យប្រជាពលរដ្ឋខ្មែរម្នាក់ៗប្រកាន់ និងបដិបត្តិជាប់ជានិច្ចនូវធម៌ពីរ របស់ព្រះសម្មាសម្ពុទ្ធ គឺការវៀរចាកនូវការប្រព្រឹត្តិអំពើអាក្រក់ និងការប្រព្រឹត្តតែអំពើល្អ គឺជាធម៌យ៉ាងមានប្រសិទ្ធភាពសម្រាប់ការបំពេញការងារប្រកបដោយ សីលធម៌វិជ្ជាជីវៈ និងការទទួលខុសត្រូវ។

ដើម្បីឲ្យប្រជាពលរដ្ឋផ្លាស់ប្ដូរផ្នត់គំនិតលើសីលធម៌សង្គម គ.ស.ប

ពន្យល់ប្រជាពលរដ្ឋឲ្យស្គាល់តម្លៃពិតនៃជីវិត បុព្វហេតុនៃជីវិត និងការលះបង់ជីវិតដើម្បីបុព្វហេតុមាតុភូមិ និងពូជសាសន៍ខ្មែរ ដោយប្រាស់ចាកភាពអាត្មានិយម
ពន្យល់ប្រជាពលរដ្ឋឲ្យមានសាមគ្គីភាពគ្នារវាងពលរដ្ឋ និងពលរដ្ឋ ដោយឈរលើផលប្រយោជន៍រួម និងមនោសុចរិតនៃការជួយគ្នាទៅវិញទៅមក
ពន្យល់ប្រជាពលរដ្ឋអំពីកាតព្វកិច្ចរបស់ពួកគាត់ ក្នុងភាពជាសមាជិកគ្រួសារ សហគមន៍ និងសង្គម ដើម្បីឲ្យពួកគាត់រួមគ្នាដេញកម្ចាត់ភាពអសកម្មរបស់ពលរដ្ឋផ្សេងទៀតនៅក្នុងសង្គម
ពន្យល់ប្រជាពលរដ្ឋឱ្យចេះកត់សម្គាល់នូវភាពខុសគ្នារវាងទង្វើបោកប្រាស់ និងទង្វើជួយសង្គ្រោះ ជាពិសេសទង្វើរបស់អ្នកនយោបាយ

ខ.ការពន្យល់ប្រជាពលរដ្ឋអំពីយន្តការប្រាំបីចំណុច

គោលនយោបាយគន្លឹះ និងជាបេសកកម្មជាអចិន្ត្រៃយ៍របស់ គ.ស.ប សម្រាប់បំបែកការដឹកនាំរដ្ឋពីប្រព័ន្ធអំណាចប្រមូលផ្តុំដូចរដ្ឋាភិបាលបច្ចុប្បន្នមកជាការដឹកនាំដោយប្រព័ន្ធពង្រាយអំណាច គឺយន្តការប្រាំបីចំណុចដែលមានខ្លឹមសារដូចខាងក្រោម៖

ខ.១.ត្រូវកំណត់អាណត្តិនាយករដ្ឋមន្ត្រីត្រឹមពីរអាណត្តិ

វិធានការនេះគឺដើម្បីជៀសវាងកុំឲ្យនាយករដ្ឋមន្ត្រីមានឱកាសបង្កើតបណ្ដាញខ្សែរយៈគ្រួសារបក្សពួកក្នុងគ្រប់ស្ថាប័នរដ្ឋហើយសំដៅទៅពង្រឹងអំណាចរហូតដល់បង្កើតរបបផ្ដាច់ការបក្សពួកក្រុមគ្រួសារនិយមបំផ្លាញផលប្រយោជន៍ជាតិនិងប្រជាពលរដ្ឋ។

ខ.២.នាយករដ្ឋមន្ត្រីមិនត្រូវបានអនុញ្ញាតឲ្យបង្កើតក្រុមអង្គរក្សដោយខ្លួនឯង

ការបង្កើតក្រុមអង្គរក្សដោយខ្លួនឯងគឺស្មើនឹងការបង្កើតក្រុមប្រដាប់អាវុធមួយដែលអ្នកគ្រប់គ្រងអាចមានលទ្ធភាពបម្រើមហិច្ឆតាគាបសង្កត់ឬគំរាមកំហែងប្រជាពលរដ្ឋដើម្បីបន្តក្រាញក្នុងអំណាចរបស់ខ្លួន។

ខ.៣.នាយករដ្ឋមន្ត្រីត្រូវរស់នៅក្នុងនិវេសនដ្ឋានដែលផ្ដល់ដោយរដ្ឋ

វិធានការនេះជួយការពារសន្តិសុខ និងទំនុកបម្រុងជីវភាពគ្រួសារនាយករដ្ឋមន្ត្រីប្រកបដោយសុខុមាលភាព និងសេចក្ដីថ្លៃថ្នូរបង្កលក្ខណៈងាយស្រួលឲ្យនាយករដ្ឋមន្ត្រីបំពេញការងារដើម្បីបម្រើប្រទេសជាតិដោយការទទួលខុសត្រូវខ្ពស់។ វិធានការនេះក៏ទប់ស្កាត់នាយករដ្ឋមន្ត្រីកុំឲ្យគាត់អាចរៀបចំគេហដ្ឋានឲ្យក្លាយជាបន្ទាយទាហានដើម្បីការពារគាត់ និងក្រុមគ្រួសាររបស់គាត់។

ខ.៤.បង្កើតតុលាការរដ្ឋបាល

វិធានការនេះគឺសម្រាប់បង្កលក្ខណៈងាយស្រួលឲ្យប្រជាពលរដ្ឋប្ដឹងចំពោះទង្វើមិនសមស្របឬទង្វើរំលោភបំពានរបស់មន្ត្រីរាជការក្នុងការបំពេញការងារឬអាចឲ្យប្រជាពលរដ្ឋប្ដឹងទៅស្ថាប័ននេះឲ្យពិនិត្យលើភាពមិនប្រក្រតីនៃលិខិតស្នាមឬសេចក្ដីសម្រេចផ្សេងៗដែលចេញដោយអង្គភាពរដ្ឋបាលសាធារណៈគ្រប់លំដាប់។

ខ.៥.ឋានន្តរសក្ដិចាប់ពីឧត្ដមសេនីយ៍យោធា និងនគរបាលត្រូវសុំសេចក្ដីទុកចិត្តពីសភា

វិធានការនេះគឺសម្រាប់ឲ្យសភាដែលជាតំណាងរបស់ប្រជាពលរដ្ឋអាចមានឥទ្ធិពលទៅលើនាយទាហាននិងនាយនគរបាលជាន់ខ្ពស់ដែលជាអ្នកបញ្ជាលើកងកម្លាំងប្រដាប់អាវុធដែលមានភារកិច្ចរក្សាបូរណភាពទឹកដីសន្តិសុខនិងស្ថិរភាពសង្គមហើយក៏អាចជួយទប់ស្កាត់មិនឲ្យមានការប្រើប្រាស់កងកម្លាំងប្រដាប់អាវុធជាឧបករណ៍ផ្ដាច់ការរបស់មេគណបក្សកាន់អំណាចផងដែរ។

ខ.៦.អព្យាក្រឹតមន្ត្រីរាជការ

វិធានការនេះគឺសម្រាប់ធានាការចាត់តាំងបែងចែកការងារដល់មន្ត្រីរាជការឲ្យចំជំនាញសមស្របតាមសមត្ថភាពនិងផ្ដល់នូវសេចក្ដីថ្លៃថ្នូរដល់មន្ត្រីរាជការដែលជាភ្នាក់ងាររបស់រដ្ឋនិងចៀសវាងកុំឲ្យមានការប្រើប្រាស់មន្ត្រីរាជការគ្រប់លំដាប់ជាឧបករណ៍ឃោសនានិងបម្រើផលប្រយោជន៍របស់គណបក្សកាន់អំណាច។

