បើ សម រង្ស៊ី បោះបង់មិនធ្វើមហាបាតុកម្ម ហើយទៅចរចារ ជាមួយ ហ៊ុន សែន នោះមិនមែន ហ៊ុន សែន ខ្លាំងទេ តែគឺ សម រង្ស៊ី ខ្សោយ

បញ្ចូលព័ត៌មានដោយ៖Unknown on Sunday, August 18, 2013 0

មកទល់ពេលនេះបើទោះបីជា ហ៊ុន សែន បញ្ជាប្រមូលកងទ័ពនិងចល័ត្រកងទ័ព ពេញ ផ្ទៃប្រទេសជាពិសេសក្នុងទីក្រុងភ្នំពេញក៏ដោយ ក៏ពលរដ្ឋនិងយុវជនខ្មែ រមិនមានភាព ភ័យខ្លាចណាមួយទេ តែផ្ទុយទៅវិញពលរដ្ឋ និងយុវជនខ្មែរ ដែលជាអ្នកស្រលាញ់ជាតិ ពិតប្រាកដបានត្រៀមខ្លួន រួចជាស្រេចដើម្បីពលីកម្ម និងចូលរួមក្នុងមហាបាតុកម្មដែល ជាប្រវត្តិសាស្រ្តនេះ សម្រ៉ាប់ការផ្លាស់ប្តូរអោយខាងតែបានទុកអោយជាគំរូអោយកូន ខ្មែរជំនាន់ក្រោយបានចងចាំ ។ បើតាមការពិនិត្យមើលសំទុះទឹកចិត្តរបស់ពលរដ្ឋនិង យុវជនខ្មែរ ដែលបានត្រៀមខ្លួនធ្វើមហាបាតុកម្ម គឺបានបង្ហាញថា ហ៊ុន សែន ចាញ់រួច ទៅហើយទើបបានជាខំបញ្ចេញុធ្មុង បញ្ជាកងទ័ព និងទិញកាំភ្លើងព្រមទាំងរថគ្រោះ និងរថពាសដែកជាច្រើនមកពីចិន និងសូវៀត ដើម្បីទុកធ្វើសមរភូមិទប់ទល់ជាមួយនឹង ពលរដ្ឋនិងយុវជនខ្មែរ ដែលយកកម្លាំងអំណាចអហឹង្សាទៅបណ្តេញ ហ៊ុន សែន ។

 ប៉ុន្តែពេលនេះឧបសគ្គនិងជាឆ្អឹងទទឹងករ នៃ មហាបាតុកម្ម គឺ គណបក្សសង្គ្រោះជាតិ ដែលមាន សម រង្ស៊ី និង កឹម សុខា ជាអ្នកដឹកនាំ ។ បុគ្គលទាំងពីរនាក់នេះកំពុងតែធ្វើ អោយបាយក្តៅក្លាយទៅជាបាយកក ដើម្បីចូលរួមបន្តអំណាចអោយ ហ៊ុន សែន កាន់ អំណាចស្របច្បាប់ ៥ ឆ្នាំទៀតបំពេញចិត្តនយោបាយឈ្លានពានរបស់យួន ។ ការចូលទៅកាន់តុចរចាររបស់ សម រង្ស៊ី និងការបន្ទាន់ឥរិយាបទជាមួយ ហ៊ុន សែន ហើយក្បត់សំដីខ្លួនដែលបានសន្យាជាមួយពលរដ្ឋ គឹមានន័យថា សម រង្ស៊ី មិនត្រឹមតែ អោនក្បាលអោយពួកអាយ៉ងយួន ខោកអង្អែលតែក្បាលរបស់ សម រង្ស៊ី តែម្នាក់នោះ ទេ តែគឹ សម រង្ស៊ី កំពុងទាញយកក្បាលពលរដ្ឋខ្មែរអ្នកដែលចង់បានការផ្លាស់ប្តូរពិតៗ នោះទៅជំរុញអោនអោយ ហ៊ុន សែន និងពួកអាយ៉ងយួន ខោកអង្អែលលេងដូចគ្នា ។

 នេះជាជំហរនយោបាយទាន់ជ្រាយនិងថោកទាបរបស់អ្នកនយោបាយ ដែលនៅក្នុង ស្រុកមានអ្នកពលរដ្ឋគាំទ្រហើយតែមិនហ៊ានឈរនៅពីមុខក្រុមអ្នកគាំទ្រ ដើម្បីធ្វើកិច្ច ការអោយបានចប់ចុងចប់ដើម ។ ត្រង់ចំណុចនេះបើ សម រង្ស៊ី នៅតែមើលឃើញការ ចរចារជាមួយក្រុម ហ៊ុន សែន ជាផ្លូវចាំបាច់មែននោះ គឺ សម រង្ស៊ី មិនមែនជាអ្នកធ្វើ នយោបាយដើម្បីរំដោះទុក្ខពលរដ្ឋទេ តែគឺ សម រង្ស៊ី ធ្វើនយោបាយគឹគ្រាន់តែជា មធ្យោបាយដើម្បី តួរនាទីនិងកៅអីរបស់ខ្លួនវិញទេ ។

 ហេតុដូចនេះ សម រង្ស៊ី មិនសមក៏ មិនសមទទួលពាក្យលើកដំកើងពីពលរដ្ឋខ្មែរថាជា HERO ដែរពោលគឺ សម រង្ស៊ី នៅតែជាជន ZERO ដ៏ថោកទាបដូច នរោត្តម រណឬទ្ធិ ដូច្នោះដែរ ។ ដូចនេះមិនមែន ហ៊ុន សែន ឬពួកអាយ៉ងយួនខ្លាំងទេ តែការពិតមកពី សម រង្ស៊ី និង បក្សប្រឆាំងខ្សោយទើបបានជាទៅសុំគេចូលចរចារ ហើយខ្លួនមិនហ៊ានប្រកាសដឹកនាំ ធ្វើមហាបាតុកម្មទូទាំងប្រទេស ដែលមានពលរដ្ឋរាប់សែនគាំទ្ររួចទៅហើយនោះ ។

 វាសនាប្រទេសជាតិខ្មែរ ដែលធ្លាក់ចូលក្នុងរណ្តៅមរណា និងមានចំណងនយោបាយ ចង់យ៉ាងញឹកពិបាកស្រាយដូច្នោះ គឹមកពីសំបូរដោយអ្នកនយោបាយជាជន ZERO របៀបនេះច្រើនពេក ដែលធ្វើនយោបាយបុលបាយ មិនដឹងទិសតំបន់ ហើយនាំពលរដ្ឋ ទៅតែច្រកចាញ់ ច្រកអោយពួកអាយ៉ងយួនសម្លាប់ ហើយមិនហ៊ានដឹកនាំពលរដ្ឋវាយ ទម្លុះជញ្ជាំងផ្តាច់ការ ។ ដែលតាមពិតជញ្ជាំងផ្តាច់ការនេះមិនរឺងមាំនោះទេ បើហ៊ានដឹក នាំកម្លាំងអំណាចពលរដ្ឋខ្មែរទូទាំងប្រទេស យកកណ្តាប់ដៃពលរដ្ឋខ្មែរទូទាំងប្រទេស វ៉ាយអោយស្រុះគ្នាតែមួយពេលនោះ ៕

ប្រភពដើម៖​ចលនាអំណាចពលរដ្ឋខ្មែរ

បញ្ជាក់៖ អត្ថបទចុះផ្សាយនេះមិនមែនជាការសរសេរនិពន្ធដោយ Sampann IT ឡើយ ៕