អង្គការសហប្រជាជាតិ បដិសេធសំណើរបស់លោក សម រង្ស៊ី

បញ្ចូលព័ត៌មានដោយ៖Unknown on Sunday, August 18, 2013 0

ភ្នំពេញ: ​មន្ត្រីជាន់ខ្ពស់​គណបក្ស​សង្គ្រោះ​ជាតិ បាន​និយាយថា អង្គការសហប្រជាជាតិ បាន​និយាយថា ទាល់តែ​មានការ​ស្នើសុំ​អំពី​គណបក្សនយោបាយ​ទាំងពីរ ទើប​អង្គការសហប្រជាជាតិ អាចឆ្លើយតប​បាន​ចំពោះ​សំណើ​ដែល​ចង់អោយ​សហប្រជាជាតិ បញ្ជូន​មនុស្ស​មក​ចូលរួម​ដោះស្រាយ ភាពមិនប្រក្រតី នៅក្នុង​ការបោះឆ្នោត​។​

​លោក យឹម សុវណ្ណ អ្នកនាំពាក្យ​គណបក្ស​សង្គ្រោះ​ជាតិ បាន​និយាយ​នៅ​រសៀល​ថ្ងៃទី​១៦ ខែសីហា​ថា ទាល់​តែម​មានការ​ស្នើសុំ​ពីរ​គណបក្ស​ទាំងពីរ ទើប​សហប្រជាជាតិ​ធ្វើការ​ឆ្លើយតប​។​

ការឆ្លើយតប​បែបនេះ​មានន័យថា ការស្នើសុំ​របស់លោក សម រង្ស៊ី ដែល​បាន​សរសេរ​លិខិត​ទៅកាន់​លោក បាន គី​មួន អគ្គលេខាធិការ​អង្គការសហប្រជាជាតិ ដើម្បី​បញ្ជូន​អ្នកសង្កេតការណ៍​នោះ គឺ​មិន​ទទួលជោគជ័យ​ឡើយ​។ អង្គការសហប្រជាជាតិ នឹងមិន​លូកដៃ​នៅក្នុង​ជម្លោះ​បោះឆ្នោត​នេះឡើយ បើសិនជា​គ្មាន​ការព្រមព្រៀង​ពី​គណបក្ស​ទាំងពីរ​ធ្វើការ​ស្នើសុំ​រួមគ្នា​ទេនោះ​។​ 

​នៅពេល​ជួប​អ្នកគាំទ្រ​នៅថ្ងៃនេះ លោក សម រង្ស៊ី បាន​និយាយថា លោក​ក៏បាន​ជួប​មន្ត្រី​សហប្រជាជាតិ​ផងដែរ នៅក្នុងពេល​លោក​នៅ​អាមេរិក​។ ប៉ុន្តែ​លោក​មិនបាន​និយាយ​លម្អិត​ឡើយ អំពី​លទ្ធផល​នៃ​ជំនួប​នោះ​។​

ការបដិសេធ​របស់​ស​ហ​ប្រជាជាតិ នឹង​តម្រូវអោយ​គណបក្សនយោបាយ​ទាំងពីរ ត្រូវ​ដោះស្រាយ​បញ្ហា​បោះឆ្នោត​តាមរយៈ​ការចរចា​រវាង​គ្នា​និង​គ្នា ដើម្បី​រក​ច្រកចេញ​៕

បភពដើម៖ CEN

បញ្ជាក់៖ អត្ថបទដែលបានចុះផ្សាយនេះមិនមែនជាការតែងនិពន្ធដោយ Sampann IT ឡើយ ។