ខ.៧.ប្រជាពលរដ្ឋបោះឆ្នោតដោយផ្ទាល់ជ្រើសរើសរឺទម្លាក់តំណាងឃុំ-សង្កាត់/ក្រុង-ស្រុក-ខណ្ឌ/ ខេត្ត-រាជធានី

វិធានការនេះធ្វើឲ្យតំណាងពលរដ្ឋគ្រប់លំដាប់ថ្នាក់ទទួលខុសត្រូវផ្ទាល់ និងចំពោះមុខប្រជាពលរដ្ឋដែលជាម្ចាស់អំណាចហើយក៏ជួយកាត់ផ្ដាច់ខ្សែរយៈបក្សពួកពីថ្នាក់ជាតិដល់មូលដ្ឋានដែលជាចំណុចផ្ដើមនៃការបង្កើតបណ្ដាញនៃអំណាចផ្ដាច់ការ។

ខ.៨.ប្រើប្រព័ន្ធឯកត្តនាម(ប្រព័ន្ធបោះឆ្នោតចំមុខ)សម្រាប់ការបោះឆ្នោតជ្រើសរើសតំណាងរាស្ត្រ

វិធានការនេះគឺកាត់បន្ថយយ៉ាងខ្លាំងនូវឥទ្ធិពលរបស់មេបក្សទៅលើតំណាងរាស្ត្រ ពីព្រោះប្រព័ន្ធនេះផ្ដល់អំណាចឲ្យប្រជាពលរដ្ឋរើសតំណាងរាស្ត្រ មិនមែនរើសដោយមេបក្សទេ។ ឥទ្ធិពលមេបក្សដែលរើសតំណាងរាស្ត្រអាចធ្វើឲ្យតំណាងរាស្ត្របាត់ឯករាជ្យភាពខ្វល់ខ្វាយតែផលប្រយោជន៍បក្សខ្លួនជាជាងគិតគូរដល់ផលប្រយោជន៍ប្រជាពលរដ្ឋដែលជាម្ចាស់ប្រទេស។ ប្រព័ន្ធនេះនឹងជួយឲ្យតំណាងរាស្ត្រមានឯករាជ្យភាពនិងសេរីភាពគ្រប់គ្រាន់ដោយគ្មានរងសម្ពាធពីជនមានឥទ្ធិពលណាម្នាក់ធ្វើឲ្យពួកគាត់អាចបំពេញការងារជួយកែតម្រង់រដ្ឋាភិបាលយ៉ាងមានប្រសិទ្ធភាព និងរៀបចំធ្វើច្បាប់ណាដែលបម្រើផលប្រយោជន៍ជាតិនិងផលប្រយោជន៍ប្រជាពលរដ្ឋ។

៣. ឥរិយាបថនយោបាយ

ការធ្វើនយោបាយដោយន័យត្រឹមត្រូវ គឺជាការងាររបស់បុគ្គលដែលចង់បម្រើប្រជាពលរដ្ឋ និងអភិវឌ្ឍន៍ប្រទេស តាមទស្សនវិស័យនៃការដឹកនាំរដ្ឋរបស់ខ្លួន។ ដូច្នេះ អ្នកធ្វើនយោបាយត្រូវតែជាបុគ្គលដែលមានសុចរិតភាពជាបាតគ្រឹះ ឆ្លុះបញ្ចាំងទាំងអត្តចរិតនិងឧត្ដមគតិរបស់បុគ្គលនោះ។ គណបក្សសម្ព័ន្ធដើម្បីប្រជាធិបតេយ្យប្រកាន់ខ្ជាប់ជានិច្ចទាំងទិសស្លោកដែលថា «ដាក់ខ្លួនឲ្យទាបឫកពាឲ្យសុភាព តែការងារឲ្យណាស់» និងទាំងមនោគមវិជ្ជាដែលថា «យើងបង្កើតបក្សនេះឡើងដើម្បីជាតិ និងមិនយកប្រយោជន៍ជាតិដើម្បីបក្សឡើយ»។

