រដ្ឋសភាឯកបក្សសម្រេចបើកកិច្ចប្រជុំពេញអង្គលើកដំបូងនៅថ្ងៃ១២ វិច្ឆិកា
បញ្ចូលព័ត៌មានដោយ៖Unknown
on Sunday, November 10, 2013
0
គណៈកម្មាធិការអចិន្ត្រៃយ៍រដ្ឋសភា បានសម្រេចនៅថ្ងៃសុក្រនេះថានឹងបើកកិច្ចប្រជុំពេញអង្គរបស់រដ្ឋសភា អាណត្តិទី៥លើកដំបូងនៅថ្ងៃទី ១២ វិច្ឆិកាសប្តាហ៍ក្រោយនេះ។ សម័យប្រជុំរដ្ឋសភាពេញអង្គនិងឯកបក្សលើកដំបូងនេះ មានរបៀបវារៈពីរដែលត្រូវអនុម័ត គឺសេចក្តីព្រាងច្បាប់ស្តីពីថវិកាឆ្នាំ ២០១៤ និងសេចក្តីព្រាងច្បាប់ ស្តីពីការបង្កើតក្រសួងមុខងារសាធារណៈ។
ទោះបីជាតំណាងរាស្ត្រជាប់ឆ្នោតគណបក្សសង្គ្រោះជាតិមិនចូលអង្គុយក្នុងសភាក៏ដោយ ក៏រដ្ឋសភាឯកបក្សដែលមានតែតំណាងរាស្ត្រ ៦៨ នាក់ របស់គណបក្សប្រជាជនកម្ពុជាត្រៀមដំណើរការសម័យប្រជុំពេញអង្គរបស់ខ្លួនហើយ។ បន្ទាប់ពីបើកកិច្ចប្រជុំនៅព្រឹកថ្ងៃសុក្រនេះ គណៈកម្មាធិការអចិន្ត្រៃយ៍រដ្ឋសភាបានសម្រេចបើកសម័យប្រជុំពេញអង្គរដ្ឋសភាអាណត្តិទី៥ លើកដំបូង នៅថ្ងៃទី ១២ វិច្ឆិកា ដើមសប្តាហ៍ក្រោយនេះ។
មានរបៀបវារៈសំខាន់ពីរដែលគណៈកម្មាធិការអចិន្ត្រៃយ៍សម្រេចដាក់ឲ្យអង្គសភាពិភាក្សានិងអនុម័ត នោះគឺសេចក្តីព្រាងច្បាប់ទាក់ទងនឹងកញ្ចប់ថវិកាសម្រាប់ដំណើរការរបស់រដ្ឋាភិបាលក្នុងឆ្នាំ ២០១៤ និងសេចក្តីព្រាងច្បាប់ស្តីពីការបង្កើតក្រសួងមុខងារសាធារណៈ។ នេះបើយោងតាមប្រភពពីមន្ត្រីរដ្ឋសភា។ សេចក្តីព្រាងច្បាប់ស្តីពីថវិកាជាតិឆ្នាំ ២០១៤ ត្រូវបានគណៈកម្មការជំនាញរបស់សភា ជជែកដេញដោលជាមួយតំណាងរដ្ឋាភិបាលរួចហើយកាលពីថ្ងៃទី ៦វិច្ឆិកាកន្លងទៅ មុននឹងបញ្ជូនទៅគណៈកម្មាធិការអចិន្ត្រៃយ៍។
សូមបញ្ជាក់ថា ក្នុងសេចក្តីព្រាងច្បាប់ថវិកាជាតិឆ្នាំ២០១៤ រដ្ឋាភិបាលគ្រោងចំណាយជាង ១៣លានលានរៀល ស្មើនឹងប្រមាណជិត ៣ ៤០០ លានដុល្លារអាមេរិក។ សេចក្តីព្រាងច្បាប់នេះត្រូវគេរំពឹងថា នឹងត្រូវរដ្ឋសភាអនុម័តនៅថ្ងៃទី១២វិច្ឆិកានេះដោយគ្មានឧបសគ្គ ទោះជាគ្មានការចូលរួមពីគណបក្សសង្គ្រោះជាតិក៏ដោយ។ គ្មានឧបសគ្គ ពីព្រោះតែការអនុម័តច្បាប់ថវិកាជាតិត្រូវការសំឡេងគាំទ្រភាគច្រើនដាច់ខាត ឬចំនួន ៥០ ភាគរយ បូក ១ តែប៉ុណ្ណោះ។ ដូច្នេះ សមាជិកសភាគណបក្សប្រជាជនកម្ពុជាចំនួន ៦៨ នាក់ គឺលើសពីតម្រូវការក្នុងការអនុម័តនេះ។
នៅក្នុងកិច្ចប្រជុំព្រឹកថ្ងៃសុក្រនេះដែរ គណៈកម្មាធិការអចិន្ត្រៃយ៍រដ្ឋសភាក៏បានសម្រេចអនុម័តសំណើរបស់រដ្ឋាភិបាលស្តីពីការបំបែកក្រសួងឧស្សាហកម្ម រ៉ែ និងថាមពល ជាពីរផងដែរ។ ប៉ុន្តែ សេចក្តីព្រាងច្បាប់នេះមិនទាន់ត្រូវបានគេដាក់បញ្ចូលក្នុងរបៀបវារៈសម្រាប់ពិភាក្សាក្នុងកិច្ចប្រជុំពេញអង្គនៅថ្ងៃទី ១២ វិច្ឆិកានេះនៅឡើយទេ៕
