កម្មវិធីចែករង្ចាន់ដល់សិស្សណូកែ ឆ្នាំ២០១២ ២១៣ និងសម្ពោធអាគារសាលាថ្មី

បញ្ចូលព័ត៌មានដោយ៖Unknown on Thursday, August 22, 2013 0

ក្រុងប៉ោយប៉ែត៖ នៅព្រឹកថ្ងៃទី២២ សីហា ឆ្នាំ២០១៣ នៅសាលាឯកជន មានឈ្មោះ សាលាពន្លកខ្មែរ ក្រោមអធិបតីភាព អ្នកស្រី ប៉ុក ណាឌីអភិបាលរងខេត្តបន្ទាយមានជ័យ លោក ង៉ោម៉េងជ្រួន អភិបាលក្រុងប៉ោយប៉ែត លោក អ៊ុំ សុផល អធិការក្រុង និងមន្ត្រីគ្រប់ស្ថាប័នជាច្រើននាក់ លោក ឈើយ ចាន់ណា ប្រធានមន្ទីអបរំយុវជននិង កីឡាខេត្តបន្ទាយមានជ័យ លោក យូ សុខខេង នាយកសាលាពន្លកខ្មែរ អ្នកគ្រូ លោកគ្រូ និងសិស្សានុសិស្សជាច្រើននាក់ ព្រមទាំងមាតា បិតាសិស្សានុសិស្សផងដែរ។ លោក យូ សុខខេង នាយកសាលាពន្លកខ្មែរបានឡើងអានរបាយការណ៍ ឥឡូវនៅក្នុងសាលារបស់លោក មានតាំងពីថ្នាក់ទី១ រហូតដល់ថ្នាក់១២ គឺមានសិស្សានុសិស្សកើនឡើងជាបន្តបន្ទាន់ នៅក្នុងសាលារបស់គឺមានអ្នកគ្រូ លោកគ្រូដែលមានបទពិសោធន៍ជាច្រើនឆ្នាំ លោកបន្ថែម ទៀតថា រីឯការសាងសង់សាលាបន្ថែមមានកម្ពស់៣ជាន់ មាន៣១បន្ទប់ ការសាងសង់បានចំណាយអស់ទឹកប្រាក់ចំនួន ៦៣៩៩០០$ ដែលជាទុនវិនិយោគផ្ទាល់ ប្រាក់កំចីពីបងប្អូន និងធានាគារអេសីុលីដា និងធនាគាកាណាឌីណា ។

ក្នុងកម្មវិធីនេះបានចែកបណ្ណសរសើរ ជូនជាអនុស្សាវរីយ៍ អបអរសាទរ ដល់ការខិតខំប្រឹងប្រែងព្យាយាមសិក្សា សិស្សានុសិស្ស រៀនបានចំណាត់ថ្នាក់លេខ០១ ដល់០៥ មានចំនួនទាំងអស់ ៣៥៦នាក់ ស្រី ២២០នាក់។ អ្នកស្រី ប៉ុក ណាឌី អភិបាលរងខេត្តបន្ទាយមានជ័យ បានធ្វើការសំណេះសំណាលជាមួយសិស្សានុសិស្សទាំងអស់ថាត្រូវខំប្រឹងប្រែងសិក្សា ព្យាយាម យកចិត្តទុកដាក់ការរៀនសូត្រ ព្រោះប្អូនជាទំពាងស្នងឬស្សី ហើយក៏ដូចជាសរសរទ្រង់នៃសង្គមជាតិយើងផងដែរ៕