៤. ធនធានមនុស្ស

កម្លាំងស្នូលរបស់ គ.ស.ប ដើម្បីឈានទៅសម្រេចគោលដៅខាងលើ គឺជាអ្នកដែលយល់ដឹងអំពីតម្លៃពិតប្រាកដនៃជីវិត ហើយមានបេះដូងជាអ្នកជួយសង្គ្រោះអ្នកដទៃ ដោយប្រាស់ចាកភាពអាត្មានិយមផង និងយល់ដឹងអំពីប្រភពពិតប្រាកដនៃបញ្ហាសង្គមខ្មែរ មានទស្សនវិស័យភ្លឺស្វាង និងការអធិដ្ឋានខ្ពស់ដើម្បីប្រែក្លាយទស្សនវិស័យរបស់ខ្លួនទៅជាវិធានការប្រាកដនិយមដើម្បីដោះស្រាយបញ្ហាសង្គមផង។

សរុបសេចក្តីមកយុទ្ធសាស្ត្ររយៈពេលខ្លីរបស់ គ.ស.ប នឹងត្រូវបានសម្រេច បន្ទាប់ពីប្រជាពលរដ្ឋមានការផ្លាស់ប្ដូរផ្នត់គំនិតលើគោលធំៗទាំងបី និងរបៀបនៃការដឹកនាំរដ្ឋតាមប្រព័ន្ធពង្រាយអំណាច។ ជាលទ្ធផល ប្រជាពលរដ្ឋនឹងបោះឆ្នោតគាំទ្រគណបក្សសម្ព័ន្ធដើម្បីប្រជាធិបតេយ្យ ឱ្យមានសំឡេងគាំទ្រគ្រប់គ្រាន់ដើម្បីឱ្យ គ.ស.ប មានលទ្ធភាពទៅសម្រេចយុទ្ធសាស្ត្ររយៈពេលមធ្យមរបស់ខ្លួន គឺ «ការបង្កើតច្បាប់ចេញពីយន្តការប្រាំបីចំណុច»ដើម្បីធ្វើឱ្យអំណាចរដ្ឋទាំងបីមានតុល្យភាពគ្នា (Checks and Balances)។

នៅពេលយន្តការប្រាំបីចំណុចត្រូវបានប្រែក្លាយទៅជាច្បាប់សម្រាប់គ្រប់គ្រងរដ្ឋ គោលដៅរួមរបស់ គ.ស.ប «មាតុភូមិមួយដែលពួកយើងរស់នៅដោយស្មើភាពគ្នាក្នុងភាពជាម្ចាស់» នឹងត្រូវឈានទៅសម្រេចជាបណ្ដើរៗតាមរយៈប្រព័ន្ធគ្រប់គ្រងរដ្ឋមួយដែល៖

