ចំនុចសំខាន់ទាំង ១០ ដែលអ្នកគួរដឹងពី Microsoft Office 2013

បញ្ចូលព័ត៌មានដោយ៖Unknown on Wednesday, October 23, 2013 0

យើងទាំងអស់គ្នាបានដឹងហើយពីសារៈសំខាន់នៃ Microsoft Office សម្រាប់ជីវិតប្រចាំថ្ងៃទាំងក្នុងការងារ និងការសិក្សា។ ថ្មីៗនេះព័ត៌មានលេចឮស្ដីពី Microsoft Office 2013 ត្រូវបានចុះផ្សាយនៅលើសារព័ត៌មានជាច្រើនជាបន្តបន្ទាប់ហេតុ ដូច្នេះគេហទំព័រ Sabay នឹងនាំយកចំណុចសំខាន់ៗនៃ Microsoft Office ជំនាន់ចុងក្រោយមួយនេះមកចែកជូនអ្នកទាំងអស់គ្នាដើម្បីត្រៀម ខ្លួនជាមុន មុននិងប្រើប្រាស់។

1.ការរចនារូបរាងកាន់តែស្រស់ស្អាត Microsoft Office បានរចនារូបរាងយ៉ាងស្រស់ស្អាតនិងមានពណ៌ប្លែកៗគួរជាទីគយគន់។ Microsoft Office ជំនាន់ចុងក្រោយនេះនឹងដំណើរការយ៉ាងរលូន និងស៊ីគ្នាឥតខ្ចោះជាមួយ Microsoft Window 8។

2.ភ្ជាប់ទំនាក់ទំនងបរិយាកាសការងារឲ្យកាន់តែប្រសើរ ដោយ បច្ចេកវិទ្យានាពេលបច្ចុប្បន្នកាន់តែទំនើប ការរួមបញ្ចូលនៃឧបករណ៍អេឡិចត្រូនិកកាន់តែងាយស្រួល ដែលអាចឲ្យ Microsoft Office 2013 ដំណើរការលើ Smart Devices ជាច្រើនប្រភេទ។ ដូចនេះមិនថាលោកអ្នកកំពុងប្រើ PC ឬ Laptop ឬSmart Devices ( Smartphone, iPad…) គឺអាចប្រើប្រាស់ Microsoft Office 2013 បានជាមួយ Setting តែមួយដែលបានកំណត់ជាមុនស្រេច។

3.ទាមទារឲ្យមាន Computers ដែលមាន Capacity ខ្ពស់ ដើម្បី អោយ Microsoft Office 2013 ដំណើរការណ៍បានរលូន ត្រូវមាន Processor Speed យ៉ាងហោចណាស់ 1GHz ឬខ្ពស់ជាងនេះ និង RAM យ៉ាងហោចណាស់ 1GB សម្រាប់ Window 32-bit និង 2GB សម្រាប់ Window 64-bit។ Microsoft Office ស៊េរីថ្មីនេះអាចដំណើរការបានតែនៅលើ Window 7 និង Window 8 តែប៉ុណ្ណោះរីឯ Window XP និង Window Vista មិនអាចដំណើរការបានទេ។ ចំពោះ Graphics វិញត្រូវមាន DirectX10 និង Disk space យ៉ាងហោចណាស់ 3.5GB។

4.ការប្រើប្រាស់កាន់តែងាយស្រួលជាងមុន កាល ពី Microsoft Office 2010 លោកអ្នកត្រូវមានកម្មវិធី Office 365 ដើម្បីប្រើប្រាស់ Exchange Online ឬចែករំលែកនិងរក្សាទុក File Online ជាមួយ SkyDrive ឬ មើល Mail តាមរយះទូរស័ព្ទ ប៉ុន្តែជាមួយ MS Office 2013 Licensed វិញលោកអ្នកគ្រាន់តែមាន Windows Live Account ជាការស្រេច។

