កញ្ញា ធី សុវណ្ណថា បដិសេធការបង្ហោះរូបភាពប្រមាថព្រះមហាក្សត្រថៃ(មានវីដេអូ)

បញ្ចូលព័ត៌មានដោយ៖Unknown on Tuesday, November 12, 2013 0

ក្រោយពេលតុលាការក្រុងឡាអេ ICJ បានប្រកាសសាលក្រមថា កម្ពុជាមានអធិបតេយ្យភាពលើទឹកដីជ្រោយភ្នំប្រាសាទព្រះវិហារនោះមក មានប្រជាពលរដ្ឋថៃជាច្រើនបានបង្ហាញសកម្មភាពជាច្រើនដើម្បីប្រឆាំងកម្ពុជា។ ដោយឡែកនៅកម្ពុជាឯណេះវិញ គេសង្កេតឃើញថា ទំព័រហ្វេសប៊ុកមួយដែលដាក់ឈ្មោះថា I Love Cambodia Hot News ដែលកន្លងមកគេស្គាល់ថា ជា ទំព័រ ដែលគាំទ្រពេញទំហឹងទៅលើគណបក្សសង្គ្រោះជាតិនោះ ទំព័រនេះបានបង្ហោះរូបភាព និងប្រើប្រាស់ពាក្យពេចន៌មួយចំនួនដែលប្រឆាំងតបត ទៅនឹងប្រជាជនថៃ ជាពិសេសគឺការប្រមាថព្រះមហាក្សត្រថៃ។

កញ្ញា ធី សុវណ្ណថា ប្រធានទំព័រ I Love Cambodia Hot News បានចេញមុខមកបកស្រាយ និងបដិសេធថា រាល់ពត៌មានដែលបានបង្ហោះលើទំព័រហ្វេសប៊ុក មិនពិតនោះ មិនមែនជាគោលបំណងរបស់ I Love Cambodia Not News នោះឡើយ។

កញ្ញាបញ្ជាក់ថា ទំព័រ I Love Cambodia Hot News មានតែមួយគត់ ហើយមានចំនួនអ្នក Like ច្រើនជាង ២៦ ម៉ឺននាក់។ កញ្ញាបានបញ្ជាក់ក្នុងហ្វេសប៊ុកថា «ពេលនេះនាងខ្ញុំបានត្រឡប់ មកចូលរូមជាមួយ I Love Cambodia Hot News វិញហើយ ដើម្បីជាតិខ្មែរយើង ! ហើយថ្ងៃនេះ នាងខ្ញុំបានឃើញរូបភាពដែលបង្ហោះពីការប្រមាថស្តេចថៃ ដោយផេកផ្សេង ដែលដាក់ឈ្មោះ I Love Cambodia Hot News ដែរ ក្នុងចេតនាញោះញង់អោយមានចលនាចលរវាងជាតិសាស្រ្តទាំងពីរ»។ សូមបញ្ជាក់ថា ក្រោយការប្រកាសសាលក្រមរបស់តុលាការក្រុងឡាអេរួចមក នាយករដ្ឋមន្ត្រីនៃប្រទេសទាំងពីរបានធ្វើការសន្យាថា និងខិតខំពង្រឹងទំនាក់ទំនង បញ្ជៀសរាល់បញ្ហាតាមតំបន់ព្រំដែន រក្សាសន្តិសុខសង្គមរៀងខ្លួន នេះបើតាមសេចក្តីថ្លែងការរបស់លោក នាយករដ្ឋមន្ត្រីកម្ពុជា លោក ហ៊ុន សែន កាលពីរាត្រីថ្ងៃទី ១១ វិច្ឆិកា ២០១៣៕

ប្រភពព័ត៌មាន៖ នាវា

បញ្ជាក់៖ រាល់អត្ថបទ និងរូបភាពដែលបានចុះផ្សាយទាំងនេះមិនមែនជាកម្មសិទ្ធិរបស់ Sampann IT ឡើយ ការចំលងផ្សព្វផ្សាយចែកចាយបន្ត គឺជាការទទួលខុសត្រូវរបស់សាម៉ីជន...សូមអរគុណ!!