ធានាឲ្យមានតុល្យភាពអំណាចទាំងបី គឺអំណាចនីតិប្បញ្ញត្តិ អំណាចនីតិប្រតិបត្តិ និងអំណាចតុលាការ
ធានាឲ្យមានតុល្យភាពរវាងអំណាចរដ្ឋ និងអំណាចពលរដ្ឋ
ជាយន្តការរំដោះតំណាងរាស្ត្រ (សមាជិករដ្ឋសភា) និងមន្ត្រីរាជការចេញពីក្រញាំមេបក្ស
បង្កលក្ខណៈឲ្យពលរដ្ឋគ្រប់រូបមកពីគ្រប់និន្នាការនយោបាយ មានឱកាសចូលរួមបង្កើតសង្គមប្រជាធិបតេយ្យពិតប្រាកដ ដែលពលរដ្ឋរស់នៅដោយស្មើភាពគ្នាក្នុងភាពជាម្ចាស់
បញ្ចប់វប្បធម៌បែងចែកបក្សនយោបាយ នៅតាមស្ថាប័នរដ្ឋ និងនៅតាមមូលដ្ឋាន ក្នុងចំណោមប្រជាពលរដ្ឋ ឬមន្ត្រីរាជការ
បញ្ចប់វប្បធម៌នៃការគិតថា នយោបាយគឺជាកិច្ចការចិញ្ចឹមជីវិតរបស់អ្នកនយោបាយ ឬរបស់អ្នកធំដែលកំពុងតែកាន់កាប់អំណាចរដ្ឋ
ជាប្រព័ន្ធសម្រាប់សម្រិតសម្រាំងយកតែអ្នកមានបេះដូងសុចរិតចង់ជួយអ្នកដទៃ និងមានទស្សនវិស័យភ្លឺស្វាងសម្រាប់ការអភិវឌ្ឍជាតិឱ្យមកធ្វើជាអ្នកនយោបាយ
ធានាឲ្យប្រជាពលរដ្ឋប្រកបរបរចិញ្ចឹមជីវិតដោយគ្មានការគាបសង្កត់ ដោយគ្មានអំពើពុករលួយដោយឱកាស(កាលានុវត្តភាព)ស្មើភាពគ្នា និងទទួលបានផលទៅតាមកម្លាំងកាយ កម្លាំងប្រាជ្ញា និងទុនវិនិយោគរៀងៗខ្លួន
ធានាឲ្យមានសណ្ដាប់ធ្នាប់សង្គមនៅចំពោះមុខច្បាប់ ទាំងកិច្ចការងាររដ្ឋ និងកិច្ចការជំនួញធំតូចទាំងអស់
ក្លាយជាមរតកគ្រប់គ្រងសង្គម ដែលផ្ដល់សេចក្ដីសុខ និងរីកចម្រើនដល់កូនខ្មែរលើគ្រប់វិស័យ គ្រប់ជំនាន់ទៅថ្ងៃមុខ
ជាមធ្យោបាយទប់ស្កាត់មិនឲ្យកម្ពុជាក្លាយជាប្រទេសដែលរងការគំរាមកំហែងពីការបាត់បង់ទឹកដី ឬពូជសាសន៍ពីសំណាក់ប្រទេសជិតខាង

ប្រភពព័ត៌មាន៖ វិទ្យុអាស៊ីសេរី

គណបក្សសម្ព័ន្ធដើម្បីប្រជាធិបតេយ្យ

បញ្ចូលព័ត៌មានដោយ៖Unknown No comments

ដោយមើលឃើញថា ភាពអយុត្តិធម៌ក្នុងប្រព័ន្ធតុលាការបណ្ដាលឲ្យមនុស្សល្អត្រូវទទួលរងនូវការចាញ់ក្ដីទាំងបំពាន និងច្បាស់ក្រឡែតដោយអំណាចទឹកប្រាក់របស់អ្នកមានទ្រព្យសម្បត្តិនិងអ្នកមានអំណាច
ដោយមើលឃើញថា មន្ត្រីរាជការគ្រប់ជាន់ថ្នាក់ដែលមានតួនាទីនៅក្នុងរដ្ឋាភិបាលបានក្លាយជាឧបករណ៍បម្រើគណបក្សកាន់អំណាច ហើយរួមចំណែកយ៉ាងសំខាន់ក្នុងការធ្វើឲ្យរដ្ឋាភិបាលអសមត្ថភាព និងអប្រសិទ្ធភាព ក្នុងការបម្រើប្រជាពលរដ្ឋដែលជាម្ចាស់ប្រទេស
ដោយមើលឃើញថាសីលធម៌សង្គមបានធ្លាក់ចុះយ៉ាងគំហុកជាពិសេសពាក់ព័ន្ធទៅនឹងសុចរិតភាពនៃទង្វើរបស់ប្រជាពលរដ្ឋនិងការទទួលខុសត្រូវរបស់ខ្លួនក្នុងក្របខ័ណ្ឌបុគ្គលជាសមាជិកគ្រួសារនិងជាប្រជាពលរដ្ឋរបស់ប្រទេសជាតិ
ដោយមើលឃើញថា កម្ពុជាកំពុងតែស្ថិតនៅក្រោមការគំរាមកំហែងយ៉ាងពិតប្រាកដនៃការបាត់ទឹកដីនិងជាតិសាសន៍ពីសំណាក់ប្រទេសជិតខាង
ដោយយល់ឃើញថា បញ្ហាទាំងអស់ដូចបានរៀបរាប់ខាងលើនេះកើតចេញពីប្រព័ន្ធនៃការគ្រប់គ្រងប្រទេសដោយអំណាចប្រមូលផ្ដុំទៅលើបុគ្គលតែម្នាក់ ឬមួយក្រុមតូច ធ្វើឱ្យស្ថាប័នជាតិអសមត្ថភាព និងអប្រសិទ្ធភាព
ដោយយល់ឃើញថា ការដឹកនាំតាមប្រព័ន្ធអំណាចប្រមូលផ្ដុំ នឹងនៅតែបន្តពីមួយជំនាន់ទៅមួយជំនាន់ទៀត ដោយសារតែភាពអសកម្មរបស់ប្រជាពលរដ្ឋភាគច្រើនក្នុងការមិនចូលរួមក្នុងចលនានយោបាយ និងមួយចំនួនទៀតចូលរួមដោយគ្មានការយល់ដឹង
ដោយយល់ឃើញថាមានតែការផ្លាស់ប្ដូរផ្នត់គំនិត និងការផ្លាស់ប្ដូរប្រព័ន្ធដឹកនាំរដ្ឋបែបការពង្រាយអំណាចទេទើបអាចដោះស្រាយបញ្ហាទាំងអស់ខាងលើបាន

