កិច្ចប្រជុំសភានីតិកាលទី៥ចាប់ផ្ដើមដោយគ្មានតំណាងរាស្ត្របក្សប្រឆាំង

បញ្ចូលព័ត៌មានដោយ៖Unknown on Monday, September 23, 2013 0

កិច្ចប្រជុំសភាដំបូងសម្រាប់នីតិកាលទី៥ ចាប់ផ្ដើមដំណើរការហើយ នៅព្រឹកថ្ងៃទី២៣ ខែកញ្ញា ដោយមិនមានវត្តមានតំណាងរាស្ត្របក្សប្រឆាំងចូលរួមនោះទេ។

ព្រះមហាក្សត្រព្រះបាទសម្ដេចព្រះបរមនាថ នរោត្តម សីហមុនី យាងមកដល់រដ្ឋសភានៅវេលាម៉ោង ៨ និង ១៥នាទីព្រឹក ដើម្បីគង់ជាព្រះរាជាធិបតីក្នុងពិធីបើកកិច្ចប្រជុំនេះ។ ក្នុងពិធីនោះ ក៏មានតំណាងអង្គទូតនៃបណ្ដាប្រទេសនានា ចូលរួមជាភ្ញៀវកិត្តិយស ដែលក្នុងនោះមានទាំងតំណាងស្ថានទូតអាមេរិកផងដែរ។

រដ្ឋសភាដែលមានសុទ្ធតែតំណាងរាស្ត្រគណបក្សកាន់អំណាចទាំង ៦៨រូប នៅព្រឹកនេះ នឹងពិភាក្សាលើរបៀបវារៈពីរសំខាន់ គឺកំណត់សុពលភាពរដ្ឋសភា និងអនុម័តបទបញ្ជាផ្ទៃក្នុងរដ្ឋសភា។ ពេលរសៀលតំណាងរាស្ត្រទាំង ៦៨រូប នឹងចូលព្រះបរមរាជវាំង ដើម្បីធ្វើសច្ចាប្រណិធានចំពោះមុខវត្ថុសក្ដិសិទ្ធិ។

ប្រភពឯកសារដើម៖ វិទ្យុអាស៊ីសេរី

បញ្ជាក់៖ រាល់អត្ថបទ និង រូបភាពដែលបានចុះផ្សាយនេះមិនមែនជាកម្មសិទ្ធិរបស់ Sampann IT ឡើយ ការចំលងចែកចាយ ផ្សព្វផ្សាយបន្តគឺជាការទទួលខុសត្រូវរបស់សាម៉ីជន...សូមអរគុណ!!!