គណបក្សសង្គ្រោះជាតិ ចាប់ផ្តើមដង្ហែក្បួនទៅស្ថានទូតអូស្ត្រាលី នៅម៉ោង ៨ និង ៤០ នាទីនេះ

បញ្ចូលព័ត៌មានដោយ៖Unknown on Friday, October 25, 2013 0

គណបក្សសង្គ្រោះជាតិ នៅព្រឹកថ្ងៃសុក្រនេះ វេលាម៉ោង៨និង៤០នាទីនេះ ចាប់ផ្តើមក្បួនដង្ហែ ដោយមានបាតុកររាប់ពាន់នាក់ ដើម្បីយកញត្តិ និងស្នាមមេដៃ ទៅដាក់នៅស្ថានទូតអូស្រា្តលី និងស្ថានទូតចំនួន៤ផ្សេងទៀត។ ការដង្ហែនេះ ត្រូវបានដឹកនាំដោយលោក សម រង្ស៊ី និងលោក កឹម សុខា។ បន្ទាប់ពីបញ្ចប់ការដាក់ញត្តិនៅស្ថានទូតអូស្ត្រាលី បាតុករ នឹងបន្តដំណើរទៅស្ថានទូតរូស្ស៊ី ជប៉ុន ឥណ្ឌូនេស៊ី និងចិន ដើម្បីប្រគល់ញត្តិ និងស្នាមមេដៃ ស្វែងរកអន្តរាគមន៍លើការបោះឆ្នោតនៅកម្ពុជា។ការដង្ហែនេះ ធ្វើឡើងតាមផ្លូវប៉ាស្ទ័រ ដោយវាងតាមផ្លូវ មួយចំនួន ឆ្ពោះទៅកាន់វិមានរដ្ឋសភា ដើម្បីទៅដល់ស្ថានទូតអូស្រ្តាលី។

កាលពីថ្ងៃព្រហស្បតិ៍ ថ្នាក់ដឹកនាំគណបក្សសង្គ្រោះជាតិ តំណាងរាស្ត្រជាប់ឆ្នោតផ្សេងទៀត និងក្រុមបាតុករជាងមួយម៉ឺននាក់ ហែក្បួនយកញត្តិដាក់ជូនស្ថានទូតបារាំងប្រចាំនៅកម្ពុជា អង់គ្លេស និងអាមេរិក ដើម្បីឲ្យប្រទេសជាម្ចាស់ហត្ថលេខីនៃកិច្ចព្រមព្រៀងទីក្រុងប៉ារីស ជួយស៊ើបអង្កេតអំពីភាពមិនប្រក្រតីនៃការបោះឆ្នោត។

នៅទីលានប្រជាធិបតេយ្យ ប្រធានគណបក្សសង្គ្រោះជាតិ លោក សម រង្ស៊ី កាលពីថ្ងៃព្រហស្បតិ៍ ប្រកាសថា គណបក្សសង្គ្រោះជាតិ នឹងធ្វើមហាបាតុកម្មជាបន្តបន្ទាប់ទៀត តាមការចង់បានរបស់ម្ចាស់ឆ្នោត ដើម្បី«ការពារជ័យជម្នះ»ជូនប្រជារាស្ត្រ៕

(បន្លាលួស នៅក្បែរស្តុបខាងជើងវិមានឯករាជ្យ

សូមតាមដានទស្សនាទិដ្ឋភាពជាក់នៅទីលានប្រជាធិបតេយ្យទាំងអស់គ្នា...

ការផ្សាយផ្ទាល់អំពីការធ្វើបាតុកម្មរបស់ CNRP នៅទីលានប្រជាធិបតេយ្យ ថ្ងៃទី ២៥ ខែតុលា ឆ្នាំ ២០១៣

Live streaming video by Ustream

ប្រភពព័ត៌មាន៖ សារព័ត៌មានព្រៃនគរ

បញ្ជាក់៖ រាល់អត្ថបទ និងរូបភាពដែលបានចុះផ្សាយទាំងនេះមិនមែនជាកម្មសិទ្ធិរបស់ Sampann IT ឡើយការចំលងផ្សព្វផ្សាយចែកចាយបន្ត គឺជាការទទួលខុសត្រូវរបសសាម៉ីជន...សូមអរគុណ!!!