គណបក្សសម្ព័ន្ធដើម្បីប្រជាធិបតេយ្យកំណត់យកអត្តសញ្ញាណចំនួនបួនគឺ៖

១. គោលដៅ

២. ចំណុចចាប់ផ្ដើម

ក. ការពន្យល់ប្រជាពលរដ្ឋឲ្យផ្លាស់ប្ដូរផ្នត់គំនិតលើគោលធំៗបី

ក.១. ការផ្លាស់ប្ដូរផ្នត់គំនិតប្រជាពលរដ្ឋអំពីប្រជាធិបតេយ្យ

ដើម្បីឲ្យប្រជាពលរដ្ឋផ្លាស់ប្ដូរផ្នត់គំនិតអំពីប្រជាធិបតេយ្យ គ.ស.ប

ពន្យល់ប្រជាពលរដ្ឋអំពី (១)សង្គមប្រជាធិបតេយ្យ (២)របៀបបង្កើតសង្គមប្រជាធិបតេយ្យ និង (៣)ផលសង្គមប្រជាធិបតេយ្យ
ពន្យល់ប្រជាពលរដ្ឋឲ្យយល់ដឹង (១)អំពីសិទ្ធិរបស់គាត់ក្នុងនាមជាម្ចាស់ប្រទេស (២)ករណីយកិច្ចក្នុងភាពជាម្ចាស់ក្នុងការចូលរួមកសាងប្រទេស និង(៣)អំណាចដែលខ្លួនត្រូវមានដើម្បីអនុវត្តសិទ្ធិ
ពន្យល់ប្រជាពលរដ្ឋឲ្យយល់ដឹងអំពី (១)គោលដៅ (២)ចំណុចចាប់ផ្ដើម (៣)ឥរិយាបថនយោបាយ និង(៤)ធនធានមនុស្សនៃការធ្វើនយោបាយរបស់គ.ស.បដើម្បីបង្កើតសង្គមប្រជាធិបតេយ្យ
ពន្យល់ប្រជាពលរដ្ឋឲ្យចូលរួមជាមួយ គ.ស.ប ដើម្បីបញ្ចប់ការធ្វើនយោបាយ (១)ដោយការដើរតាម (២)ដោយការស្រលាញ់ និង(៣)ដោយការដឹងគុណមកជាការធ្វើនយោបាយដោយការរួមគិតរួមធ្វើរួមទទួលខុសត្រូវ ស្របតាមបាវចនារបស់ គ.ស.ប
ពន្យល់ប្រជាពលរដ្ឋអំពីវិធានការដើម្បីបំបែកអំណាចប្រមូលផ្ដុំ ដែលជាប្រភពនៃបញ្ហាសព្វបែបយ៉ាងនៅកម្ពុជាគឺ«យន្តការប្រាំបីចំណុច» ដែលមានខ្លឹមសារសង្ខេបនៅផ្នែកខាងក្រោម

