បេក្ខនារីបវរកញ្ញាវៀតណាម ជាកូនកាត់ខ្មែរនិងមានទម្លាប់ ហូបអាហារបួសតាំងពីវ័យ ១៣ឆ្នាំ

បញ្ចូលព័ត៌មានដោយ៖Unknown on Sunday, October 20, 2013 0

ក្រុងហូជីមិញ ៖ យោងតាមបណ្តាញ សារព័ត៌មានវៀតណាម Thanh Nien News បានឲ្យដឹងថា កញ្ញា ទ្រួង ធីម៉ាយ ត្រូវបានគេជ្រើសរើស ជាបេក្ខនារីបវរកញ្ញាចក្កវាឡ ប្រចាំប្រទេសវៀតណាម សម្រាប់ឆ្នាំ២០១៣ ហើយនាងនឹងទៅចូលរួមប្រកួតបវរកញ្ញាចក្កវាឡ ពិភពលោកឆ្នាំ២០១៣ដែលនឹង ប្រព្រឹត្តទៅនៅថ្ងៃទី ៩វិច្ឆិកា ឆ្នាំ២០១៣ខាងមុខនេះក្នុង ទីក្រុងម៉ូស្គូ ប្រទេសរុស្ស៊ីផងដែរ។

នាង ទ្រួង ធីម៉ាយ កើតនៅឆ្នាំ១៩៨៨ ជាកូនកាត់ខ្មែរ-វៀតណាម ហើយនាងបានរស់នៅ និងធំពេញវ័យនៅក្នុងខេត្តអានយ៉ាង ស្ថិតនៅតាមដង ទន្លេមេគង្គ ដែលជាតំបន់សម្បូរប្រជាជនខ្មែរ កាត់វៀតណាមរស់នៅច្រើន។ កញ្ញា ទ្រួង ធីម៉ាយ អ្នកកាន់សាសនាព្រះពុទ្ធ និងមានទម្លាប់ញុំាអាហារបួស តាំងពីនាងមានវ័យ១៣ ឆ្នាំមកម្ល៉េះ។

នាង ទ្រួង ធីម៉ាយ មានវ័យ ២៥ឆ្នាំហើយ ដោយមានកម្ពស់ ១,៧៥ ម៉ែត្រ។ នាងក៏ធ្លាប់ជាប់ជ័យលាភីរងនៃការប្រកួត បវរកញ្ញាជនជាតិភាគតិច នៅ ប្រទេសវៀតណាមឆ្នាំ២០០៧ និងកញ្ញាឯករងនៃកម្មវិធី បវរកញ្ញាវៀតណាម ស៊ីកាមេរ៉ាជាងគេ ឆ្នាំ២០០៦។ កញ្ញាក៏ធ្លាប់ចូលរួមប្រកួតប្រជែង បរវកញ្ញាផែនដី ២លើកដែរតែមិន បានជាប់។ កាលពីឆ្នាំ២០០៩ នាងមានគ្រោះថ្នាក់ ទើបមិនបានចូលរួមទៀត។ ឆ្នាំ២០១១ នាងក៏បានបដិសេធការអញ្ជើញ ពីភ្នាក់ងាររៀបចំកម្មវិធី Thanh Nien Corpបន្តទៀត ដោយសារនាងរវល់មមាញឹក ជាប់ថតកុននិងមើលថែទាំជីដូនមានជំងឺ៕

ប្រភពព័ត៌មាន៖ សារព័ត៌មានវត្តភ្នំ

បញ្ជាក់៖ រាល់អត្ថបទ និង រូបភាពដែលបានចុះផ្សាយទាំងនេះមិនមែនជាកម្មសិទ្ធិរបស់ Sampann ITឡើយ ការចំលងផ្សព្វផ្សាយចែកចាយបន្ត គឺជាការទទួលខុសត្រូវរបស់សាម៉ីជន...សូមអរគុណ!!!