ប្រិយមិត្តចាប់ផ្តើមជំនុំគ្នាពេលឃើញ សុខ ស្រីនាង លេងឈុតបញ្ចេញសាច់ទ្រូង

បញ្ចូលព័ត៌មានដោយ៖Unknown on Tuesday, September 3, 2013 0

ខណៈតារាស្រីល្បីឈ្មោះមួយចំនួនធំ បានទទួលរងការរិះគន់រឿងស្លៀកពាក់សិចស៊ីបញ្ចេញដើមទ្រូង អ្នកមេម៉ាយរូបស្រស់ សុខ ស្រីនាង ឯណេះ បែរជាទទួលបានការគាំទ្រទៅវិញ នៅពេលនាងស្លៀកសំលៀកមួយឈុតវាលដើមទ្រូង។

មួយឈុតដែលធ្វើឲ្យតារាចម្រៀងផលិតកម្មសាន់ដេ អ្នកនាង សុខ ស្រីនាង រំលងផុតពាក្យរិះគន់ តែទទួលបានការគាំទ្រវិញនេះ គឺជាឈុតរ៉ូបពណ៌សំបកឪឡឹកដៃមួយវាលទ្រូង ស៊ីនឹងសាច់សខ្ចីរបស់នាង។ រូបភាពនេះ ត្រូវបានគេប្រទះឃើញលើទំព័រ Facebook របស់នាង កាលពីប៉ុន្មានថ្ងៃមុននេះ ជាមួយស្នាមញញឹមពេញដោយមន្តស្នេហ៍។

ក្រោយបានឃើញរូបនេះហើយ ប្រិយមិត្តអ្នកគាំទ្ររបស់អ្នកនាង សុខ ស្រីនាង ជាង ២០០០នាក់ បានចុច Like បង្ហាញការគាំទ្រ និងជាង ៥០ នាក់ផ្សេងទៀតបានចែកចាយបន្តឲ្យគ្នា។ ជាមួយគ្នានោះ ពួកគេខ្លះ បាននិយាយដោយសរសើរថា អ្នកនាង សុខ ស្រីនាង ពិតស្អាតណាស់ អ្នកខ្លះទៀតថា សិចស៊ីបន្តិច តែគួរឲ្យចង់មើល និងគួរឲ្យស្រឡាញ់ទៀតផង។

ជារួម ប្រិយមិត្តទូរទស្សនិកជន ៩៨% បានសម្ដែងគាំទ្រ ប៉ុន្តែមានតែ២% ប៉ុណ្ណោះ បានរិះគន់ ដោយសំអាងថា រូបភាព បានបង្ហាញគល់សុដន់សខ្ចីរបស់តារាចម្រៀងរូបនេះ។ប៉ុន្តែទោះយ៉ាងនេះក្តី ការរិះគន់ដែលមានតិចតួចនោះ ក៏មិនជាធ្ងន់ធ្ងរអីដែរ ត្បិតថាអ្វីដែលអ្នកនាង សុខ ស្រីនាង បានធ្វើតាមរយៈរ៉ូបមួយឈុតនេះ បានស្ថិតក្នុងលក្ខខណ្ឌសមរម្យ សមភ្នែកអ្នកមើលទូទៅ ពិសេសនោះ គឺបានរំលេចពីសោភណ្ឌរបស់ស្ត្រីម្នាក់ទៅវិញ។

អ្នកនាង សុខ ស្រីនាង បានក្រាបផ្ទឹមក្លាយជាស្វាមី ភរិយាជាមួយលោក ស៊ីសុវត្ថិ កាលពីថ្ងៃទី២៧ ខែមីនា ឆ្នាំ២០១០។ ប៉ុន្តែមកដល់ចុងឆ្នាំ ២០១១ ជាពេលដែលរាសីដាំក្បាលចុះនោះ អ្នកនាង ត្រូវបានបញ្ចប់អាជីពក្នុងផលិតកម្ម Big Man និងថែមទាំងបានបញ្ចប់ជីវិតអាពាហ៍ពិពាហ៍ជាមួយនឹង ស៊ីសុវត្ថិ ទៀតផង ក្រោមហេតុផលរស់នៅមិនចុះសម្រុងគ្នា។

ក្រោយពីនោះមក អ្នកមេម៉ាយរូបនេះ ក៏បានពួនសម្ងំមួយរយៈធំ មុនពេលចេញមុខមកវិញ ហើយហក់មកជ្រកក្រោមផលិតកម្មសាន់ដេរហូតមកដល់សព្វថ្ងៃ។ តាំងពីបង្ហាញមុខសារថ្មីនេះ គេសម្គាល់ឃើញថា អ្នកនាង សុខ ស្រីនាង កាន់តែមានសម្រស់ស្រស់ស្អាតជាងមុន។ ជាក់ស្តែងតាមរូបភាពមួយសន្លឹកខាងលើនេះ ប្រិយមិត្តជាច្រើនរួចហើយសរសើរថា ស្អាត សិចស៊ី និងគួរឲ្យស្រឡាញ់។

សំខាន់ជាងនេះ ដោយសារចាយរាងចាយសម្រស់ដូច្នេះ ទើបកន្លងមកមានព័ត៌មានចចាមអារ៉ាមថា អ្នកនាង ត្រូវមន្ត្រីធំម្នាក់តាមចែចង់ថែមទៀតផង៕