ក.២. ការផ្លាស់ប្ដូរផ្នត់គំនិតប្រជាពលរដ្ឋអំពីកិច្ចបដិបត្តិព្រះធម៌

ដើម្បីឲ្យប្រជាពលរដ្ឋផ្លាស់ប្ដូរផ្នត់គំនិតលើការបដិបត្តិព្រះធម៌ គ.ស.ប

ពន្យល់ប្រជាពលរដ្ឋឲ្យបញ្ចប់ការចាត់ទុកព្រះធម៌ជាជំនឿសាសនាសម្រាប់ការសម្បូងសង្រូងសុំសេចក្ដីសុខសម្រាប់ជាតិក្រោយ
ពន្យល់ប្រជាពលរដ្ឋឲ្យដឹងពីភាពខុសគ្នារវាងព្រះធម៌ សាសនា ជំនឿ ទំនៀមទម្លាប់ ដើម្បីឲ្យប្រជាពលរដ្ឋមានបុព្វហេតុច្បាស់លាស់សម្រាប់ប្រព្រឹត្តទង្វើបុណ្យ
ពន្យល់ប្រជាពលរដ្ឋឲ្យមានមូលដ្ឋានពិចារណាថាទង្វើណាជាទង្វើបុណ្យ និងទង្វើណាជាទង្វើបាប ហើយហ៊ានក្រោកឡើងកម្ចាត់អំពើអាក្រក់ដែលបានពួនសម្ងំបំផ្លាញព្រះធម៌ជាយូរមកហើយ
ពន្យល់ប្រជាពលរដ្ឋឱ្យយល់អំពីរបៀបនៃការទាញយក់ផលប្រយោជន៍ពីកិច្ចបដិបត្តិព្រះធម៌ ដើម្បីធ្វើជាពលរដ្ឋល្អទាំងនៅក្នុងគ្រួសារ សហគមន៍ និងប្រទេសជាតិ

ក.៣. ការផ្លាស់ប្ដូរផ្នត់គំនិតប្រជាពលរដ្ឋអំពីសីលធម៌សង្គម

ដើម្បីឲ្យប្រជាពលរដ្ឋផ្លាស់ប្ដូរផ្នត់គំនិតលើសីលធម៌សង្គម គ.ស.ប

ពន្យល់ប្រជាពលរដ្ឋឲ្យស្គាល់តម្លៃពិតនៃជីវិត បុព្វហេតុនៃជីវិត និងការលះបង់ជីវិតដើម្បីបុព្វហេតុមាតុភូមិ និងពូជសាសន៍ខ្មែរ ដោយប្រាស់ចាកភាពអាត្មានិយម
ពន្យល់ប្រជាពលរដ្ឋឲ្យមានសាមគ្គីភាពគ្នារវាងពលរដ្ឋ និងពលរដ្ឋ ដោយឈរលើផលប្រយោជន៍រួម និងមនោសុចរិតនៃការជួយគ្នាទៅវិញទៅមក
ពន្យល់ប្រជាពលរដ្ឋអំពីកាតព្វកិច្ចរបស់ពួកគាត់ ក្នុងភាពជាសមាជិកគ្រួសារ សហគមន៍ និងសង្គម ដើម្បីឲ្យពួកគាត់រួមគ្នាដេញកម្ចាត់ភាពអសកម្មរបស់ពលរដ្ឋផ្សេងទៀតនៅក្នុងសង្គម
ពន្យល់ប្រជាពលរដ្ឋឱ្យចេះកត់សម្គាល់នូវភាពខុសគ្នារវាងទង្វើបោកប្រាស់ និងទង្វើជួយសង្គ្រោះ ជាពិសេសទង្វើរបស់អ្នកនយោបាយ