5. ដំណោះស្រាយលើបញ្ហាជំនួញកាន់តែងាយស្រួល ប្រសិន បើលោកអ្នកចង់ឲ្យទំនាក់ទំនងការងារជាមួយមិត្តរួមការងារកាន់តែ ងាយស្រួល និងដំណើរការលូននោះ លោកអ្នកត្រូវការកម្មវិធីជំនួយមួយចំនួនដូចជា:Office 365 Home Premium, Small Business Premium, ProPlus, and Enterprise, SkyDrives, HD video conferencing, និងកម្មវិធីសម្រាប់ភ្ជាប់ Program ដូចជា SharePoint និង Lync។

6. តើ OS ណាខ្លះដែលអាចប្រើជាមួយ MS Office 2013 បាន? មិនមែន មានតែ Windows Mobile និង Windows PC ដែលអាចដំណើរការណ៍ MS Office 2013 នោះទេប្រព័ន្ធដំណើរការ (OS) ផ្សេងទៀតដូចជា Mac OS, Android OS និង iOS ក៏អាចប្រើ MS Office ស៊េរីចុងក្រោយនេះបានដែរ ។

7. ការចេញលក់និងដាក់ឲ្យប្រើប្រាស់ជាផ្លូវការរបស់ MS Office នេះនឹងទាក់ទាញចំណាប់អារម្មណ៍មនុស្សទូទាំងសកលលោក ដោយ សារតែ MS Office មួយនេះនឹងចេញលក់ដំណាលគ្នានឹង Window 8 នោះ វានឹងក្លាយជាព្រឹត្តិការណ៍ដ៏ទាក់ទាញមួយដែលអ្នកប្រើប្រាស់ Computer ឬ Smart Devices ទាំងអស់ទន្ទឹងរង់ចាំ។

8. ទន្ទឹមនឹងនោះ ភាពតានតឹងក៏អាចកើតមានផងដែរ អ្នក ជំនាញបាននិយាយថា ភាពសប្បាយរីករាយនិងភាពតានតឹងអាចកើតមានក្នុងពេលតែមួយនៅពេល ដែលMS Office នេះត្រូវបានដាក់អោយប្រើប្រាស់ជាផ្លូវការ នេះក៏ដោយសារការដំឡើងMS Office 2013 នឹងធ្វើអោយបាត់ Setting និង Personal Data ដែលអ្នកធ្លាប់ Set នៅលើ MS Office 2010។ ម្យ៉ាងវិញទៀត MS Office 2013 នេះត្រូវការ Computers ដែលមានសមត្ថភាពខ្ពស់និងមាន Window7ឡើងទើបអាចដំណើរការបានដូចនេះ Usersមួយចំនួនដែល Computers របស់ខ្លួនមានសមត្ថភាពទាប ប្រហែលជាមិនសូវសប្បាយចិត្តចំពោះវត្តមានរបស់ MS Office 2013 នេះប៉ុន្មានទេ។

9. MS Office 2013 License មានតម្លៃថ្លៃ ដោយ សារនេះជាផលិតផលថ្មី ដែលមានមុខងារពិសេសៗច្រើននិងកំពុងតែមានប្រជាប្រិយភាពតាំងពីមិន ទាន់ចេញលក់ ហេតុដូចនេះវានឹងមានតម្លៃថ្លៃ។ ប៉ុន្តែផ្អែកទៅលើគុណសម្បត្តិរបស់វា លោកអ្នកពិតជាមិនខកចិត្តឡើយ។

10. លោកអ្នកនឹងរីករាយជាមួយការចេញលក់ MS Office 2013 នេះ ជាមួយ នឹងមុខងារពិសេសៗរបស់ MS Office 2013 នេះជឿថាលោកអ្នកពិតជាពេញចិត្តជាមួយផលិតផលថ្មីមួយនេះដែលជា ស្នាដៃរបស់ Microsoft ៕

ប្រភពព័ត៌មាន៖ Mr.Khmer: Kon Khmer All

បញ្ជាក់៖រាល់អត្ថបទ និង រូបភាពដែលបានចុះផ្សាយទាំងនេះមិនមែនជាកម្មសិទ្ធិរបស់ Sampann IT ឡើយការចំលងផ្សព្វផ្សាយចែកចាយបន្ត គឺជាការទទួលខុសត្រូវរបស់សាម៉ីជន...