ពីងពីង ត្រូវបងធម៌ ឈិន ឡុង ជូនកាដូយ៉ាងពិសេស

បញ្ចូលព័ត៌មានដោយ៖Unknown on Saturday, October 19, 2013 0

ចិន៖ ពិធីបុណ្យសប្បុរសធម៌របស់មូលនិធិ BarZar បានចាត់ចែងពិធី Barzar’s Night នៅទីក្រុងប៉េកាំង កាលពីដើមខែកន្លងមក ជាពិធីប្រមូលផ្តុំជួបជុំសិល្បករយ៉ាងច្រើនកុះករពីគ្រប់មជ្ឈដា្ឋនរបស់ចិន។ ទាំងតារាល្បីរៀមច្បង តារាជំនាន់ក្រោយថ្មីចាស់ ភាគច្រើនក៏បានលេចមុខនៅទីនោះដែរ ជាធម្មតាតារាដែលមិនសូវចេញមុខក្នុងកម្មវិធីដូចជានាង លីវ យៀក ហ្វី ក៏បានមកចូលរួមផងដែរជាមួយឈុតដ៏សិចស៊ី ព្រមទាំងបានថតរូបជាមួយ ជីងធាន តារាស្រីដែលមាននាមថា “នារីម្នាក់ក្នុងចំណោមស្រីស្រីនៃប៉េកាំង”ទៀតផង។

មូលនិធិនេះនឹងមានរៀបចំដេញថ្លៃទំនិញដើម្បីយកប្រាក់ទៅប្រើក្នុងនាមសប្បុរសធម៌ផ្សេងៗដែលគេធ្វើទៅតាមលទ្ធភាពរបស់តារាម្នាក់ៗគឺបើថាអ្នកណាស្រឡាញ់ចូលចិត្តចង់ក្លាយជាម្ចាស់របស់គឺអាចនឹងទិញឬដេញថ្លៃទំនិញក្នុងពិធីនោះបានភ្លាមក៏ប៉ុន្តែប្រាក់ដែលចំណាយនោះត្រូវចាត់ទុកបរិច្ចាគធ្វើបុណ្យទាន។

ពិធីដ៏អធិកអធមនេះបានទាំងរបស់បានទាំងផលបុណ្យ ថែមទាំងមានតារាជើងចាស់ដូចជា ឈិន ឡុង, លីវ ជា លីង,វ៉ាង ហ្វើយ ក៏បានមកចូលរួមដែរ គេរំពឹងថាវារឹតតែធ្វើឲ្យប្រាក់បរិច្ចាគកើនឡើងខ្ពស់ខ្លាំងទៅទៀត។ មនុស្សលេចធ្លោជាងគេក្នុងឱកាសនេះគឺលោក ឈិន ឡុង តែម្តងគាត់ដៃទូលាយចំណាយទុនដេញថ្លៃកាបូបដៃស្អាតដែលមានតម្លៃខ្ពស់ឲ្យស្រីស្រស់ជាប្អូនធម៌ ស្រករក្រោយដែលស្និទ្ធស្នាលគឺនាង លី ពីង ពីង ទៀតផងដែលធ្វើឲ្យមនុស្សទាំងអស់ទះដៃអបអរកងរំពង។មិនតែប៉ុណ្ណោះក៏មានតារាភាពយន្តមកពីហុងកុង តៃវ៉ាន់ ក៏មិនអន់ដែរ មាននាងតារាឯក វីវៀន មកចូលរួមដែរធ្វើឲ្យបរិយាកាសក្នុងពិធីសប្បាយរីករាយបំផុត៕

ប្រភពព័ត៌មាន៖ វរជនខ្មែរ

បញ្ជាក់៖ រាល់អត្ថបទ និង រូបភាពដែលបានចុះផ្សាយទាំងនេះមិនមែនជាកម្មសិទ្ធិរបស់ Sampann IT ឡើយ ការចំលងផ្សព្វផ្សាយចែកចាយបន្ត គឺជាការទទួលខុសត្រូវរបស់សាម៉ីជន...សូមអរគុណ!!!