ខ.ការពន្យល់ប្រជាពលរដ្ឋអំពីយន្តការប្រាំបីចំណុច

ខ.១.ត្រូវកំណត់អាណត្តិនាយករដ្ឋមន្ត្រីត្រឹមពីរអាណត្តិ

ខ.៣.នាយករដ្ឋមន្ត្រីត្រូវរស់នៅក្នុងនិវេសនដ្ឋានដែលផ្ដល់ដោយរដ្ឋ

ខ.៤.បង្កើតតុលាការរដ្ឋបាល

ខ.៦.អព្យាក្រឹតមន្ត្រីរាជការ

៣. ឥរិយាបថនយោបាយ

៤. ធនធានមនុស្ស

ធានាឲ្យមានតុល្យភាពអំណាចទាំងបី គឺអំណាចនីតិប្បញ្ញត្តិ អំណាចនីតិប្រតិបត្តិ និងអំណាចតុលាការ
ធានាឲ្យមានតុល្យភាពរវាងអំណាចរដ្ឋ និងអំណាចពលរដ្ឋ
ជាយន្តការរំដោះតំណាងរាស្ត្រ (សមាជិករដ្ឋសភា) និងមន្ត្រីរាជការចេញពីក្រញាំមេបក្ស
បង្កលក្ខណៈឲ្យពលរដ្ឋគ្រប់រូបមកពីគ្រប់និន្នាការនយោបាយ មានឱកាសចូលរួមបង្កើតសង្គមប្រជាធិបតេយ្យពិតប្រាកដ ដែលពលរដ្ឋរស់នៅដោយស្មើភាពគ្នាក្នុងភាពជាម្ចាស់
បញ្ចប់វប្បធម៌បែងចែកបក្សនយោបាយ នៅតាមស្ថាប័នរដ្ឋ និងនៅតាមមូលដ្ឋាន ក្នុងចំណោមប្រជាពលរដ្ឋ ឬមន្ត្រីរាជការ
បញ្ចប់វប្បធម៌នៃការគិតថា នយោបាយគឺជាកិច្ចការចិញ្ចឹមជីវិតរបស់អ្នកនយោបាយ ឬរបស់អ្នកធំដែលកំពុងតែកាន់កាប់អំណាចរដ្ឋ
ជាប្រព័ន្ធសម្រាប់សម្រិតសម្រាំងយកតែអ្នកមានបេះដូងសុចរិតចង់ជួយអ្នកដទៃ និងមានទស្សនវិស័យភ្លឺស្វាងសម្រាប់ការអភិវឌ្ឍជាតិឱ្យមកធ្វើជាអ្នកនយោបាយ
ធានាឲ្យប្រជាពលរដ្ឋប្រកបរបរចិញ្ចឹមជីវិតដោយគ្មានការគាបសង្កត់ ដោយគ្មានអំពើពុករលួយដោយឱកាស(កាលានុវត្តភាព)ស្មើភាពគ្នា និងទទួលបានផលទៅតាមកម្លាំងកាយ កម្លាំងប្រាជ្ញា និងទុនវិនិយោគរៀងៗខ្លួន
ធានាឲ្យមានសណ្ដាប់ធ្នាប់សង្គមនៅចំពោះមុខច្បាប់ ទាំងកិច្ចការងាររដ្ឋ និងកិច្ចការជំនួញធំតូចទាំងអស់
ក្លាយជាមរតកគ្រប់គ្រងសង្គម ដែលផ្ដល់សេចក្ដីសុខ និងរីកចម្រើនដល់កូនខ្មែរលើគ្រប់វិស័យ គ្រប់ជំនាន់ទៅថ្ងៃមុខ
ជាមធ្យោបាយទប់ស្កាត់មិនឲ្យកម្ពុជាក្លាយជាប្រទេសដែលរងការគំរាមកំហែងពីការបាត់បង់ទឹកដី ឬពូជសាសន៍ពីសំណាក់ប្រទេសជិតខាង