សូមបញ្ជាក់ថា ក្នុងសេចក្តីព្រាងច្បាប់ថវិកាជាតិឆ្នាំ២០១៤ រដ្ឋាភិបាលគ្រោងចំណាយជាង ១៣លានលានរៀល ស្មើនឹងប្រមាណជិត ៣ ៤០០ លានដុល្លារអាមេរិក។ សេចក្តីព្រាងច្បាប់នេះត្រូវគេរំពឹងថា នឹងត្រូវរដ្ឋសភាអនុម័តនៅថ្ងៃទី១២វិច្ឆិកានេះដោយគ្មានឧបសគ្គ ទោះជាគ្មានការចូលរួមពីគណបក្សសង្គ្រោះជាតិក៏ដោយ។ គ្មានឧបសគ្គ ពីព្រោះតែការអនុម័តច្បាប់ថវិកាជាតិត្រូវការសំឡេងគាំទ្រភាគច្រើនដាច់ខាត ឬចំនួន ៥០ ភាគរយ បូក ១ តែប៉ុណ្ណោះ។ ដូច្នេះ សមាជិកសភាគណបក្សប្រជាជនកម្ពុជាចំនួន ៦៨ នាក់ គឺលើសពីតម្រូវការក្នុងការអនុម័តនេះ។
នៅក្នុងកិច្ចប្រជុំព្រឹកថ្ងៃសុក្រនេះដែរ គណៈកម្មាធិការអចិន្ត្រៃយ៍រដ្ឋសភាក៏បានសម្រេចអនុម័តសំណើរបស់រដ្ឋាភិបាលស្តីពីការបំបែកក្រសួងឧស្សាហកម្ម រ៉ែ និងថាមពល ជាពីរផងដែរ។ ប៉ុន្តែ សេចក្តីព្រាងច្បាប់នេះមិនទាន់ត្រូវបានគេដាក់បញ្ចូលក្នុងរបៀបវារៈសម្រាប់ពិភាក្សាក្នុងកិច្ចប្រជុំពេញអង្គនៅថ្ងៃទី ១២ វិច្ឆិកានេះនៅឡើយទេ៕
ប្រភពព័ត៌មាន៖ វិទ្យុបារាំងអន្តរជាតិ

Write admin description here..
Get Updates
Subscribe to our e-mail newsletter to receive updates.
Share This Post
Related posts
- លោកខឺម វាសនា ជួបភាពអយុត្តិធម៌ម្តងទៀត ព្រោះផ្កាយបីបានប្តឹងទៅតុលាការ
- ការបោះឆ្នោតក្រុមប្រឹក្សារាជធានី ខេត្ត-ក្រុង ស្រុក-ខណ្ឌកំពុងតែមានភាពចម្រូងចម្រាស់
- ក្រសួងមហាផ្ទៃថា គម្រោងបង្កើតគណបក្ស សួន សេរីរដ្ឋា ទំនងគ្មានផ្លូវ
- សមាជិកបក្សសង្គ្រោះជាតិជិត១ពាន់នាក់បង្សុកូលជូនអ្នកស្លាប់ជំនាន់ ប៉ុល ពត
- លោកហ៊ុនសែន និងលោកសម រង្ស៊ី បានជួបពិភាក្សាគ្នាផ្ទាល់មាត់ នៅព្រឹកថ្ងៃពុធនេះ
- លោកម៉ម សូណង់ដូ វិលចូលនយោបាយជាថ្មី ក្រោមស្លាកគណបក្សចាស់
- មន្ត្រីទូតវៀតណាមអះអាងថាមិនសុំទោសតាមការទាមទាររបស់សមាគមខ្មែរក្រោម
- សេរីកុសល ទម្លាយរឿងជម្លោះនយោបាយក្រោយ ឆ្នាំ១៩៩៣
- មន្ត្រីសិទ្ធិមនុស្សជាន់ខ្ពស់ជំរុញឱ្យរដ្ឋាភិបាលបើកទីលានប្រជាធិបតេយ្យ
- ជឿរឺមិនជឿ? អ្នកវិទ្យាសាស្ដ្រវិលក្បុងពេលសាកសពងើបឡើងពីមឈូសដើរមកផ្ទះ
- រដ្ឋសភាឯកបក្សសម្រេចបើកកិច្ចប្រជុំពេញអង្គលើកដំបូងនៅថ្ងៃ១២ វិច្ឆិកា
- ចំនុចសំខាន់ទាំង ១០ ដែលអ្នកគួរដឹងពី Microsoft Office 2013
- ដាក់ Icon ទៅអោយ Drive កុំព្យូទ័រ
- Language Interface Pack (LIP) for Microsoft Office
0 ផ្តល់មតិយោបល់: