ព្រះរាជតួនាទីជាអាជ្ញាកណ្តាលរបស់ព្រះមហាក្សត្រខ្មែរមានសារៈសំខាន់ខ្លាំងណាស់ព្រោះប្រទេសកម្ពុជាមិនមែនជារបស់បុគ្គលណាម្នាក់ឡើយ ព្រះរាជតួនាទីជាអាជ្ញាកណ្តាលរបស់ព្រះមហាក្សត្រខ្មែរមានសារៈសំខាន់ខ្លាំងណាស់ព្រោះប្រទេសកម្ពុជាមិនមែនជារបស់បុគ្គលណាម្នាក់ឡើយ
បញ្ចូលព័ត៌មានដោយ៖Unknown
on Sunday, September 15, 2013
0
រឿងដែលលោកប្រធាន សម រង្ស៊ី ដឹកនាំប្រតិភូគណបក្សសង្គ្រោះជាតិទៅទទួលបដិសណ្ឋារកិច្ចព្រះរាជដំណើរយាងនិវត្តន៍មកកាន់ប្រទេសកម្ពុជាវិញ របស់ព្រះមហាក្សត្រខ្មែរ សម្តេចព្រះ បរមនាថ នរោត្តម សីហមុនី នៅព្រលានយន្តហោះអន្តរជាតិភ្នំពេញ កាលពីថ្ងៃទី១១ ខែកញ្ញា ម្សិលមិញនេះ មិនមែនជារឿងចៃដន្យនោះទេ នៅពេលដែលប្រជារាស្ត្រខ្មែរទាំងក្នុងនិងក្រៅប្រទេស បានផ្ញើសារសុំព្រះរាជអន្តរាគមន៍ពីព្រះមហាក្សត្រ ដែលមានតួនាទីជាអាជ្ញាកណ្តាល។ ជាពិសេសមុនពេលកោះឲ្យមានកិច្ចប្រជុំសភាលើកដំបូង ដែលគ្រោងធ្វើនៅថ្ងៃទី២៣ ខែកញ្ញា ខាងមុខ នេះ គួរតែមានការដោះស្រាយភាពមិនប្រក្រតី និងការលួចបន្លំសន្លឹកឆ្នោតដើម្បីរកយុត្តិធម៌ជូនប្រជារាស្ត្រខ្មែរ ឲ្យស្របតាមការទាមទារជាមុនសិន ដើម្បីបញ្ចៀសនូវអំពើហិង្សាឬការបង្ហូរឈាមណាមួយ ហើយបើទោះបីជាគ្មានសេចក្តីរាយការណ៍ផ្លូវការអំពីប្រធានបទដែលថ្នាក់ដឹកនាំគណបក្សសង្គ្រោះជាតិ ស្នើសុំព្រះរាជអន្តរាគមន៍ពីព្រះមហាក្សត្រក៏ដោយ ក៏គេវិភាគឃើញថាញត្តិចំនួន៤ចំណុចដែលត្រូវបានអនុម័តដោយក្រុមបាតុករអហិង្សាកាលពីថ្ងៃទី០៧ ខែកញ្ញា កន្លងទៅនេះ អាចជាបញ្ហាធំបំផុតដែលព្រះមហាក្សត្រ មានចំណែកជួយដោះស្រាយរកយុត្តិធម៌ជូនប្រជារាស្ត្រ ជាម្ចាស់ឆ្នោត ដែលជាកូនចៅរបស់ព្រះអង្គ។
ដោយសារតែព្រះរាជអន្តរាគមន៍ និងការប្រើប្រាស់ព្រះរាជតួនាទីឲ្យស្របតាមរដ្ឋធម្មនុញ្ញក្នុង នាមជាអាជ្ញាកណ្តាល ព្រះមហាក្សត្រខ្មែរ គឺជាតួអង្គសំខាន់បំផុតក្នុងការដោះស្រាយរកយុត្តិធម៌ ជូនប្រជារាស្ត្រទូទៅ ដូចដែលលោកបណ្ឌិត សុខ ទូច បានពន្យល់ថា ប្រទេសកម្ពុជាមិនមែនជារបស់បុគ្គលណាម្នាក់ឡើយ គឺជារបស់ប្រជារាស្ត្រខ្មែរទូទៅ ហើយយើងអាចសុំព្រះរាជអន្តរាគមន៍ពីព្រះមហាក្សត្រ ដោយដាក់ចេញនូវរបៀបវារៈ សំខាន់ៗមួយចំនួន ដើម្បីជជែកពិភាក្សាគ្នាស្វែងរកដំណោះស្រាយ។ លោក សុខ ទូច បានបន្តទៀតថា ប្រទេសកម្ពុជាកាន់របបរាជានិយម អាស្រ័យរដ្ឋធម្មនុញ្ញ ដូច្នេះយើងត្រូវគោរពរដ្ឋធម្មនុញ្ញ គឺវាគ្មានអ្វីខុសឆ្គងទេ ហើយពាក្យថាប្រទេសជាតិមិនមែនសម្រាប់បុគ្គលណាម្នាក់មានន័យថា ប្រទេសជាតិមិនមែន ជារបស់ក្រុមនយោបាយណាមួយទេ គឺជាតិយើងទាំងអស់គ្នា ដូច្នេះព្រះមហាក្សត្រ ឬអ្នកនយោបាយគួរតែមានជំនួបកំពូលដើម្បីជជែកពិភាក្សាគ្នាដោះស្រាយបញ្ហាដោយសន្តិវិធី។
ចំណុចសំខាន់មួយទៀតត្រូវបានលោក សុខ ទូច ពន្យល់ថាក្រុមអ្នកប្រាជ្ញ អ្នកចេះដឹងនៅក្នុងប្រទេសកម្ពុជាដែលមានច្រើនបង្គួរដែរ គួរត្រូវបានកោះអញ្ជើញឲ្យមកចូលរួមផ្តល់មតិយោបល់ដើម្បីស្វែងរកដំណោះស្រាយ ព្រោះថាអ្នកប្រាជ្ញ ដែលជាមនុស្សឯករាជ្យទាំងអស់នោះ គេមិនទៅដណ្តើមអំណាចយើងទេ គេគ្រាន់តែផ្តល់គំនិតទេ ដូច្នេះទាំងអ្នកនយោបាយនិងព្រះមហាក្សត្រ ទ្រង់យកមតិយោបល់របស់អ្នកប្រាជ្ញទាំងនោះទៅពិចារណា ជ្រើសរើសយកមតិណាដែលល្អៗ ដើម្បីយកមកដោះស្រាយបញ្ហានៅពេល នេះ។ យន្តការសំខាន់ៗទាំង៣រួម មាន ព្រះរាជអន្តរាគមន៍ពីព្រះមហាក្សត្រ ការជជែកដោះស្រាយបញ្ហាដោយសន្តិវិធី រវាងមេដឹនាំកំពូលនៃបក្សទាំងពីរ ក៏ដូចជាការ អញ្ជើញអ្នកប្រាជ្ញឲ្យមកផ្តល់មតិយោបល់ គឺជាជម្រើសដ៏ល្អ ដើម្បីជួយបញ្ចៀសនូវអំពើហិង្សា ឬការ បង្ហូរឈាមណាមួយ ព្រោះរយៈពេល១០លើករួចមកហើយដែលខ្មែរតែងតែប្រើនយោបាយរុញទូកបណ្តោយទឹក នាំឲ្យប្រទេសជាតិជួបវិបត្តិធ្ងន់ធ្ងរដោយសារតែនយោ បាយរុញទូកបណ្តោយទឹក។
លោក សុខ ទូច បានពន្យល់ទៀតថា ហេតុការណ៍មហាបាតុកម្មប្រឆាំងអាមេរិក កាលពីឆ្នាំ១៩៦៤ ព្រឹត្តិការណ៍កាលពីឆ្នាំ១៩៧០ រហូតមកដល់ឆ្នាំ២០០១ មានការបំផ្លិចបំផ្លាញស្ថានទូតសៀមនៅរាជធានីភ្នំពេញ បង្កឲ្យមានការខូចខាតយ៉ាងខ្លាំង ដែលបញ្ហាអស់ទាំងនេះកើតឡើងដោយសារតែការប្រើយុទ្ធសាស្ត្រ រុញទូកបណ្តោយទឹក ដូច្នេះមុនពេលយើងប្រើកម្លាំងបាយ ប្រើកម្លាំងបាតុកម្មដើម្បីតទល់គ្នា យើងត្រូវស្វែងរកដំណោះស្រាយដោយសន្តិវិធីឲ្យអស់ពីលទ្ធភាពជាមុនសិន។ បន្លាមុតយកបន្លាជួស គឺគេសម្រាប់ប្រើប្រាស់ក្នុងជីវិតពិត ប៉ុន្តែក្នុងឆាកនយោបាយ គេមិនអាចយកទ្រឹស្តីនេះមកប្រើប្រាស់បានទេ ព្រោះថានយោបាយអាចរកច្រកចេញបាន ប៉ុន្តែជីវិតរបស់មនុស្សមិនវិលល្ងាចវិញទេ ដូច្នេះយើងត្រូវតែបញ្ចៀសនូវអំពើហិង្សា ឬការបង្ហូរឈាមណាមួយដើម្បីការពារផលប្រយោជន៍អ្នកនយោបាយមួយក្រុម ហើយនៅស្រុកណាក៏ដោយ គេតែងតែប្រមូលអ្នកចេះដឹងមកសាកសួរមតិយោបល់ ដើម្បីស្វែងរកដំណោះស្រាយដោយសន្តិវិធី ប៉ុន្តែក្នុងករណីដែលគ្មានជម្រើសយើងអាចគិតដល់បញ្ហាផ្សេងទៀត។
លោក សុខ ទូច បានបញ្ជាក់ទៀតថា នៅក្នុងមាត្រា២០ នៃរដ្ឋធម្មនុញ្ញបានបញ្ជាក់ថា ព្រះមហាក្សត្រទ្រង់ទទួលសវនាការជាផ្លូវការ២ដងក្នុង១ខែ ពីនាយរដ្ឋមន្ត្រី និងគណៈរដ្ឋមន្ត្រី ហើយត្រង់ចំ ណុចនេះយើងត្រូវបង្ហាញថាព្រះអង្គអត់មានសិទ្ធិ អត់ធ្វើនយោបាយ មែន តែអង្គនីតិប្រតិបត្តិត្រូវតែទៅរាយការណ៍ ធ្វើរបាយការណ៍ថ្វាយព្រះមហាក្សត្រ ពីព្រោះព្រះអង្គជាព្រះប្រមុខរដ្ឋ ជាអគ្គមេបញ្ជាការជាន់ខ្ពស់នៃកងយោធពលខេមរភូមិន្ទ និងជាព្រះប្រធានឧត្តមក្រុមប្រឹក្សាការពារជាតិដូច្នេះបើយើងគោរពធម្មនុញ្ញភាព ប្រហែលជាយើងគ្មានកង្វល់យើងមិនរវល់ចំពោះការរៀបចំរថក្រោះ ឬចល័តទាហាននោះទេ ព្រោះអង្គព្រះមហាក្សត្រ ទ្រង់ឯករាជ្យអព្យាក្រឹតមិនធ្វើនយោបាយ ហើយកងកម្លាំងប្រដាប់អាវុធទាំងអស់ដែល ស្ថិតក្រោមបញ្ជាព្រះមហាក្សត្រ សុទ្ធសឹងជាកម្លាំងកងទ័ពជាតិដែលមានភាពឯករាជ្យ អព្យាក្រឹត ការពាររាជបល្ល័ង្ក ការពារប្រជារាស្ត្រខ្មែរទូទៅ។
មានសំណួរជាច្រើនបានលើកឡើងថា តើមុនពេលកោះប្រជុំសភាលើកដំបូង នៅថ្ងៃទី២៣ ខែកញ្ញា នេះអាចមានការអញ្ជើញអ្នកនយោបាយកំពូលៗរបស់គណបក្សទាំងពីរទៅជួបជជែកដោះស្រាយបញ្ហាគ្នាឬក៏យ៉ាងណា? គឺលោក សុខ ទូចបានពន្យល់ពីគោលការណ៍ច្បាប់យ៉ាងលម្អិតថា ជាការពិតប្រសិនបើក្នុងករណីដែលព្រះមហាក្សត្រ អត់កោះឲ្យមានជំនួបកំពូលទេ ហើយព្រះមហាក្សត្រធ្វើតាមការទូលស្នើសុំពី គ.ជ.ប ឲ្យកោះប្រជុំសភាដំបូង តាមមាត្រា៨២ គឺព្រះមហាក្សត្រក៏អាចរួមចំណែកខុសផងដែរ ព្រោះថាប្រជាពលរដ្ឋជាម្ចាស់ឆ្នោតដែលកើតទុក្ខមិនសុខចិត្តចំពោះភាពមិនប្រក្រតី ឬការលួចបន្លំសន្លឹកឆ្នោតពួកគាត់ត្រូវនាំគ្នាធ្វើមហាបាតុកម្មនាំ ឲ្យមានការបង្ហូរឈាម។ បើយើងពិនិត្យឲ្យបានល្អិតល្អន់លើមាត្រា៨ នៃរដ្ឋធម្មនុញ្ញ ក៏ដូចជាមាត្រា៩ ដែលបានចែងច្បាស់ណាស់ថា ព្រះមហាក្សត្រទ្រង់ជាអាជ្ញាកណ្តាល និងជាអ្នករកឯកភាពជាតិ បើជាតិមិនទាន់មានការឯក ភាព មិនត្រូវបង្ខំទេ គួរតែមានដំណោះស្រាយសមស្របមុនពេលកោះប្រជុំសភាលើកដំបូង។
យ៉ាងណាក៏ដោយ គោលជំហររបស់គណបក្សសង្គ្រោះជាតិ គឺមិនចូលរួមប្រជុំសភាលើកដំ បូងជាដាច់ខាត ដោយអនុវត្តន៍តាមឆន្ទៈរបស់ប្រជារាស្ត្រ ជាម្ចាស់ឆ្នោត ហើយទាមទារឲ្យមានដំណោះស្រាយរកយុត្តិធម៌និងផ្តល់ការពិតតាមការទាមទាររបស់ប្រជារាស្ត្រឲ្យបានចប់សព្វគ្រប់សិន ព្រោះលទ្ធផលនៃការបោះឆ្នោតដែលមិនឆ្លុះបញ្ចាំងពីឆន្ទៈរបស់ប្រជារាស្ត្រខ្មែរទូទៅ គណបក្សសង្គ្រោះជាតិមិនអាចទទួលយកបានជាដាច់ខាត។ តាមគោលការណ៍ច្បាប់រដ្ឋធម្មនុញ្ញ គឺអង្គព្រះមហាក្សត្រ មិនអាចត្រូវបាននរណាម្នាក់រំលោភបំពានបានឡើយ ដូច្នេះផែនការរបស់គណបក្សប្រជាជនដែលកោះប្រជុំសភាលើកដំបូងទំនងជាមិនអាចទទួលបានជោគជ័យទេ ព្រោះមាត្រា៧៦បានចងលក្ខខណ្ឌយ៉ាងច្បាស់ថា សភាត្រូវមានសមាជិកយ៉ាងតិច១២០រូប គឺមានមាត្រាជាច្រើនចងប្រទាក់ក្រឡាគ្នាមិនអាចរំលោភបំពានបានឡើយ៕
ប្រភពឯកសារដើម៖ សារព័ត៌មានមនសិការខ្មែរ
បញ្ជាក់៖រាល់អត្ថបទ និង រូបភាពដែលបានចុះផ្សាយទាំងនេះមិនមែនជាកម្មសិទ្ធិរបស់ Sampann IT ឡើយ ការចំលងចែកចាយបន្ត គឺជាការទទួលខុសត្រូវរបស់សាម៉ីជន...សូមអរគុណ!!!
About the Author
Write admin description here..
Get Updates
Subscribe to our e-mail newsletter to receive updates.
Share This Post
Related posts
.jpg)
0 ផ្តល់មតិយោបល់: